1 Johan 3:15 - সান্তালী বাইবেল

¹⁵ Okoe boehae kurudaekan uni doe khũniạhi kana. Ar cele khũniạhi hõ jaejug jion do bae ńama ona dope baḍaegea.

Santali Common Language New Testament

¹⁵ Okoe boehae kurudaekan uni doe khũniạhi kana. Ar cele khũniạhire hõ jaejug jion baṅ tahen ona dope baḍaegea.

1 Johan 3:15 Iomraidhean Croise

Genesis 27:41

Jakob do acʼ baba ṭhen khon bhore ńamketʼ khan Esau ṭhen hiskạ ocokʼe ehopʼena. Uni do mone monteye menkeda, “Iń baba lạgitʼ rakʼjoṅ din do sor hijukʼ kana. Ar ona tayomge ińren boeha Jakob doń khũnea.”

Mathae 5:28

Menkhan ińiń metapekana, jãhãe hoṛ bạṛicʼ sanate maejiue beṅgetʼae uni do unrege acʼakʼ ontorre uni tulucʼe laṭghaṭeda.”

Mark 6:19

Ona iạte Herodiạ do Johan cetanre ạḍi raṅgao tahẽkantaea. Ar uni do Johan gojeye menetʼ tahẽkana,

Johan 4:14

Menkhan iń oka dakʼiń emokʼ, ar okoe onae ńũi uni do tisge oho tetaṅlea. Ona dakʼ do uniyakʼ ontorre jaejug jion lạgitʼ bhumbukokʼkan dakʼ jharna leka hoyokʼa.”

Johan 8:44

Soetange aperen baba do, ar ape do uniren hoponko kanape; onate uniyakʼ sana purạupe menjoṅ kana. Soetan do pạhil khongeye khũniạhi kana. Uni do tisge sạriyakʼre bae teṅgo akana, ente unire do sạriyakʼtetʼge bạnukʼa. Uni do eṛe kathae roṛre acʼ khongeye roṛa, ente uni doe eṛeyicʼ kana ar sanam lekan eṛeakʼ do uni khonge janam akana.

Aposkạmi 23:12

Ado dosar hilokʼ setakʼ bela Jihudiko do mitʼṭecʼko soṛojontrokeda ar Pạul ạuriko goje hạbicʼ cetʼge bako jom ńũiya menteko kiriạyena.

Aposkạmi 23:14

Onko do maraṅ naekeko ar Jihudiren murubbiko ṭhen senkateko menkeda, “Pạul ạurile goje hạbicʼ cetʼge bale joma mentele kiriyạ akana.

Dosar Biboron 19:11

“Menkhan jãhãe hoṛ edre iạte jãhãe goje lạgitʼ tãṛãkʼ akane tahen ar uniye gojete ona Asrayokʼ nagrahateye ńir bańcaokʼ,

Jakob 1:15

Ona tayom bạṛicʼ sana purạulen khan kạiye janama, ar kại perecʼlen khan gujukʼe janam ocoya.

1 Patras 1:23

Okaṭakʼ itạ nosṭokʼ, onkan itạ khon nãwãte do bape janam akana, bickom okaṭakʼ itạ tis hõ baṅ maraokʼ ona khongepe janam akana. Ar ona itạge hoyokʼ kana Isorakʼ jiwetʼ ar jaejug hạbicʼ tahẽkan katha do.

1 Johan 2:11

Menkhan okoe acʼren boehae kurudaekan uni do ńutre menaea ar ńutregeye dãṛãn kana. Uni do bae baḍaea okateye calakʼkana mente, ente ńut do uniyakʼ mẽtʼe kãṛã akatʼtaea.

1 Johan 2:9

Okoe hoṛ marsalre menaea menteye menetʼkan, ar acʼren boehae kurudaekan uni do ńit hõ ńutrege menaea.

Johan sodor 21:8

Menkhan botorokʼko, bepạtiạrko, hirkhạwakoko, gogocʼko, loṭghuṭiko, jạdu udukʼko, boṅga muṭhạn sekʼwako ar joto lekan eṛekoakʼ mucạtʼ dosa do seṅgel ar gondhok reakʼ dõreaorege.” Ar noa kangea dosar gujukʼ do.”