1 Johan 4:21 - সান্তালী বাইবেল

²¹ Uni ṭhen khon noa hukum bon ńam akada, okoe Isorko dulạṛ edekan onko do boehako hõ jemonko dulạṛko.

Santali Common Language New Testament

²¹ Uni ṭhen khon noa hukum bon ńam akada, okoe Isorko dulạṛedekan onko do boehako hõ jemonko dulạṛko.

1 Johan 4:21 Iomraidhean Croise

Levitikus 19:18

Alom hala hạliya, se okoe cetanre hõ monre khĩs alom dohoya. Ar am aḍepaseren hoṛ do apnar lekam dulạṛea. Iń kangeạń aperen Probhu Isor do.

Mathae 5:43

“Ańjom akadape, roṛlena mente, ‘Am aḍepaseren hoṛ dom dulạṛea ar amren bạiri dom kurudaea.’

Luk 10:37

Uni dhorom gurui menkeda, “Uni mãyãwạdiyicʼ hoṛge.” Jisu do uniye metadea, “Enḍekhan am hõ calaokate onkaeme.”

Johan 15:12

Ińakʼ hukum do nõkʼõe, cetʼlekań dulạṛakatʼpe onkage ape hõ dupulạṛpe.

Galathiko lạgitʼ Pạul Apostolakʼ ciṭhi 5:14

ente sanam ạn-ạriko do niạ mitʼ katharege guṭmitʼ akana, “Am aḍepaseren hoṛ apnar leka dulạṛem.”

Galathiko lạgitʼ Pạul Apostolakʼ ciṭhi 5:6

ente okoe doko Jisu Mạsiren kan, onko ṭhen khatna ar bin khatna reakʼ do cetʼ porhoge bạnukʼa, bickom oka biswạs do dulạṛ talateye kạmiyetʼkan ona biswạsge asolakʼ kana.

1 Thessalonikikko 4:9

Boeha dulạṛ reaṅ olape do jãhãn jạruṛ bạnukʼtińạ, ente Isorge ape mimitʼko dupulạṛokʼe cetʼ akawatʼpea.

1 Patras 3:8

Mucạtʼre katha do nõkʼõe, ape sanamkoakʼ mon jemon mitʼ lekage hoyokʼ. Ape do mimitʼkoakʼ dukre dukokʼpe, boeha leka dupulạṛpe, daya ar nindhạnko hoyokʼpe.

1 Patras 4:8

Sanam khon maraṅ katha do hoyokʼkana, ape apere khạndri dupulạṛ baṛe tahentape ma, ente dupulạṛ do ạḍi utạr kạiye dapala.

1 Johan 2:7

E dulạṛiạ hoponińko, ape ṭhen jãhãn nãwã hukum reakʼ katha do bạń oleda, bickom pạhil khonge okaṭakʼ hukum tahẽkan ona mare hukum reakʼ kathageń oleda. Ar okaṭakʼ katha lahatepe ańjomakatʼ ona kangea ona mareakʼ hukum do.

1 Johan 3:11

Okaṭakʼ katha pạhil khonpe ańjom ạguakatʼ ona do noage, abo mimitʼko jemon bon dupulạṛ.

1 Johan 3:14

Abo do boehako bon dulạṛetʼkote, moron khon jionte bon parom hecʼakana mente bon bujhạu daṛeakʼkana. Ar okoe bako dulạṛkan onko do gocʼko talareko tahenkana.

1 Johan 3:18

E gidrạko, abo do eken moca kathate dulạṛ baṅ udukʼkate kạmi hotete sạriyakʼ reakʼ dulạṛ bon udugma.

1 Johan 3:23

Uniyakʼ hukum do naoge, jemon uniren Hopon Jisu Mạsire bon pạtiạukʼ ar abo abore bon dupulạṛ. Ar noa hukumge uni doe em oṭoakatʼ bona.

1 Johan 4:11

E dulạṛiạ gidrạko, Isor do nonkae dulạṛetʼ bon khan eḍekhan abo hõ mimitʼko dulạṛ do lek tabona.