1 Samuel 1:19 - সান্তালী বাইবেল

¹⁹ Dosar hilokʼ setakʼ onko do beretʼkate mundilre senkate Probhu Isorko sewawadea. Ar ona tayom do akoakʼ oṛakʼ Ramoteko ruạṛ calaoena. Tayomte Elkana do acʼren bạhu Hanna ṭhene boloyena ar Probhu Isor hõ Hannae luturadea.

1 Samuel 1:19 Iomraidhean Croise

Genesis 21:1

Probhu Isor do acʼakʼ katha lekage Sarae hirikedea ar uni lạgitʼ okaṭakʼe gokʼakatʼ tahẽkan onae onkakeda.

Genesis 30:22

Inạ tayom Isor do Rahel secʼe beṅgetʼkeda. Uni do Rahelakʼ koejoṅe ańjomkeda ar bhạrti hoṛmo reakʼ daṛeye emadea.

Genesis 4:1

Adam do acʼren bạhu Hawa tulucʼe giticʼmitʼen khan Hawa doe bhạrti hoṛmoyena, ar Kain ńutuman mitʼṭen koṛa hopone janamkedea. Unre Hawae menkeda, “Probhu Isor do mitʼṭen koṛa hopone emakawạdińa.”

Genesis 8:1

Jahajre Noha ar uni sãote tinạkʼ ạsul ar bir janwarko tahẽkan Isor do onkoakʼ katha bae hiṛińleda. Uni do dhạrti cetanre hoeye ạgukeda, ar onate dakʼ do ańjedokʼ ehopʼen.

2 Rapajko 4:17

Tayomte maejiu doe bhạrti hoṛmoyena ar Elisae okae menletʼ onkage dosar bochor inạ oktere uni do gidrạren eṅgate hoyena.

Sereńko 119:147

Ạuri aṅga marsalokʼrege iń do beretʼkate goṛo ńam lạgitʼ iń rakʼeda; amakʼ gokʼakʼ cetanreń bhorsakʼ kana.

Sereńko 136:23

Uni do aboakʼ bạpuṛicʼ dosaye disạketʼtabona; ente uniyakʼ dulạṛ do jaejuggetaea.

Sereńko 25:7

Ińakʼ koṛa umer reakʼ kại ar am upạrte hul reakʼ katha do alom disạ dohokakʼa; amakʼ asambheṛ dulạṛ iạte disạyińme baṛe, ente E Probhu Isor, am dom bhagegea.

Sereńko 5:3

E Probhu Isor, din hilokʼ setakʼre ińakʼ katham ańjometʼ kana setakʼre iń do am samaṅre ińakʼ koejoṅiń samaṅetʼ kana ar askateń ńel hohorkana.

Sereńko 55:17

Setakʼ, tikin ar ạyupʼ iń do botor salakʼiń ạjijaea, ar uni do ińakʼ aṛaṅe ańjomtińạ.

Mark 1:35

Dosar hilokʼ setakʼ ńut tahẽkanrege Jisu doe beretʼena ar oṛakʼ bạgikate mitʼṭecʼ nisun jaegare senkate koejoṅe ehopʼena.

Luk 23:42

Tayomte uni doe menkeda, “E Jisu, amakʼ rajosṭirem ruạṛ hecʼlenre iń hõ disạyińme baṛe.”

Josuạ 18:25

Ona chaḍa onko do Gibeon, Rama, Be-Erot,

1 Samuel 1:1

Ephrayim buru ṭoṭha reakʼ Ramathayim Sophim nagrahare Elkana ńutuman mitʼ hoṛ do Ephrayim gusṭiren hoṛko sãoteye girobasokʼ kan tahẽkana. Uniren apatakʼ ńutum do Jeroham tahẽkana. Jeroham do Elihuren hopone tahẽkana, Elihu do Tohuren hopon ar Tohu do Suphren hopone tahẽkana.

1 Samuel 1:11

Ar Probhu Isor ṭhen manot dohokateye menkeda, “E sanam daṛeanicʼ Probhu Isor, amren kạ̃ṛmĩyakʼ mon reakʼ duk secʼ baṛe beṅgedme ar ańjomtińme. Ar iń bam hiṛiń akadińte amren kạ̃ṛmĩ jodi mitʼṭen hoponem danae enḍekhan jonom bhor uni do am ńutumteń emokʼa. Ar uniyakʼ bohokʼre tisge holatʼ do bạń lagaoakʼa.”

1 Samuel 15:34

Ona tayom uni do Ramoteye ruạṛ calaoena ar Sạul do Gibeat-Sạul nagrahateye ruạṛena.

1 Samuel 16:13

Unre Sạmuel do dereń reakʼ sunumante uniren boehako talareye ojokʼkedea. Ar enhilokʼ khon Probhu Isorren Jiu do Dạud cetanreye hecʼena. Inạ tayom Sạmuel do Ramoteye ruạṛ senena.

1 Samuel 19:18

Ar Dạud doe dạṛketʼte jiwiye bańcaoketʼtaea. Uni do Ramare Sạmuel ṭhene senena ar acʼ upạrte Sạul okakoe ceka akatʼ ona jotowakʼe baḍae ocokedea. Ona tayom Dạud ar Sạmuel do Nayot burure senkate girobasokʼ kin ehopʼena.

1 Samuel 2:11

Inạ tayom Elkana do Ramate acʼakʼ oṛakʼteye ruạṛ calaoena, menkhan Samuel do naeke Eli ṭhen tahẽkate Probhu Isore sewawae kan tahẽkana.

1 Samuel 25:1

Tayomte Samuel doe gocʼena. Ar Israelren sanam hoṛko do jarwa mitʼkate uni lạgitʼko homor halaṅkeda. Onko do Ramare uniyakʼ oṛakʼregeko topakadea. Ona tayom Dạud do Paran hahaṅkarteye calaoena.

1 Samuel 7:17

Ar ona tayom uni do acʼakʼ oṛakʼ Ramateye ruạṛ calakʼkan tahẽkana. Uni do onḍe hõ Israelkoe bicạretʼko tahẽkana. Ar Probhu Isor ńutumte onḍe mitʼṭecʼ pinḍe benaoletʼ tahẽkana.

1 Samuel 8:4

Ona iạte Israelkoren murubbiko doko mitʼena ar Ramare senkate Samuelko lạiyadea, “Ńelme, am dom haṛamena ar amren hoponkin do amakʼ horte bạkin taṛameda, onate eṭakʼ jạtrenko leka abo bicạrbon lạgitʼ mitʼṭen raj baṛe teṅgoaleme.”

1 Samuel 9:26

Dosar hilokʼ ạḍi setakʼre onko do jạpitʼ khonko beretʼena. Ar marsalen khan Sạul chatreye tahẽkanrege Samuel do uniye metadea, “Ma sapṛaokʼme ńitokʼ doń bidạkama.” Sạul ar Sạmuel dokin sapṛaoena arkin oḍok calaoena.