1 Johan 3:1 - সান্তালী বাইবেল

¹ Ma ńeltabonpe, Isor Baba do tinạkʼe dulạṛetʼ bon kana, uni do acʼren gidrạko menteye hohowabon kana, ar sạrige bon onka kangea. Onate dhạrti do bae baḍae akatʼ bona, ente dhạrti do Isor hõ bae baḍae akadea.

Santali Common Language New Testament

¹ Ma ńeltabonpe, Isor Baba do tinạkʼe dulạṛetʼ bon kana, uni do acʼren gidrạko menteye hohowabon kana, ar sạrige bon onka kangea. Onate dhạrti do bae baḍae akatʼ bona, ente dhạrti do Isor hõ bae baḍae akadea.

1 Johan 3:1 Iomraidhean Croise

2 Samuel 7:19

E Probhu Isor am samaṅre noage ḍher do baṅ hoyakana; inạ sãote amren gutiyakʼ bõsrenkoakʼ tayom daram katha hõm lạiyeda. E Probhu Isor, niạge jemon manwa lạgitʼ amakʼ bondobos hoyokʼ.

Sereńko 31:19

Amakʼ bhạlạiyteakʼ do samani maraṅ! Am botoram kanko lạgitʼge ona dom dohoakada; amre hirlạ akanko do amgem bhạlạiyetʼkoa, ona do sanamko samaṅrege.

Jirimiạ 3:19

“Ińgeń menleda, ‘ińge hoponko menkateń ataṅpea ar mitʼṭecʼ hạ̃sanakʼ disạmre, jạt jạtrenko talare mońj utạr ạidạriankoń hoyocopea.’ Iń doń hudisleda baba mentepe hohowạńạ ar iń tayom khon do bape ruạṛa.

Hosea 1:10

Enhõ Israel do gaḍa aṛe reakʼ gitil lekako saṅgekʼa, oka do soṅ hõ baṅ soṅ daṛekokʼ se lekha hõ bako lekha daṛekokʼ. Oka jaegare onkoko men ocolen, ‘ape do ińren hoṛpe baṅkana’ onko do onḍegeko men ocokʼa, ‘jiwetʼ Isorren hoponko kanape.’

Luk 20:36

Onko do ar bako gujukʼa, ente onko do serma goḍet lekako hoyokʼa. Onko do Isoren hoponko hoyokʼa ente gocʼko khonko jiwetʼ beretʼ ocoakana.

Johan 1:12

Menkhan tinạkʼ do unireko pạtiạuen arko ataṅkede onko mimitʼko do Isorren gidrạ hoyokʼ reakʼ ạidạriye ematʼkoa.

Johan 11:52

Ar eken Jihudi jạtrenko lạgitʼ do baṅa, menkhan Isorren chirchạtur akan gidrạko samṭaoko lạgitʼ hõ uni doe gujukʼa.

Johan 15:21

Onko do iń iạteko onkapea, ente iń okoeye kol akadiń uni do bako baḍaeyede kana.

Johan 16:3

Onko do noa iạtegeko onkaea ente Baba hõ bako baḍaeakadea ar iń hõ bako baḍae akadińạ.

Johan 17:25

E dhoromren Baba, dhạrtiren hoṛko bako baḍae akatʼmea, menkhan iń doń baḍae akatʼmea. Ar nokoko baḍae akada amge ińem kol akadińạ.

Johan 3:16

“Isor do dhạrtirenko nonkae dulạṛketʼkoa acʼren eskar janam Hopongeye emkedea, jemon unire pạtiạukʼ mitʼke mitʼ hoṛ aloko nosṭokʼ bickom jaejug jion tahentako.

Romiko lạgitʼ Pạul Apostolakʼ ciṭhi 5:8

Menkhan Isor aboe dulạṛetʼ bon ona reakʼ cinhạ do noage, kại hoṛ bon tahẽkanrege Mạsi do abo lạgitʼ jiwiye emkeda.

Romiko lạgitʼ Pạul Apostolakʼ ciṭhi 8:19

Isorren hoponko tinre ona ṭhonokteko sodorokʼa ona lạgitʼ sanam sirjon do gagocokʼ tulucʼe ńel horeda.

Romiko lạgitʼ Pạul Apostolakʼ ciṭhi 8:21

sirjon do acʼ hõ nosṭokʼ reakʼ tonol khone chaḍao ocokʼte Isorren hoponkoakʼ ṭhonok reakʼ sạdhintetʼ lạgitʼ bhạgiyạdare hoedaṛeakʼa.

Romiko lạgitʼ Pạul Apostolakʼ ciṭhi 8:32

Isor do acʼren Hopon hõ bae mãyãwadea bickom abo sanamko lạgitʼ gujukʼ tireye emkedea. Enḍekhan uni do cetʼ Hopon sãote ar sanamakʼko bae dan abona?

2 Korinthiko 6:18

Ona chaḍa “Phạdkoren Probhu Isore meneda, ińge aperen babań hoyokʼa, ar ape do ińren hopon ar hoponerakope hoyokʼtińạ.”

Galathiko lạgitʼ Pạul Apostolakʼ ciṭhi 3:26

Mạsi Jisure biswạs hotete ape jotoge Isorren hoponkope hoyakana.

Galathiko lạgitʼ Pạul Apostolakʼ ciṭhi 3:29

Mạsirenpe hoyakante Abraham bõsren hoponko hõpe hoyakana. Isor do Abraham oka emae reakʼe gokʼade tahẽkan ape hõ ona sanamakʼren ạidạrikope hoyakana.

Dosar Biboron 14:1

“Ape do aperen Probhu Isorren hoponko kanape. Ona iạte gocʼ hoṛko lạgitʼpe rakʼ homor joṅre hoṛmore alope getʼ cirokʼa, se bohokʼ samaṅ secʼ alope hoyo poṭorokʼa.

Kolossiko lạgitʼ Pạul Apostolakʼ ciṭhi 3:3

Ente ape dope gocʼena ar apeakʼ jion do Mạsi tulucʼ Isorre oko menakʼa.

1 Johan 3:10

Okoe bhage kạmire apnar bako lạgiyạ paṛao akan tahen ar boeha bako dulạṛetʼko, onko do Isorren doko baṅkana. Ar noatege sodorokʼ kana okoe doko Isorren Hopon kana ar okoe doko Soetanren hopon kana mente.

1 Johan 3:2

E dulạṛiạ gidrạko, ńitokʼ do Isorren gidrạko kana bon, menkhan tayomte cetʼ hoyokʼa ona do ńit hõ baṅ sodor akana. Menkhan bon baḍaea, Mạsiye sodorokʼre abo do uni lekage bon hoyokʼa, ente uniy okalekanicʼ kan, ona muṭhạntege bon ńelea.

1 Johan 4:17

Nonkatege dulạṛ do aboakʼ ontorre purạte hoyakana jemon bicạr hilokʼ dil bon ńam, ente noa dhạrtire aboakʼ jion do uniyakʼ jion lekagea.

Johan sodor 21:7

Ar okoeye jitạukʼa uni do noakoe ạidạri joṅa. Ińge uniren Isoriń hoyokʼa ar uni do ińren gidrại hoyokʼa.