1 Johan 3:21 - সান্তালী বাইবেল

²¹ Dulạṛiạ gidrạko, aboakʼ ontor bae dusile bon khan, enḍekhan Isor samaṅre aboakʼ dil do tahengea.

Santali Common Language New Testament

²¹ Dulạṛiạ gidrạko, aboakʼ ontor bae dusile bon khan, enḍekhan Isor samaṅre aboakʼ dil do tahengea.

1 Johan 3:21 Iomraidhean Croise

Jobakʼ 22:26

Unre sanam daṛeanicʼ iạte sạrigem rạskạkʼa ar amakʼ mẽtʼãhã do Isor secʼem rakabtama.

Jobakʼ 27:6

Dhoromiń sapʼ uricʼ akada, ar bạń aṛakʼ gotʼkakʼa. Tinạkʼ din jiwetʼ iń tahen unạkʼ din inạkʼ bibek do iń bae dusiyińạ.

Sereńko 101:2

Sạbit jion khemao lạgitʼ iń moneyakʼa; Am do iń ṭhen tisem hijukʼa? Iń do sạbit monte ińakʼ oṛakʼreń tahena.

Romiko lạgitʼ Pạul Apostolakʼ ciṭhi 14:22

Noa reaṅ am okaṭakʼ bhage mentem pạtiạukʼkan ona do Isor ar am talarege dohoyme. Ar bhageakʼ menkate jãhãnakʼ kạmi jokhecʼ jãhãeakʼ bibek hõ uni bako dusiye khan enḍekhan uni doe bhạgangea.

1 Korinthiko 4:4

Ińakʼ bibek do saphagea, menkhan onate noa do baṅ sạbudokʼ kana, iń doń dhoromgea. Probhu Isorge ińakʼe bicạrtińạ.

2 Korinthiko 1:12

Ale oka lạgitʼle sarhaokʼkan ona do noage, aleakʼ bibek do noa gohae emeda je, Isor reakʼ sonot ar soṛatetʼ iạte ale do sanam manwako talare, bạ̃ṛtikaete ape talare jionle khemao akada. Ar ona jion do jel reakʼ akelte do baṅ bickom Isorakʼ daya reakʼ ạyurtele khemao akada.

Ephesiko lạgitʼ Pạul Apostolakʼ ciṭhi 3:12

Mạsi tulucʼ mitʼkate ar unire biswạs hotete abo do Isor samaṅre sohosate hạjirokʼ reakʼ ạidạri bon ńamakada.

1Timothi 2:8

Ińakʼ monejoṅakʼ do noage, herel hopon do sanam jaegare edre se jhogṛa baṅkate sapha monte sonot ti tulkate jemonko koejoṅ.

Ibriko 10:22

Onate pạtiạu talate oka khạṭitetʼ hijukʼkan, ona sạbit utạrakʼ khạṭi ontorte Isor samaṅre bon calakʼma; ente dusi bibek reakʼ ti khon aboakʼ ontor do mãyãm chiṭiạukate sapha ocoakana ar phạriạ dakʼte hoṛmo do um sapha akan tabona.

Ibriko 4:16

Onate dela, dil salakʼ Isorakʼ daya reakʼ siṅghạson ṭhen bon sen sorokʼma, jemon jạruṛa bon oktere onḍe khon uniyakʼ daya ar goṛo bon ńam daṛeakʼ.

1 Johan 2:28

E hoponińko, onateń metapekana, ape do Mạsirege tahenpe jemon uniye sodorokʼre dil akae bon tahen are hijukʼre uni samaṅre lajaore alo bon paṛaokʼ.

1 Johan 2:7

E dulạṛiạ hoponińko, ape ṭhen jãhãn nãwã hukum reakʼ katha do bạń oleda, bickom pạhil khonge okaṭakʼ hukum tahẽkan ona mare hukum reakʼ kathageń oleda. Ar okaṭakʼ katha lahatepe ańjomakatʼ ona kangea ona mareakʼ hukum do.

1 Johan 3:2

E dulạṛiạ gidrạko, ńitokʼ do Isorren gidrạko kana bon, menkhan tayomte cetʼ hoyokʼa ona do ńit hõ baṅ sodor akana. Menkhan bon baḍaea, Mạsiye sodorokʼre abo do uni lekage bon hoyokʼa, ente uniy okalekanicʼ kan, ona muṭhạntege bon ńelea.

1 Johan 4:17

Nonkatege dulạṛ do aboakʼ ontorre purạte hoyakana jemon bicạr hilokʼ dil bon ńam, ente noa dhạrtire aboakʼ jion do uniyakʼ jion lekagea.

1 Johan 5:14

Isorre aboakʼ khạṭitetʼ do noage, uniyakʼ monejoṅakʼ leka jãhãnakʼ bon koe lekhan, enḍekhan uni do aboakʼ kathae ańjoma.