1 Johan 3:12 - সান্তালী বাইবেল

¹² Onateń meneda, Kạin leka jemon alo bon hoyokʼma. Kạin do Soetanren hoṛe tahẽkana uni do acʼren boehae khũnledea. Menkhan cedakʼe khũn ledea? Ente uni do bạṛicʼakʼkoe kạmiyetʼkan tahẽkana, ar uniren boeha do dhorome kạmikan tahẽkana.

Santali Common Language New Testament

¹² Onateń meneda, Kạin leka jemon alo bon hoyokʼ ma. Kạin do Soetanren hoṛe tahẽkana uni do acʼren boehae khũnledea. Menkhan cedakʼe khũn ledea? Ente uni do bạṛicʼakʼkoe kạmiyetʼkan tahẽkana, ar uniren boeha do dhorome kạmikan tahẽkana.

1 Johan 3:12 Iomraidhean Croise

Genesis 4:25

Tayomte Adam do arhõ acʼren bạhu tulucʼe giticʼmitʼena ar Hawa do ar mitʼṭen koṛa hopone janamkedea. Ar uniyakʼ ńutum do Sethe dohoketʼtaea. Hawae menkeda, “Kain do Habele khũnkedete Isor do Habel bodolte armitʼṭen hopone emadińa.”

2 Samuel 13:22

Ar Absalom hõ Amnon do boge bạṛicʼ cetʼge bae metadea. Amnon do uniren miserae nosṭokedete Absalom do uni kurudaye ehopʼena.

Sereńko 37:12

Isor botoraeko upạrte bạṛicʼ hoṛko do phundiko aṭaoa ar onko upạrte ḍaṭako keṭer meṭertakoa.

Sereńko 38:20

Iń do onkoń bhạlạileko khan onko do ińakʼ khutiytiń reakʼko kurumuṭuyeda; ar bhageakʼkoń ńam baṛaere onko do iń upạrteko teṅgon kana.

Kạhtukko 27:4

Raṅgao do kurmutạhagea ar edre hõ ạḍi tạpisgea, menkhan mẽtʼ jolokʼ samaṅre do okoehõ bae teṅgo daṛeakʼa.

Kạhtukko 29:10

Khũniạhi hoṛ do bin dusạn hoṛko kurudaea ar soṛa monan hoṛ do goje lạgitʼko kurumuṭuiya.

Kạhtukko 29:27

Dhorom hoṛ do behoketʼ hoṛko hirkhạ mẽtʼteko ńelkoa, ar sojhe horte calakʼ hoṛ do bedhorom hoṛko hirkhạwaea.

Mathae 13:19

Jãhãege serma rajosṭi reakʼ katha ańjomkatehõ bae bujhạu khan unre Soetan doe hijukʼa ar uniyakʼ monre oka katha er akan onae ạtkira. Ona hor aṛere ńurlen itạ reakʼte do nonkan hoṛ reaṅge roṛ akana.

Mathae 13:38

Goḍa do dhạrti kana ar bhage itạ do serma rajren hoṛ kanako. Ar Soetanren hoṛ doko sama ghãs kana.

Mathae 23:35

Onate Habel reakʼ mãyãm khon Borkhiạren hopon Sakariạ reakʼ mãyãm hạbicʼ one sonot jaega ar pinḍ talarepe khũnlede, uni Sakariạ khũn hạbicʼ dhạrtiren tinạkʼ bin dusạnkoko khũn ocoakan onko sanamkoakʼ mãyãm reakʼ dạyikpe hoyokʼa.

Mathae 27:23

Pilạte metatʼkoa, “Cedakʼ, cetʼe dos akatʼte?” Menkhan onko do arhõ ãṭ aṛaṅte hohoate memenko ehopʼena, “Uni do kuruskae me.”

Mathae 5:37

Apeakʼ katha do, ‘Hẽ khan hẽ,’ ar ‘Baṅ khan baṅ hoyokʼma,’ ar noa khon bạ̃ṛtiyakʼ okaṭakʼkan, ona do Soetan ṭhen khonge hijukʼa.

Luk 11:51

Hẽ, sạrigeń metapekana, Habel reakʼ mãyãm khon ehopʼkate Sakariạ hạbicʼ, one okoe do pinḍ ar sonot jaegareye gocʼ ocolen uni Sakariạ khũn hạbicʼ sanamkoakʼ mãyãm reakʼ dạyi do niạ piṛhiren hoṛgeko hoyokʼa.

Johan 10:32

Jisu do onkoe metatʼkoa, “Babawakʼ hukumleka ạḍi okocʼ bhage kạmikoń udukʼ akawatʼpea Onako modre okalekanakʼ kạmi iạte dhirite tińińpe menetʼkana?”

Johan 8:40

Isor ṭhen khon oka sạriyakʼtetʼ iń baḍae akatʼ onage ape doń lạiyape kana, ar enhõ gojeńpe menetʼkana; menkhan Abraham do nonka bae kạmileda.

Johan 8:41

Ape do aperen baba okae kạmikan ape hõ onagepe kạmikana.” Onko do Jisuko metadea, “Loṭghuṭire do bale janam akana. Aleren do mitʼ goṭenge baba menaetalea, uni do Isorge.”

Aposkạmi 7:52

Nonkan jãhãe nạbi menakʼkoa, one okoe do aperen hapṛamko bako santao akatʼko? Se uni dhoromicʼ hoṛ, metakʼme Mạsiyakʼ hijukʼ reakʼ katha okoe doko lại lahaletʼ, onko hõko gocʼketʼkoa. Ar ńitokʼ ape do bạirikoakʼ tire Jisupe sapʼ ocokedete uni hõpe khũn ocokedea.

1 Thessalonikikko 2:14

E boehako, Jihudạ Prodesre Mạsi Jisure kolom mitʼakan Isorakʼ oka manḍerko menakʼ, onkage ape hõpe hoyakana. Jihudikoakʼ tite onko do oka duk ar kosṭoko jomakatʼ, onkage ape hõ apnar disạmren hoṛkoakʼ tite duk ar kosṭope jomakada.

Ibriko 11:4

Biswạs iạtege Kạin khon Abelakʼ dãṛẽ do Isor samaṅre arhõ bhageakʼ tahẽkana. Biswạs iạtege Isor do uniyakʼ dãṛẽ aṅgockate uni reaṅ noa gohae emleda je, uni doe dhoromgea mente. Habele gocʼ akanre hõ enhõ uniyakʼ biswạs hotetege uni do ńit hõ kathae roṛeda.

Ibriko 12:24

Okoe doe nãwã bondobosren dene banaricʼ kan uni Jisu ṭhenpe hecʼakana; ar Habelakʼ mãyãm khon okaṭakʼ mãyãm do artetʼ bhage kathae roṛ, ona chiṭiạu akan mãyãm ṭhenpe hecʼakana.

1 Patras 4:4

Menkhan ńitokʼ do onko hoṛge ape ńelteko hahaṛakʼkana, ape do onkoakʼ bạṛicʼ lucạ lamoṭkore ar bape seledokʼkana, onate onko do apeko dusạuetʼpea.

1 Johan 3:8

Okoeye kại idiyetʼkan uni doe Soetanren kana, ente Soetan do etohopʼ khongeye kạiyeda. Ar Soetan kạmi marao giḍikakʼ lạgitʼge Isorren Hopon doe sodorakana.

Jihudạwakʼ ciṭhi 1:11

Hae onko hoṛ do! Onko do Kạin reakʼ horteko calao akana, ar lab lạgitʼ Biliamakʼ bulạureko khadle akana ar Koraho reakʼ ṭhokteko nosṭoyena.

Johan sodor 17:6

Ariń ńelkedea, uni maejiu do Isorren hoṛkoakʼ mãyãm ar okoe do Jisu reaṅ gohako emakatʼ onkoakʼ mãyãm ńũteye bul akana.