1 Johan 2:27 - সান্তালী বাইবেল

²⁷ Menkhan ape do Mạsi ṭhen khonpe ojokʼ ocoakana, metakʼme sonot Jiupe ńam akadea. Uni do apeakʼ ontoreye tahena. Onate eṭakʼ okoeyakʼ hõ cecetʼakʼ do baṅ jạruṛapea. Sanamakʼ reaṅ sonot Jiugeye cetʼapea. Uni doe sạriyicʼ kana, ar bae eṛea. Onate cetʼleka Mạsire tahene cetʼape onkage Mạsire tahenpe.

Santali Common Language New Testament

²⁷ Menkhan ape do Mạsi ṭhen khonpe ojokʼ ocoakana, metakʼme sonot Jiupe ńam akadea. Uni do apeakʼ ontoreye tahena. Onate eṭakʼ okoeakʼ hõ cecetʼakʼ do baṅ jạruṛapea. Sanamakʼ reaṅ sonot Jiugeye cetʼapea. Uni doe sạriyicʼ kana, ar bae eṛea. Onate cetʼleka Mạsire tahene cetʼape onkage Mạsire tahenpe.

1 Johan 2:27 Iomraidhean Croise

Kạhtukko 28:5

Bạṛicʼ hoṛko do hok bicạr reaṅ bako bujhạua, menkhan okoe Probhu Isorakʼ sana lekako calakʼkan onko do boge bạṛicʼ bujhạu reakʼ daṛeko ńama.

Levitikus 7:35

Aron ar uniren hoponko oka hilokʼ khon naeke menkate Probhu Isor sapʼsorae lạgitʼko ojokʼ bahal ocoakan enhilokʼ khonge Probhu Isor ńutumte seṅgelre samaṅicʼ janwarakʼ niạ hĩs do onkoakʼ bakhra menkate ṭhik dohoakana.

Numeri 7:43

Uniyakʼ sandes do tahẽkana jomakʼ samaṅokʼ lạgitʼ sunumre sipiyakʼ holoṅ, mitʼ keji pesae gram ojon reakʼ mitʼṭecʼ rupạ thạri ar eae sae gram ojon reakʼ mitʼṭecʼ rupạ reakʼ bạṭi;

Mathae 13:11

Uniye roṛ ruạṛatʼkoa, “Ape do serma raj reakʼ okoakʼkope baḍae ocoakana, menkhan onko do baṅ em akatʼkoa.

Johan 14:16

Iń do Baba ṭheniń koeapea, ar uni do jaejug hạbicʼ mitʼṭen sohotʼicʼe kolapea.

Johan 14:17

Uni sohotʼicʼ kangeae sạriyakʼren Jiu do. Dhạrtiren hoṛko uni do ohoko ataṅ daṛelea, ente onko do ńelhõ bako ńelekana ar baḍae hõ bako baḍae akadea. Menkhan ape dope baḍae akadea, ente uni do ape são sãoteye tahẽkana ar apeakʼ ontorreye girobasokʼa.

Johan 14:26

Uni sohotʼicʼ sonot Jiu one okoe do Baba iń ńutumteye kolape, unige sanamakʼkoe cetʼapea, ar okakoń lại akatʼpe onako joto doe disạ ocopea.

Johan 16:13

Menkhan uni sạriyakʼren Jiu tinreye hijukʼa unre uni do hore udukʼapete sạriyakʼreye ạyurpea. Uni do acʼte bae roṛa, menkhan okaṭakʼe ańjom onageye roṛa ar okaṭakʼ hoyokʼ lạgidokʼ ona hõe baḍae ocopea.

Johan 4:14

Menkhan iń oka dakʼiń emokʼ, ar okoe onae ńũi uni do tisge oho tetaṅlea. Ona dakʼ do uniyakʼ ontorre jaejug jion lạgitʼ bhumbukokʼkan dakʼ jharna leka hoyokʼa.”

Johan 6:45

Nạbikoakʼ puthire ol akana, ‘onko sanamkoge Isor ṭhen sikhạunako ńama.’ Baba ṭhen khon ańjomkate okoeye cetʼakatʼ unige iń ṭhene hijukʼa.

1 Korinthiko 2:12

Abo do dhạrtiren Jiu do babon ńamakadea, bickom Isor khonakʼ uniren Jiuge bon ńamakadea, jemon Isor okae danakatʼ ona bon bujhạu daṛeakʼa;

1 Korinthiko 2:13

ar ona danko reakʼ kathage roṛ hõ bon roṛ baṛayeda. Ona roṛ lạgitʼ okako katha bon laṛcaṛetʼkan ona do manwakoakʼ akel khon cecetʼakʼ ńamkate do babon roṛeda, menkhan sonot Jiu reakʼ cecetʼakʼ hotete bon roṛeda. Jiu reakʼ sạri cecetʼakʼ lạgitʼ abo do Jiu reakʼ kathage bon roṛeda.

2 Korinthiko 1:21

Okoe do Mạsire ale ar apeye jopoṛaoketʼ bonteye teṅgo keṭecʼketʼ bon uni doe Isor kana. Unige ale doe bahal akatʼlea,

Ephesiko lạgitʼ Pạul Apostolakʼ ciṭhi 4:21

Ape do uni reaṅpe ańjomleda, ar uni tulucʼ midokʼte unire oka sạritetʼ menakʼ ona lekagepe cetʼ ocoakana.

Kolossiko lạgitʼ Pạul Apostolakʼ ciṭhi 2:6

Ape cetʼleka Jisu Mạsi do Probhu Isor mentepe ataṅakade onkage uni tulucʼ mitʼ tahente jion khemaope.

1 Thessalonikikko 2:13

Ale do siń sạṭupʼ Isorle gun manao joharae kana, ente Isorakʼ katha ańjomkate tinrepe pạtiạulena unre manwawakʼ katha mente do baṅ, menkhan Isorakʼ katha mentegepe ataṅkeda. Ar sạrige ona do Isorakʼ katha kangea. Ape okoepe pạtiạu akan, apeakʼ ontorrege ona katha doe kạmiyeda.

1 Thessalonikikko 4:9

Boeha dulạṛ reaṅ olape do jãhãn jạruṛ bạnukʼtińạ, ente Isorge ape mimitʼko dupulạṛokʼe cetʼ akawatʼpea.

1Timothi 2:7

ar noa goha emokʼ lạgitʼ Isor do lại jạhiricʼ, apostol ar boṅgan hoṛ jạtrenko ṭhen biswạs ar sạriạkʼren cecetʼicʼe bahal akadińạ. Iń do sạriyakʼgeń roṛeda, eṛe do baṅ.

1 Patras 1:23

Okaṭakʼ itạ nosṭokʼ, onkan itạ khon nãwãte do bape janam akana, bickom okaṭakʼ itạ tis hõ baṅ maraokʼ ona khongepe janam akana. Ar ona itạge hoyokʼ kana Isorakʼ jiwetʼ ar jaejug hạbicʼ tahẽkan katha do.

1 Johan 2:28

E hoponińko, onateń metapekana, ape do Mạsirege tahenpe jemon uniye sodorokʼre dil akae bon tahen are hijukʼre uni samaṅre lajaore alo bon paṛaokʼ.

1 Johan 3:24

Okoe uniyakʼ hukume bataoetʼkan uni do unireye tahenkana ar acʼ hõ unireye tahenkana. Ar okoeṭakʼ sonot Jiue emakatʼ bon uni sonot Jiu hotete bon bujhạu daṛeakʼa, uni do aboakʼ ontorreye tahenkana mente.

2 Johan 1:2

Oka sạriyakʼtetʼ aboakʼ ontorre menakʼ ar jaejug hạbicʼ abo tulucʼ tahenkan ona sạriyakʼtetʼ iạtege ale do apele dulạṛetʼpea.