1 Johan 2:18 - সান্তালী বাইবেল

¹⁸ E hoponińko, noa kangea mucạtʼ okte do. Apepe ańjom akada je, Mạsiren bạiriye hijukʼkana mente, menkhan ńitrege uniren do arhõ aema bạiriko hecʼakana. Onate bon bujhạu daṛeakʼkana, noa kangea mucạtʼ okte do.

Santali Common Language New Testament

¹⁸ E gidrạko, noa kangea mucạtʼ okte do. Apepe ańjom akada je, Mạsiren bạiriye hijukʼ kana mente, menkhan ńitrege uniren do arhõ aema bạiriko hecʼakana. Onate bon bujhạu daṛeakʼ kana, noa kangea mucạtʼ okte do.

1 Johan 2:18 Iomraidhean Croise

Mathae 24:11

Ạḍi utạr eṛe nạbiko oḍok hijukʼa ar aema hoṛko bulạukoa.

Mathae 24:24

ente aema eṛe Mạsi ar eṛe nạbikoko upelokʼa ar maraṅ maraṅ hahaṛa kạmi ar cinhạkoko uduga jemon Isorren bachao akan hoṛkoko bulạu daṛeako.

Mathae 24:5

ente ḍher horge in ńutumte hecʼkateko mena, ‘Iń doń Mạsi kana,’ ar ḍher hoṛko bulạukoa.

Mark 13:6

Ente ḍher hoṛge iń ńutumte hecʼkateko mena, ‘iń kangeạń uni do,’ ar aema doko bulạu ocokʼa.

Johan 21:5

Uni do celakoe metatʼkoa, “E bachako jãhãn jomakʼ menakʼtapea? Metadeako, “Bạnukʼtalea.”

Romiko lạgitʼ Pạul Apostolakʼ ciṭhi 13:11

Un ghạṛicʼ okań roṛketʼ, ńit reakʼ okteko bujhạukate onka leka calakʼpe. Jạpitʼ khon ebhenokʼ reakʼ okte hoyakana, ente abo tinre bon pạtiạulen, unkhon boroṅ ńitokʼge bańcao ńam reakʼ okte do artetʼ sorakana.

Romiko lạgitʼ Pạul Apostolakʼ ciṭhi 13:12

Ńindạ do caba hecʼena, aṅgakʼ lạgidokʼ kana; onate dela, ńut reakʼ kạmi bạgikate marsal reakʼ khanḍa banḍa bon horokʼ joṅma.

Ibriko 1:2

Menkhan sesa sisi dinkore uni do acʼren Hopon hotete abokoe galmarao akatʼbona. Isor do acʼren Hopon sanamakʼren ạidạri hoyokʼ lạgitʼe dohokedea. Ar Hopon hotetege uni do sanamakʼe sirjạukeda.

1 Patras 1:20

Dhạrti ạuri sirjạurege Isor do noa lạgitʼe ṭhik doho akade tahẽkana, menkhan niạ mucạtʼ oktere uni do ape lạgitʼgeye sodorena.

1 Patras 1:5

Ar purạ puri bańcao ạuripe ńam hạbicʼ Isorakʼ daṛete biswạs hotete ape dope horho jaṅge ocoakana. Ar mucạtʼ oktere sodorokʼ lạgitʼ ona bańcaokʼ reakʼ do tear dohoakana.

1 Patras 4:7

Nitokʼ do sanamakʼ reakʼ mucạtʼ okteko seṭer akana. Onate apeakʼ mon do kajak akae dohoytape ar apnarte sambṛaokʼpe jemonpe koejoṅ.

2 Patras 2:1

Menkhan Israelko talare cetʼleka eṛe nạbikoko tahẽkan, onkage apeko talarehõ eṛe cecetʼkoko tahena. Onko do hape hapete nonkan bhul cecetʼakʼko ạguiya one okaṭakʼte manwako nosṭokʼ; ar okoeye kiriń chaḍao akatʼko uni Probhu Isor hõ bako aṅgocea. Nonkate onko do ạḍi usạra apnarte nosṭokʼko ạgujoṅa.

2 Patras 3:3

Pạhilre noa katha disạ dohokakʼpe, bhageakʼko reaṅ okoe do nisṛạu reakʼ sobhabtako onko do sesa sisi dinrehõko nisṛạugea. Onko do akoakʼ bạṛicʼ kusi sana lekako colona,

1 Johan 2:22

Okoeye menetʼkan, Jisu do Mạsiye baṅkana, uni doe eṛeyicʼ kana? Okoe Baba ar Hopon bae aṅgockin uni do Mạsiren bạiri kanae.

1 Johan 4:1

E dulạṛiạ gidrạkotiń, joto Jiu do alope pạtiạu akoa, bickom biḍạu aṭkarkope onko do Isor khonko hecʼakana se baṅa, ente dhạrtire aema eṛe nạbikoko oḍok akana.

1 Johan 4:3

Menkhan okoe Jiu Jisu bae aṅgoce uni Jiu do Isor khonicʼ doe baṅkana. Nui jiu do uni Mạsiren bạiri kanae. Ar okoeṭakʼ Jiue hijukʼkan, ona mape ańjomakatʼge, ar sạrige uni Jiu do ńit hõ dhạrtirege menaea.

2 Johan 1:7

Dhạrtire nonkan aema hoṛko oḍok akana okoe doko bukʼlạuko kan. Ente Jisu Mạsi manwa lekateye hecʼlen ona do bako aṅgoceda. Ar nonkan bulạukan hoṛge Mạsiren do bạiri kanako.

Jihudạwakʼ ciṭhi 1:18

Onko do noa kathako lạiyape kan tahẽkana, “Okoeko siṛog baṛayetʼ tahẽkan onko do mucạtʼ oktereko hijukʼa ar Isor bebhokti ar bạṛicʼ sanako senakʼa.”