1 Johan 2:3 - সান্তালী বাইবেল

³ Uniyakʼ sanam hukumko leka bon senlen khan, enḍekhan khạṭige bon bujhạua, abo do uni bon baḍae akadea.

Santali Common Language New Testament

³ Uniakʼ sanam hukumko leka bon senlen khan, enḍekhan khạṭige bon bujhạua, abo do uni bon baḍae akadea.

1 Johan 2:3 Iomraidhean Croise

Sereńko 119:32

Amakʼ hukumko reakʼ horteń ńir calakʼa, ente am do ińakʼ ontorem jhicʼakatʼ tińạ.

Sereńko 119:6

Enḍekhan amakʼ sanam hukumkoń manao iạte iń do bạń lajao ocokʼa.

Jesaea 53:11

Uni do acʼakʼ jiwi reakʼ duke ńela are tirpitokʼa; Probhu Isore meneda, ‘ińre dhorom golam do acʼakʼ baḍaete ḍher hoṛkoe dhorom ocokoa, ente uni do onkoakʼ sanam ghạṭkoe gogtakoa.

Luk 6:46

“Ape do cedakʼ ‘Probhu Isor, Probhu Isorpe’ mitạń kana, menkhan iń okań metapekan ona do bape onkayeda?

Johan 14:15

“Ińpe dulạṛediń khan ińakʼ sanam hukumkope dohoya.

Johan 15:10

Cetʼleka iń do Babawakʼ sanam hukumkoń dohoyetʼkante uniyakʼ dulạṛre minạńa, onkage ińakʼ hukumkope dohole khan ape hõ ińakʼ dulạṛrepe tahena.

Johan 15:14

Okako hukumiń emape onakope dohole khan enḍekhan ape do ińren gatepe hoyokʼa.

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

2 Korinthiko 4:6

Ale do noale porcaretʼ kana, ente okoeye menletʼ tahẽkan, “Ńut khon marsal hoyokʼ ma,” Uni Isorge aboakʼ ontorreye bamberena, jemon uniyakʼ mạhima bujhạu lạgitʼ marsal sodorokʼ. Ar noa mạhimage Mạsiyakʼ mẽtʼãhãre menakʼa.

Ibriko 5:9

Nonkate tinreye sạbit ocoyena unre acʼakʼko bataotae sanamko lạgitʼ jaejug bańcaokʼ reakʼ hore hoyena.

1 Johan 2:13

E babako, ape do pạhil khonge okoe menae unipe baḍae akadeteń olapekana. E juạnko, Soetanpe bhagao akade iạteń olape kana.

1 Johan 3:14

Abo do boehako bon dulạṛetʼkote, moron khon jionte bon parom hecʼakana mente bon bujhạu daṛeakʼkana. Ar okoe bako dulạṛkan onko do gocʼko talareko tahenkana.

1 Johan 3:19

Khan noate bon baḍae daṛeakʼa, abo do sạriyakʼren kana bon mente. Ona chaḍa jãhãnakʼ babotre aboakʼ ontor aboe dusi bon khan, enḍekhan Isor samaṅre aboakʼ ontorre jiwi raṛecʼ bon em daṛeaea. Isor do aboakʼ ontor khone maraṅgea ar jotowakʼgeye baḍaea.

1 Johan 3:6

Okoe kạireko jobe akan onko do Mạsi bako ńelakadea ar baḍaehõ bako baḍae akadea.

1 Johan 4:13

Uni do acʼren Jiue danakatʼ bona, ar noatege bon baḍae daṛeakʼa je, abo do unire menakʼbona ar uni hõ aboakʼ ontorrege menaea mente.

1 Johan 4:7

Dulạṛiạ gidrạko, abo mimitʼko jemon bon dupulạṛ, ente dulạṛ do Isor ṭhen khonge hijukʼkana. Okoeyakʼ ontorre dulạṛ menakʼtako, onko do Isor khongeko janam akana ar Isorko baḍae akadea.

1 Johan 5:19

Baḍaeabon abo do Isorren kanabon, ar goṭa dhạrti do Soetanakʼ ektiạri latarre menakʼa.

1 Johan 5:2

Abo do tinre Isor bon dulạṛ edekana ar uniyakʼ hukumko bon bataoetʼtaea unre bon baḍaekana je, Isorren gidrạko hõ bon dulạṛetʼkoa.

1 Johan 5:3

Isorakʼ hukumko dohoyge hoyokʼkana Isor dulạṛ do. Uniyakʼ hukum do hamal bojha leka do baṅkana,

Johan sodor 12:17

Unre biń do uni maejiu cetanre ạḍi bạṛicʼe raṅgaoena. Ar uni maejiuakʼ bõsren sarecʼ hoṛko, metakʼme okoe do Isorakʼ hukumko manaoetʼkan ar Jisuakʼ sikhnạtko sapʼ dohoyetʼ onko upạrte lạṛhại lạgitʼe oḍok calaoena ar jalapuri aṛereye teṅgo tahẽyena.

Johan sodor 14:12

Okoe Isorakʼ hukumko manaoetʼ ar Jisure pạtiạrko tahenkan Isorren onko hoṛge noa halotre sombhuri tahen jạruṛtakoa.

Johan sodor 22:14

“Bhạgangeako onko do, one okoe do akoakʼ kicricʼko ạrupʼetʼkan jemon jion dare reakʼ jo jom reakʼ ạidạriko ńam ar duạr secʼte nagrahateko bolo daṛeakʼ.