1 Johan 5:7 - সান্তালী বাইবেল

^7-8 Sonot Jiu, dakʼ ar mãyãm, noa pea talate ona goha do hijukʼkana ar ona pene goha do mitʼgea.

Santali Common Language New Testament

^7-8 Sonot Jiu, dakʼ ar mãyãm, noa pea talate ona goha do hijukʼ kana ar ona pene goha do mitʼgea.

1 Johan 5:7 Iomraidhean Croise

Sereńko 33:6

Probhu Isorakʼ kathatege serma do sirjạu akana; ar ona reakʼ sanamakʼ do uniyakʼ sahẽtʼte sirjạu akana.

Jesaea 61:1

Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombatiń danako. Uni doe kol akadińạ rạputʼ monanko bogeko lạgitʼ, bondi akanko ṭhen sạdhinokʼ reakʼ katha lại jạhir lạgitʼ; kạd oṛakʼre tol akanko ṭhen chaḍaokʼ reakʼ katha sodor lạgitʼ;

Mathae 17:5

Ado Patras kathae roroṛkan tahẽkanrege mitʼṭecʼ jhalkaokʼkan rimil do onkoe umul esetʼketʼkoa. Ar ona rimil khon mitʼṭen aṛaṅ ańjomena, “Nuige ińren dulạṛiạ Hopon, iń do unireń kusi akana. Ape do uniyakʼ ańjomtaepe.”

Mathae 18:16

Menkhan bae ańjomletam khan eṭakʼ mitʼ se bar hoṛ soṅge torajoṅme, jemon bar se pe hoṛakʼ goha do sạriyakʼ mente sạbudokʼ.

Mathae 28:19

Onate sanam jạtren hoṛko ṭhen calakʼpe ar ińren cela hoyocokope. Ar Baba, Hopon, Sonot Jiu ńutumte bạptiskope.

Johan 1:1

Etohopʼrege kathatetʼ tahẽkana, ar kathatetʼ do Isor ṭhen tahẽkana ar kathatetʼ do acʼge Isore tahẽkana.

Johan 10:30

“Iń ar Baba doliń mitʼgea.”

Johan 12:28

E Baba, amakʼ ṭhonok sodorme baṛe.” Unre serma khon noa katha ańjomena, “Iń do ińakʼ ṭhonokiń sodor akada ar ona do arhõń sodora.”

Johan 14:17

Uni sohotʼicʼ kangeae sạriyakʼren Jiu do. Dhạrtiren hoṛko uni do ohoko ataṅ daṛelea, ente onko do ńelhõ bako ńelekana ar baḍae hõ bako baḍae akadea. Menkhan ape dope baḍae akadea, ente uni do ape são sãoteye tahẽkana ar apeakʼ ontorreye girobasokʼa.

Johan 15:26

“Okoe sohotʼicʼ Baba ṭhen khoniń kolape, uniye hecʼlenre unige iń reaṅ gohae ema. Uni doe hoyokʼ kana sạriyakʼren Jiu one okoe do Baba ṭhen khone hijukʼkan.

Johan 5:26

Ente, Baba do cetʼleka acʼre jion menakʼtae onkage uni do Hopon hõ jion tahentae lạgitʼe emakawadea.

Johan 8:18

Iń do iń reakʼ gohań emeda, ar ińe kol akadiń Baba hõ iń reakʼ gohae emeda.”

Johan 8:54

Jisui roṛ ruạṛatʼkoa, “Iń do ińtegeń sabasikʼkan khan ona reakʼ do cetʼ damge bạnukʼa. Ińren Baba, one okoe do aperen Isor mentepe dạbiyetʼkan unige iń do manote emạń kana.

Aposkạmi 2:33

Isorakʼ jojomsa aṛere duṛubokʼ reakʼ ṭhonok do unigeye dan akawadea are gokʼade tahẽkana sonot Jiu do Isor Baba ṭhen khongeye ńam akadea; ar ńitokʼ ape okape ńeletʼkan arpe ańjometʼkan ona do Jisugeye emakana.

Aposkạmi 5:32

Ale do noaren gohako kanale ar okoe Isorakʼko bataoetʼkan, ar okoe do sonot Jiue emakatʼko uni sonot Jiu hõ ona reaṅ goha kanae.”

2 Korinthiko 13:14

Aboren Probhu Jisu Mạsiyakʼ daya ar Isorakʼ dulạṛ ar sonot Jiu reakʼ helmel ape jotoko tulucʼ baṛe tahenma.

Dosar Biboron 6:4

“E Israelko ańjompe, aboren Probhu Isor doe mitʼ goṭengea.

1 Johan 1:1

Okoe pạhil khongeye tahẽkan, ar okoeyakʼ moca reakʼ kathale ańjom akatʼ, okoe nij mẽtʼtele ńel akade, okoe do mońj okocʼtele ạri bạndhi akade, okoe do nij titele joṭetʼ akade, ona jion reakʼ kathage nonḍeń oleda.

1 Johan 5:6

Nui kangeae Jisu Mạsi, one okoe do dakʼ ar mãyãm hoteteye hecʼlen. Eken dakʼ hotete do baṅ, bickom dakʼ ar mãyãm hoteteye hecʼlena. Sonot Jiu do noa reaṅ gohae emeda, ente uni do acʼgeye sạriyakʼtetʼ kana.

Johan sodor 19:13

Uni do mãyãmre topoakatʼ kicricʼe oyo akatʼ tahẽkana, ar uniyakʼ ńutum do Isorakʼ katha kana.