1 Johan 3:6 - সান্তালী বাইবেল

⁶ Okoe kạireko jobe akan onko do Mạsi bako ńelakadea ar baḍaehõ bako baḍae akadea.

Santali Common Language New Testament

⁶ Okoe kạireko jobe akan onko do Mạsi bako ńṭoṭhadea ar baḍae hõ bako baḍae akadea.

1 Johan 3:6 Iomraidhean Croise

2 Korinthiko 3:18

Onate okoe Mạsi tulucʼ bon mitʼ akan, abo sanamko do baṅ betʼ akan mẽtʼãhã ạrsire ńelokʼkan muṭhạn leka Probhu Isorakʼ ṭhonok ńel ńelte apnar hõ ṭhonokte hara rakabokʼte uni leka bon hoyokʼ kana. Probhu Isor, metakʼme sonot Jiu reaṅ daṛetege noa do hoyokʼ kana.

2 Korinthiko 4:6

Ale do noale porcaretʼ kana, ente okoeye menletʼ tahẽkan, “Ńut khon marsal hoyokʼ ma,” Uni Isorge aboakʼ ontorreye bamberena, jemon uniyakʼ mạhima bujhạu lạgitʼ marsal sodorokʼ. Ar noa mạhimage Mạsiyakʼ mẽtʼãhãre menakʼa.

1 Johan 2:28

E hoponińko, onateń metapekana, ape do Mạsirege tahenpe jemon uniye sodorokʼre dil akae bon tahen are hijukʼre uni samaṅre lajaore alo bon paṛaokʼ.

1 Johan 2:3

Uniyakʼ sanam hukumko leka bon senlen khan, enḍekhan khạṭige bon bujhạua, abo do uni bon baḍae akadea.

1 Johan 2:4

Ar okoeye menetʼkan, “Iń do uniń baḍae akadea,” Menkhan uniyakʼ hukumko bae bataoetʼtae enḍekhan uni doe eṛeyicʼ kana; unire sạriyakʼ do bạnukʼanaṅ.

1 Johan 3:2

E dulạṛiạ gidrạko, ńitokʼ do Isorren gidrạko kana bon, menkhan tayomte cetʼ hoyokʼa ona do ńit hõ baṅ sodor akana. Menkhan bon baḍaea, Mạsiye sodorokʼre abo do uni lekage bon hoyokʼa, ente uniy okalekanicʼ kan, ona muṭhạntege bon ńelea.

1 Johan 3:9

Isor khon janamicʼ do kạire bae tahena, ente Isorakʼ gun do unire tahenkana. Isor khone janamakante uni do kạire bae jobe tahẽ daṛeakʼa.

1 Johan 4:8

Ar okoeyakʼ ontorre dulạṛ bạnukʼ, onko do Isor bako baḍae akadea, ente dulạṛ do Isor acʼtetʼ kangeae.

1 Johan 5:18

Baḍaea bon, Isor khon janamicʼ do kạire bae tahena. Ar okoe Isor khone janam akan unige uni doe rukhiyạyea, ar Soetan do bae joṭetʼ daṛeaea.

3 Johan 1:11

Dulạṛiạ gateko, bạṛicʼakʼko pańja baṅkate bickom bhageakʼ pańjaepe. Okoe bhageakʼe kạmikan uni doe Isorren hoṛ kana, ar okoe bạṛicʼakʼe kạmikan uni do Isor bae ńelakadea.