1 Johan 5:18 - সান্তালী বাইবেল

¹⁸ Baḍaea bon, Isor khon janamicʼ do kạire bae tahena. Ar okoe Isor khone janam akan unige uni doe rukhiyạyea, ar Soetan do bae joṭetʼ daṛeaea.

Santali Common Language New Testament

¹⁸ Baḍaeabon, Isor khon janamicʼ do kạire bae tahena. Ar okoe Isor khone janamakan unige uni doe rukhiạyea, ar Soetan do bae joṭetʼ daṛeaea.

1 Johan 5:18 Iomraidhean Croise

Sereńko 119:101

Joto lekan kại reakʼ hor khon ińakʼ jaṅga doń ocokʼakada, jemon amakʼ katha lekań sen daṛeakʼ.

Sereńko 119:3

Onko do jãhãnakʼ bako behoka; onko do Probhu Isorakʼ horregeko taṛama.

Sereńko 17:4

Manwa okakoe kạmi onako baṅkate amakʼ moca reakʼ katha hotete julum reakʼ hor khon iń doń ocokʼ akana.

Sereńko 18:23

Uni samaṅre bin dusạngeń tahẽkana; iń do kại khon hõ pharakreń tahẽlena.

Sereńko 39:1

Ińiń menkeda, “Iń calakʼ hor reaṅ iń do sontor akae iń tahena, jemon alaṅte aloń kại; ar tin hạbicʼ iń samaṅre bạṛicʼ hoṛko tahena un hạbicʼ ińakʼ moca doń gumạikakʼa.”

Kạhtukko 4:23

Jotowakʼ khon amakʼ ontorge pahra dohoyme, ente ontor khonge amakʼ jion reakʼ jotowakʼ do oḍokʼ hijukʼa.

Levitikus 11:37

Khetre er lạgitʼ doho akan jãhãn itạ cetanre nokoakʼ mạ̃ṛĩ ńurokʼ enḍekhan ona do besaphawakʼ baṅ hoyokʼa;

Mathae 5:37

Apeakʼ katha do, ‘Hẽ khan hẽ,’ ar ‘Baṅ khan baṅ hoyokʼma,’ ar noa khon bạ̃ṛtiyakʼ okaṭakʼkan, ona do Soetan ṭhen khonge hijukʼa.

Mathae 6:13

ar biḍạute alom aderlea, menkhan bạṛicʼakʼ khon bańcaolem. [Ente raj ar daṛe ar ṭhonok jaejug hạbicʼ amakʼge, Amen.]

Johan 1:13

Noko hoṛkoakʼ janam do mãyãm khonakʼ do baṅ hoyakana, ar jel reakʼ sana se herel hoṛakʼ sana khon hõ baṅa, bickom Isor khonge hoyakana.

Johan 14:30

Iń do ape tulucʼ ar ḍher ghạṛicʼ do bạń galmaraoa, ente noa dhạrtiren raje hijukʼkana. Ińre uniyakʼ jãhãn ektiạri do bạnukʼtaea.

Johan 15:4

Ińre tahenpe ar iń hõ apeakʼ ontorreń tahena. Darkha nạ̃ṛĩre ḍạrko joṛao baṅ tahẽlen khan cetʼ leka apnarte baṅ jokʼ onkage ape hõ ińre bape tahẽlen khan apnarte ohope jo daṛelena.

Johan 15:7

Ińrepe tahẽlen khan ar ińakʼ kathako apeakʼ ontorre tahẽnlen khan enḍekhan jãhãnakʼge sanape, onage koepe; ar ona do hoeapea.

Johan 15:9

Baba cetʼlekae dulạṛ akadiń ińhõ onkage apeń dulạṛakatʼpea. Ińakʼ dulạṛre tahenpe.

Aposkạmi 11:23

Ar Antiokiạren hoṛko Isorakʼ dayako ńamakada menteye ńelketʼ khan Barnabas do ạḍiye rạskạyena. Onko jemon goṭa ontorte Probhu Isorre biswạsko tahen onate uni do sanamkoe sikhạu paṛhaoketʼkoa.

Jakob 1:18

Acʼakʼ nij sanate sạriyakʼ katha hotete uni do acʼren gidrạkoe hoyocoketʼ bona, jemon uniyakʼ sirjonre pạhil utạrakʼ jo bon hoydaṛeakʼ.

Jakob 1:27

Rạnḍi maejiu ar tũạr amarko dukokʼ jokhecʼ hiriko ar dhạrti reakʼ joto lekan bạṛicʼakʼ khon apnartetʼ sahaṛ akae tahenge hoyokʼkana Isorakʼ mẽtʼre sạri dhorom ar khạṭitetʼ.

1 Patras 1:23

Okaṭakʼ itạ nosṭokʼ, onkan itạ khon nãwãte do bape janam akana, bickom okaṭakʼ itạ tis hõ baṅ maraokʼ ona khongepe janam akana. Ar ona itạge hoyokʼ kana Isorakʼ jiwetʼ ar jaejug hạbicʼ tahẽkan katha do.

1 Johan 2:29

Baḍaegeape, uni doe dhoromgea, ar noa hõ baḍae dohokakʼpe, okoe dhorom kạmire apnarte lạgiyạ paṛao akanko tahen, onko do Isor khongeko janam akana.

1 Johan 3:12

Onateń meneda, Kạin leka jemon alo bon hoyokʼma. Kạin do Soetanren hoṛe tahẽkana uni do acʼren boehae khũnledea. Menkhan cedakʼe khũn ledea? Ente uni do bạṛicʼakʼkoe kạmiyetʼkan tahẽkana, ar uniren boeha do dhorome kạmikan tahẽkana.

1 Johan 3:3

Okoe Mạsire noa ase dohoy uni do apnare khạṭikʼ kana cetʼleka Mạsiye khạṭige.

1 Johan 3:9

Isor khon janamicʼ do kạire bae tahena, ente Isorakʼ gun do unire tahenkana. Isor khone janamakante uni do kạire bae jobe tahẽ daṛeakʼa.

1 Johan 4:6

Abo do Isorren kana bon; okoe Isore baḍae akade uni do aboakʼ kathae ańjoma, menkhan okoe Isorrene baṅkan uni do aboakʼ katha bae ańjoma. Ar noatege abo do sạriyakʼren Jiu ar bukʼlạuren jiu bon orom daṛeaea.

1 Johan 5:1

Jisu do Mạsi kanae mente okoeko pạtiạukʼkan, onko do Isor khonko janam akana. Ar okoe Babako dulạṛ edekan onko do uniren Hopon hõko dulạṛ edekana.

1 Johan 5:15

Baḍaegea bon, jãhãnakʼge bon koeye, uni do onageye ańjoma, ar noa hõ bon baḍaegea, uni ṭhen oka bon koeakatʼ ona do bon ńamakatʼgea.

1 Johan 5:19

Baḍaeabon abo do Isorren kanabon, ar goṭa dhạrti do Soetanakʼ ektiạri latarre menakʼa.

1 Johan 5:20

Arhõ bon baḍaea, Isorren Hopone hecʼente bujhạu reakʼ daṛeye emakatʼbona jemon sạri Isor bon baḍae orom daṛeae. Ar okoe doe sạri Isor kan abo do uni tulucʼ bon kolom mitʼ akana, metakʼme uniren Hopon Jisu Mạsi tulucʼ menakʼ bona. Unige sạri Isor ar unige jaejug jion do.

1 Johan 5:21

E bachakotiń, boṅgako tulucʼ apeakʼ do jãhãn jopoṛao alo tahen ma.

1 Johan 5:4

ente Isorren mitʼke mitʼ gidrạ do dhạrtiko bhagaoeda. Dhạrtire okaṭakʼe jitạu akan ona kangea aboakʼ pạtiạu.

Jihudạwakʼ ciṭhi 1:21

Aboren Probhu Jisu Mạsiyakʼ mãyã do jemon jaejug jion secʼe idipe ona ńel hor lạgitʼge ape do Isorakʼ dulạṛre tahenpe.

Jihudạwakʼ ciṭhi 1:24

Eken mitʼ goṭen Isor menaea, okoe doe aboren babańcaoicʼ kan uni do apepe tohodokʼ khon bańcaokate niphuṭge acʼakʼ ṭhonok samaṅre rạskạteye hạjir daṛeapea. Sanam jugko reakʼ pạhil khon cetʼ leka tahẽkan onkage ńit hõ ar jaejug hạbicʼ aboren Probhu Jisu Mạsi hotete Isorakʼge ṭhonok, mạhima, daṛe ar ektiạri tahentae ma. Amen.

Johan sodor 2:13

Am okarem tahenkan ona doń baḍaegea; onḍe do Soetanakʼ siṅghạson menakʼa. Enhõ am do ińre pạtiạr menama ar iń cetanre amakʼ pạtiạu do bam baṅ akada. Okare Soetane tahenkan onḍe ińren pạtiạricʼ goha Antipas do ape samaṅreye khũn ocolenre hõ am do amakʼ pạtiạu bam baṅlakʼa.