1 Johan 5:16 - সান্তালী বাইবেল

¹⁶ Jãhãege acʼren boeha nonka kạkạikane ńel lekhan one okaṭakʼ do gujukʼ senakʼ baṅkan, enḍekhan uni do Isor ṭhene koejoṅ ma ar onate uni do jiwetʼe dohoyea. Iń do nonḍe onkoakʼ kathageń roṛeda one okoe doko kạiyetʼkan, menkhan onkoakʼ kại do gujukʼ senakʼ do baṅkan. Menkhan gujukʼ senakʼ kại hõ menakʼgea. Ona reaṅ nehõrape reakʼ katha do bạń metapekana.

Santali Common Language New Testament

¹⁶ Jãhãege acʼren boeha nonka kạkạikane ńel lekhan one okaṭakʼ do gujukʼ senakʼ baṅkan, enḍekhan uni do Isor ṭhene koejoṅma ar onate uni do jiwetʼe dohoyea. Iń do nonḍe onkoakʼ kathageń roṛeda one okoe doko kạiyetʼkan, menkhan onkoakʼ kại do gujukʼ senakʼ do baṅkan. Menkhan gujukʼ senakʼ kại hõ menakʼgea. Ona reaṅ nehõrape reakʼ katha do bạń metapekana.

1 Johan 5:16 Iomraidhean Croise

Genesis 20:17

Noa tayom Abraham do Isor ṭhene koeyana. Onate Isor do Abimelek, ar uniren bạhu ar uniren eṭakʼ maejiukoe bogeketʼkoa. Noate onko do gidrạ janamko reakʼ daṛeko ńam ruạṛkeda.

Genesis 20:7

Ńitokʼ do acʼren jãwãe ṭhen idi ruạṛkaeme. Uni do mitʼṭen nạbi hoṛ kanae. Uni do am lạgitʼe koeya, ar onate amakʼ jiwi do rukhiyạkʼtama. Menkhan jodi uni bam ruạṛkae, enḍekhan disạime, am ar amren hoṛ sanamgeko gujukʼa.”

Sereńko 106:23

Onate uniye menkeda onko doe maraokoa; ar onageye kạmikea menkhan bachao akade Mose do uniyakʼ hijukʼ horreye teṅgoyena, jemon ḍahao maraoko reakʼ edre khone ruạṛ daṛeae.

Jirimiạ 11:14

“Noko hoṛko lạgitʼ do alom koejoṅa se onko lạgitʼ jãhãnakʼ hõ alom nehõrạńạ, onkoakʼ kosṭokʼ oktere ińko hohoạńre hõ iń do bạń ańjomtakoa.

Jirimiạ 14:11

Ona tayom Probhu Isor do iń metadińạ, “Noko hoṛkoakʼ bhạlại lạgitʼ do alom koea.

Jirimiạ 7:16

Probhu Isore meneda, “Noko hoṛko lạgitʼ do alom koejoṅa, onko lạgitʼ do alom raga ar jãhãnakʼ iń ṭhen alom nehõrokʼa; ar jãhãnakʼ hõ alom ạjijokʼa, ente iń do bạń ańjomtama.

Jeheskel 22:30

“Iń do onko talare nonkan mitʼ hoṛakʼ khojiń hataokeda, okoe do bhite gathao rakab ar disạmren hoykate bhit reakʼ paṛakʼre iń samaṅreye teṅgokʼ jemon disạm do aloń dhaṅdhaser daṛeakʼ, menkhan celege bạń ńamletʼkoa.

Numeri 12:13

Unre Mose do ãṭ aṛaṅte hohoate Probhui metadea, “E Isor, uni baṛe bogeyeme.”

Numeri 15:30

“Menkhan Israelko se onko talareko girobasokʼ kan eṭakʼ jạtren hoṛko modren jãhãege baḍaekateye ghạṭ enḍekhan uni do Probhu Isore nindạuede kana. Onate uni do acʼ jạtrenko khone marao ocokʼa.

Luk 12:10

Manwa Hopon upạrte jãhãege jãhãnakʼe roṛ uni do ikạkʼtaea, menkhan sonot Jiu upạrte jãhãege henosta kathae roṛ uni do baṅ ikạkʼtaea.

Johan 17:9

“Sanamko lạgitʼ do bạń nehõrokʼkana, menkhan okoekom emakawạdiń onko lạgitʼ iń nehõramkana, ente amren kangeako.

2Timothi 4:14

Okoe Aleksander do tama reakʼe kạmikan uni do ińakʼ ạḍiye loksan akada. Uni okaṭakʼe ceka akatʼ ona do Probhu Isorgeye halawaema.

1 Johan 5:17

Joto lekan bedhoromakʼge kại kana, menkhan joto kại do gujukʼ senakʼ do baṅkana.

1 Samuel 12:19

Unre onko sanamko do Samuelko metadea, “Amren Probhu Isor ṭhen amren gutiko lạgitʼ koeme jemon alole gujukʼ, ente rajle koeante aleakʼ judạ judạ kạiko sãote niạ kại hõ juṭucʼentalea.”

1 Samuel 2:25

Manwa do manwa upạrteye kại khan Isor do onae miṭmaṭ daṛeakʼa; menkhan Probhu Isor upạrte manwae kại enḍekhan uni lạgitʼ do okoeye nehõr daṛekokʼa?” Menkhan unkin do apatakʼ katha bạkin luturada, ente Probhu Isor do unkin gocʼkin reakʼe goṭa akatʼ tahẽkana.