1 Samuel 1:24 - সান্তালী বাইবেল

²⁴ Ado gidrạ toa nunui bạgiketʼ khan Hanna do pea ḍaṅgra, gel irạl keji holoṅ, harta reakʼ thulire mitʼ thuli darkha rasa ar gidrạ soṅgekate Silote Probhu Isorakʼ oṛakʼteye calaoena. Unre gidrạ do huḍińgeye tahẽkana.

1 Samuel 1:24 Iomraidhean Croise

Genesis 21:8

Isahak doe harayena ar gogowakʼ toa ńũ tise bạgiketʼ enhilokʼge Abraham do mitʼṭecʼe bhojkeda.

1 Rapajko 11:20

Tahpenesren bokot kuṛiyakʼ kukhire Hadadren do mitʼṭen hopone janamena; uniyakʼ ńutum do Genubat tahẽkana. Tahpenes do uni gidrạ raj oṛakʼreye dohokedea ar uni do onḍege eṅgat towa nunuye bạgikeda. Ar Genubat do onḍe Pharaoren hopon ar hoponerako tulucʼgeye tahẽyena.

Mathae 13:33

Uni do arhõ mitʼṭecʼ phene lạiyatʼkoa: “Serma raj do khạmi lekana. Mitʼṭen maejiu do ona idikate gel irạl keji holoṅreye sipi mesalkeda. Onate joto holoṅ do khạmiyanakʼ hoyena.”

Dosar Biboron 12:11

Unre uni do acʼ sodorokʼ lạgitʼ okaṭakʼ ṭhạ̃i acʼ tahen lạgitʼe bachaojoṅ onḍege ape do oneń hukum akawatʼpe jotowakʼ jinisko idikate apeakʼ jeredokʼ samaṅokʼakʼ ar eṭakʼ janwar samaṅokʼakʼ, apeakʼ gel hạṭiń reakʼ mitʼ hạṭiń, tulokʼ samaṅokʼakʼ ar Probhu Isor ṭhenpe manotakatʼ reakʼ samaṅokʼakʼko uni ṭhenpe ạguiya.

Dosar Biboron 16:16

“Aperen Probhu Isore bachao akawan ṭhạ̃ire bochorre pe dhao, metakʼme bin khạmiyanakʼ piṭhạ porobpe porobokʼ jokhecʼ, eae hapta reakʼ porobre ar chamḍa porobre aperen sanam herel hoṛko do Probhu Isor samaṅre hạjirokʼ hoyokʼtakoa. Unre Probhu Isor samaṅre eken ti okoe hõ alo jemonko hijukʼma.

Josuạ 18:1

“Ar Israel hoponko do Silote senkateko jarwayena ar ńapamokʼ tạmbuko beretʼkeda. Goṭa disạmge Israelko tabere hecʼenre hõ onkoren eae gusṭiren hoṛko do unhõ sompotti bako ńamakatʼ tahẽkana.”