1 Samuel 1:23 - সান্তালী বাইবেল

²³ Uniren jãwãe Elkana do uniye metadea, “Am okaṭakʼ bhagem hudisetʼ onage onkaeme. Ar gidrạ do nunu ạuriye bạgi hạbicʼ nonḍege tahenme. Probhu Isor do acʼakʼ gokʼakʼe purạuma.” Ar onate Hanna do oṛakʼregeye tahẽyena ar gidrạ nunu ạuriye bạgi hạbicʼe jotonkedea.

1 Samuel 1:23 Iomraidhean Croise

2 Samuel 7:25

“Ńitokʼ do E Probhu Isor, amren guti ar uniyakʼ bõs reaṅ okaṭakʼem gokʼakatʼ ona baṛe jaejug rukhiyạ akae dohoyme. Ar amakʼ gokʼakʼ lekage kạmime.

1 Rapajko 3:21

Ado ạuri aṅga marsalokʼre ińren gidrạ do toa nunuwae lạgitʼ iń beretʼen khan gidrạ do gocʼgeń ńelkedea. Ar setakʼ marsalen khan mońjteń ńelkedea uni do ińren gidrạ doe baṅkana.”

Sereńko 22:9

Eṅgạńakʼ kukhi khon amgem oḍok ạgukedińa; iń do tinre eṅgạńakʼ towań ńũiyetʼ tahẽkana unre amge amre bhorsakʼ reakʼem udgạu ledeńa.

Jesaea 44:26

Menkhan iń do ińren gutikoakʼ kathań jo baha ocoya ar ińren goḍetkoakʼ kathań purạua. Iń do Jerusalem reaṅ doń mena, ‘onḍe do hoṛko girobasokʼa,’ ar Jihudạ nagrahako reaṅ doń mena, ‘onako do arhõ teṅgo ruạṛokʼa.’ Ar disạm reakʼ maraokʼ akanakʼko do arhõń teṅgo ruạṛa.

Numeri 30:12

Menkhan acʼren jãwãetetʼ ona katha ańjomkate onae mạutạ ocoye menetʼkhan uniyakʼ ona manotteakʼ se gokʼakʼ do mạutạkʼtaea. Ar uniren jãwãetetʼe baron akadete Probhu Isor hõ uniyakʼ manotteakʼ se gokʼakʼ rạputʼ iạteye ikạyea.

Mathae 24:19

Unre bhạrti hoṛmoanko ar gidrạ nunuako kan onkore do hae hae!

Luk 11:27

Ado Jisu kathae roroṛkan tahẽkanrege gadel hoṛko modren mitʼṭen maejiu do hohowateye menkeda, “Bhạgangeae uni maejiu, one okoe do kukhireye doholetʼme ar toae nunuatʼme tahekan.”

1 Samuel 1:17

Unre Eliye menkeda, “Amakʼ jiwi baṛe raṛejokʼtam ma. Israelkoren Isor ṭhen okam khojakatʼ ona jemone emam.”

1 Samuel 14:36

Tayomte Sạule menkeda, “Dela bon, teheń ńindạ do Philisṭiko bon lagakoa ar setakʼ hạbicʼ onkoakʼ jinisko bon luṭtakoa. Onkoren mitʼṭen hõ jiwetʼ do babon dohokoa.” Hoṛkoko roṛ ruạṛkeda, “Am okaṭakʼ bhagem hudisetʼ ona baṛe onkaeme.” Menkhan naekeye menkeda, “Dela bon, abo do pạhilre Isor ṭhen bon kuliyange.”

1 Samuel 14:40

Sạul do unre sanam Israelkoe metatʼkoa, “Ape do mitʼ secʼre teṅgokʼpe, iń ar ińren hopon Jonathan tạliń do eṭakʼ secʼre liń teṅgokʼa.” Hoṛkoko menkeda am okaṭakʼ bhagem hudisetʼ onage onkaeme.”