1 Johan 5:10 - সান্তালী বাইবেল

¹⁰ Isorren Hopon cetanre okoeye pạtiạukʼkan uniyakʼ ontorre ona goha do menakʼa. Ar Isorre okoe bako pạtiạukʼkan onko do eṛeyicʼko benao akadea, ente Isor acʼren Hopon reaṅ oka gohae emakatʼ onare onko do bako pạtiạu akana.

Santali Common Language New Testament

¹⁰ Isorren Hopon cetanre okoeye pạtiạukʼkan uniakʼ ontorre ona goha do menakʼa. Ar Isorre okoe bako pạtiạukʼkan onko do eṛeyicʼko benao akadea, ente Isor acʼren Hopon reaṅ oka gohae emakatʼ onare onko do bako pạtiạu akana.

1 Johan 5:10 Iomraidhean Croise

Jobakʼ 24:25

Onka baṅ hoylen khan okoe ińakʼ katha do eṛe menteye sạbudkea? Ińakʼ katha je, sạriyakʼ baṅkan ona do okoeye lại daṛekea?”

Sereńko 25:14

Probhu Isor okoeko botorae kan onko ṭhenge uni do acʼakʼ monsubại sodortaea, ar acʼe dohoakatʼ bondobose baḍae ocokoa.

Kạhtukko 3:32

ente Probhu Isor do konḍea horte calakʼ hoṛ doe kurudakoa, menkhan khạṭi ontorren hoṛko tulucʼ do helmele dohoyeda.

Jesaea 53:1

Abo emakʼ sombat do okoeye pạtiạu akawada? Probhu Isorakʼ daṛeanakʼ sopo do okoe ṭhen sodorlena?

Jirimiạ 15:18

Cedakʼ ińakʼ haso do baṅ cabakʼkantińạ, cedakʼ ińakʼ ghao do baṅ besokʼkantińạ, cedakʼ ona do baṅ ocogokʼkana? Iń ṭhen do cetʼ eṛe ạtukʼkan dakʼ ar baṅ tahenkan jharna dakʼ lekagem hoyokʼa?

Numeri 23:19

Isor do manwae baṅkana onate uni do eṛe kathae roṛa; uni do manwa khon hõ bae janam akana, onate moneye bodoltaea. Uni okae men ona do hoyokʼgea, ar acʼakʼ gokʼakʼ do jaogeye purạueda.

Johan 3:16

“Isor do dhạrtirenko nonkae dulạṛketʼkoa acʼren eskar janam Hopongeye emkedea, jemon unire pạtiạukʼ mitʼke mitʼ hoṛ aloko nosṭokʼ bickom jaejug jion tahentako.

Johan 3:18

Okoe uni Hoponreye pạtiạukʼ uniyakʼ do jãhãn bicạr baṅ hoyokʼtaea, menkhan okoe bae pạtiạukʼ uni do dusi kanae mente laharegeye lekha ocoakana, ente uni do Isorren eskar janam Hoponre bae pạtiạu akana.

Johan 3:33

Okoe uniyakʼ gohae aṅgoc akatʼ uni do ona hotetegeye sodoreda je, Isor okae men ona do sạrikana mente.

Johan 5:38

Ona chaḍa uniyakʼ kathako do apeakʼ ontorre baṅ tahen kana, ente okoeye kolakade unire bape pạtiạukʼkana.

Romiko lạgitʼ Pạul Apostolakʼ ciṭhi 8:16

Sonot Jiu hõ acʼge aboakʼ ontorre noa gohae emetʼkana je, abo do Isorren gidrạko kana bon.

Galathiko lạgitʼ Pạul Apostolakʼ ciṭhi 4:1

Ińakʼ katha reakʼ mane do noage, apatakʼ jotowakʼre hoponakʼ ạidạri menakʼtaere hõ tinạkʼ din gidrại tahen unạkʼ din uni ar golam talare jãhãn begar do bạnukʼa.

Galathiko lạgitʼ Pạul Apostolakʼ ciṭhi 4:6

Ape dope hoponko kante Isor do acʼren Hoponren Jiu aboakʼ ontorreye kolkedea. Ar uni Jiu Isor do Abba, metakʼme Baba menteye hohoae kana.

Kolossiko lạgitʼ Pạul Apostolakʼ ciṭhi 3:3

Ente ape dope gocʼena ar apeakʼ jion do Mạsi tulucʼ Isorre oko menakʼa.

Ibriko 3:12

E boehako, sontor akae tahenpe! Ape modre okoeyakʼ monrehõ bạṛicʼ ar bepạtiạu jemon alo tahen. Nonkan mon do jiwetʼ Isor khon pharakokʼa.

2 Patras 1:19

Sostorre nạbiko okakoko menakatʼ ona do ale ṭhen sạrikana mente sạbud akana. Ńutre apeakʼ mẽtʼ do cetʼleka diuhe secʼ tahenkan onkage, tin hạbicʼ baṅ setagokʼ ar apeakʼ ontorre bhurkạ ipil bae rakabokʼ, unhạbicʼ nạbikoakʼ kathape luturakʼ khan ape dope bhagekea.

1 Johan 1:10

Ar babon kại akada mente bon menle khan, enḍekhan unige eṛeyicʼ bon benao edekana, ar uniyakʼ katha aboakʼ ontorre do bạnukʼanaṅ.

1 Johan 5:1

Jisu do Mạsi kanae mente okoeko pạtiạukʼkan, onko do Isor khonko janam akana. Ar okoe Babako dulạṛ edekan onko do uniren Hopon hõko dulạṛ edekana.

Johan sodor 12:17

Unre biń do uni maejiu cetanre ạḍi bạṛicʼe raṅgaoena. Ar uni maejiuakʼ bõsren sarecʼ hoṛko, metakʼme okoe do Isorakʼ hukumko manaoetʼkan ar Jisuakʼ sikhnạtko sapʼ dohoyetʼ onko upạrte lạṛhại lạgitʼe oḍok calaoena ar jalapuri aṛereye teṅgo tahẽyena.

Johan sodor 2:17

Ańjom lạgitʼ lutur menakʼtae hoṛ doe ańjomma, sonot Jiu do manḍerrenko cetʼe metakokana. Ar okoeye jitạukʼ uni do okoakatʼ Manna khon thoṛa Manna ar mitʼṭecʼ ponḍ dhiriń emaea. Ona dhiri cetanre mitʼṭecʼ nãwã ńutum ol tahena one okoehõ ona do bako baḍaekan, eken okoe onae ńam unigeye baḍae daṛeakʼa.