1 Rapajko 1:11 - সান্তালী বাইবেল

¹¹ Unre Nathan do Solomonren eṅgattetʼ Bethsebae metadea, “Aleren mạlik Dạud begor baḍae ocoyete Hagitren hopon Adoniạ do raje hoyakan ona do cetʼ bam ańjom akada?”

1 Rapajko 1:11 Iomraidhean Croise

2 Samuel 15:10

Absalom do Israelren sanam gusṭiko ṭhen noa katha menkate oko okote hoṛkoe kolketʼkoa, “Sakwa reakʼ saḍe ańjom toragepe mena, ‘Absalom do Hebronren raje hoyena.’ ”

2 Samuel 3:4

Ponicʼ hoponakʼ ńutum do Adoniạ; uni do Hogetren hopone tahẽkana. Mõṛẽyicʼ hoponakʼ ńutum do Sephaṭia; uni do Abitalren hopone tahẽkana.

1 Rapajko 1:10

Menkhan uni do Nathan nạbi, Bonae, Dạudren birbanṭa hoṛko ar uniren boeha Solomonteko do bae neotaletʼkoa.

1 Rapajko 2:13

Tayomte Hagitren hopon Adoniạ do Solomonren eṅgat Bethseba ṭhene senena. Bethaseba do uniye kulikedea, “Am do cetʼ sulukokʼ lạgitʼte nonḍem hecʼakana?” Uniye menkeda, “Hẽ, sulukokʼ lạgitʼgeń hecʼakana. Ińakʼ do am sãote thoṛa galmarao menakʼtińạ.” Bethsebae menkeda, “Ma roṛme.”

1 Bõsbudạ 29:1

Ona tayom Dạud raj do sanam hoṛkoe metatʼkoa, “Ińren hopon Solomonge Isor doe bachao akadea; uniyakʼ umer do komgetaea ar gạkhuṛ hõ bae gạkhuṛa. Menkhan noa kạmi do ạḍi maraṅakʼ kana, ente noa maraṅ dolan do Probhu Isor lạgitʼ kana, jãhãe manwa lạgitʼ do baṅa.