1 Johan 2:21 - সান্তালী বাইবেল

²¹ Sạriyakʼ bape baḍae akatʼte apeń olape kana ona do baṅ, menkhan ape do noa hõpe baḍaea, sạriyakʼ khon eṛeyakʼ do baṅ hijukʼa; ar ona iạtegeń olatʼpea.

Santali Common Language New Testament

²¹ Sạriakʼ bape baḍae akatʼte apeń ol ape kana ona do baṅ, menkhan ape do noa hõpe baḍaea, sạriakʼ khon eṛeakʼ do baṅ hijukʼa; ar ona iạtegeń olatʼpea.

1 Johan 2:21 Iomraidhean Croise

Kạhtukko 1:5

Ạkilan hoṛ do noa sopolhako ańjomma arko cetʼjoṅ ma. Ar budanko do ańjomkate calakʼ horreko gạkhuṛokʼma.

Johan 18:37

Pilạt do Jisui metadea, “Enḍekhan am do cetʼ raj kanam?” Jisui roṛ ruạṛkeda, “Am do ṭhikgem menakada, iń doń raj kana. Iń do sạri goha emokʼ lạgitʼgeń janam akana ar ona lạgitʼge dhạrtiteń hecʼakana. Ar okoeye sạriyakʼren kan uni do ińakʼ kathae ańjoma.”

Johan 8:44

Soetange aperen baba do, ar ape do uniren hoponko kanape; onate uniyakʼ sana purạupe menjoṅ kana. Soetan do pạhil khongeye khũniạhi kana. Uni do tisge sạriyakʼre bae teṅgo akana, ente unire do sạriyakʼtetʼge bạnukʼa. Uni do eṛe kathae roṛre acʼ khongeye roṛa, ente uni doe eṛeyicʼ kana ar sanam lekan eṛeakʼ do uni khonge janam akana.

Jakob 1:19

Ińren dulạṛiạ boehako, ińakʼ noa katha hetawakʼtińpe, ape mimitʼko ańjom lạgitʼ gagojokʼpe, menkhan usạrate katha alope roṛgoda se alope raṅgao godokʼa;

2 Patras 1:12

Onate noako reaṅ iń do jaogeń disạ ocoyetʼpea. Menkhan ape do noakope baḍaegea ar oka sạritetʼ apeakʼ ontorre menakʼ onare hõ kajak menakʼpea.

1 Johan 3:19

Khan noate bon baḍae daṛeakʼa, abo do sạriyakʼren kana bon mente. Ona chaḍa jãhãnakʼ babotre aboakʼ ontor aboe dusi bon khan, enḍekhan Isor samaṅre aboakʼ ontorre jiwi raṛecʼ bon em daṛeaea. Isor do aboakʼ ontor khone maraṅgea ar jotowakʼgeye baḍaea.

Jihudạwakʼ ciṭhi 1:5

Ape do noako reaṅ bestegepe baḍaegea; enrehõ iń do noako kathań disạ ocoyetʼpe kana je, Misor disạm khon Israelko bańcaokate ạguko tayom okoe bako pạtiạulen Probhu Isor do onkoe ḍahao maraoletʼkoa.