1 Johan 2:16 - সান্তালী বাইবেল

¹⁶ ente dhạrtire menakʼakʼko do, hoṛmo reakʼ sana, mẽtʼ reakʼ laloc ar gharońj reaṅ bạḍại kana, noako reakʼ okaṭakʼ hõ Baba ṭhen khonakʼ do baṅ hijukʼkana, menkhan dhạri khonakʼge hijukʼkana.

Santali Common Language New Testament

¹⁶ ente dhạrtire menakʼakʼko do, hoṛmo reakʼ sana, mẽtʼ reakʼ laloc ar gharońj reaṅ bạḍại kana, noako reakʼ okaṭakʼ hõ Baba ṭhen khonakʼ do baṅ hijukʼ kana, menkhan dhạri khonakʼge hijukʼ kana.

1 Johan 2:16 Iomraidhean Croise

Genesis 3:6

Maejiu do ona dare reakʼ jo mońj ar sebelgeye ńelkeda, ona chaḍa ạkil ńam lạgitʼ laloc hõ hecʼadea, onate uni do dare reakʼ joe gotʼkeda are jomkeda. Ar acʼren jãwãe hõe emadea ar uni hõe jomkeda.

Jobakʼ 31:1

“Bạṛicʼ monte jãhãe kũạri kuṛi secʼ bạń beṅged iạte iń do ińakʼ mẽtʼ sãote mitʼṭecʼ bondobos iń dohokeda.

Sereńko 73:6

Onate bạḍại do onkoakʼ hoṭokʼ reakʼ mala leka, ar santao do onkoakʼ hoṛmo reakʼ kicricʼ kana.

Sereńko 78:18

Onko do akoakʼ sana leka jomakʼ reakʼ khojkate mon monte Isorko biḍạukedea.

Sereńko 78:30

Ar okaṭakʼ jomakʼ jomko menletʼ ona ạuri cabakʼrege se, onkoakʼ mocare ona tahẽnrege

Kạhtukko 27:20

Sheol ar Norok cetʼleka tishõ bakin tirpitokʼ, onkage manwawakʼ mẽtʼ hõ baṅ tirpitokʼa.

Kạhtukko 6:25

Uniyakʼ mońjtetʼ ńelte monre alom lalocokʼa, ar uniyakʼ mẽtʼ pipnire alom jhampa ocokʼa;

Numeri 11:34

Ona iạte ona jaega reakʼ ńutum do Kebrot-Hattawako ńutumkeda (mane do “Lalockoakʼ topa”), ar laloc iạte gocʼen hoṛ do onḍeko topaketʼkoa.

Numeri 11:4

Israelko sãote eṭakʼ eṭakʼ jạtren okoeko hoṛko tahẽkan onko do eṭakʼ lekan jomakʼ lạgitʼ laloc hecʼatʼkoa. Onko ńelte Israelko do rakʼate memenko ehopʼena, “Hae, jel baṛele jom ńamle khan!

Mathae 4:8

Soetan do arhõ mitʼṭecʼ ạḍi usul burute Jisui idikedete dhạrti reakʼ sanam rajosṭi ar onako reakʼ ṭhonok udukʼadeteye metadea,

Mathae 5:28

Menkhan ińiń metapekana, jãhãe hoṛ bạṛicʼ sanate maejiue beṅgetʼae uni do unrege acʼakʼ ontorre uni tulucʼe laṭghaṭeda.”

Luk 4:5

Ona tayom Soetan do Jisu mitʼṭecʼ usul jaegateye idikedea ar mitʼ ripitʼte dhạrti reakʼ sanam rajosṭi udukʼadeteye metadea,

Romiko lạgitʼ Pạul Apostolakʼ ciṭhi 13:14

Ape do kicricʼ leka Probhu Jisu Mạsi horokʼjoṅpe; ar jel reakʼ sana purạu lạgitʼ do alope moneyakʼa.

1 Korinthiko 10:6

Ona ńelte abo jemon bon cetʼ daṛeakʼ ona lạgitʼge noako do hoylena, jemon onko cetʼleka bạṛicʼakʼko lalocatʼ tahẽkan onka alo bon kạmi.

Galathiko lạgitʼ Pạul Apostolakʼ ciṭhi 5:17

Jel reakʼ sana do sonot Jiu birud ar sonot Jiu reakʼ sana do jel birudgeye khoja. Jel reakʼ sana ar sonot Jiu do ạkin upạrtekin meneda ape okape monejoṅkan ona do alope kạmiya.

Galathiko lạgitʼ Pạul Apostolakʼ ciṭhi 5:24

Okoe doko Jisu Mạsiren kan, onko do akoakʼ jel reakʼ sanako kurus akatʼtakoa.

Ephesiko lạgitʼ Pạul Apostolakʼ ciṭhi 2:3

Abo sanamkoge abo do aboakʼ jel reakʼ sana bon purạuetʼ tahẽkante onko hoṛko talare mitʼ okte jion bon khemaoetʼ tahẽkana. Ar jel khon okako sana ar hudisko rakabokʼkan tahẽkan ona lekage bon kạmikan tahẽkana. Noa colon iạtege abo hõ eṭakʼko leka Isor ṭhen khon sạjại ńam lek hoṛ bon tahẽkana.

Titus lạgitʼ Pạul Apostolakʼ ciṭhi 2:12

Noa dayage aboye cetʼabon kana jemon Isor bebhokti ar dhạrti reakʼ lalocko bon baṅakʼte nahakʼ jugre apnar bon sambṛaokʼte Isor bhokti salakʼ dhorom jion bon khemao,

Titus lạgitʼ Pạul Apostolakʼ ciṭhi 3:3

Abo hõ pạhil do bebujko, bebataoko, bulạu ocokʼko, ạḍi lekanakʼ bạṛicʼ sana ar hạ̃s rạskạre golam akanko bon tahẽkana. Abo do dusṭạmi ar hiskạte din bon khemoetʼ tahẽkana. Ar eṭakʼko bon hirkhạwako kan tahẽkana.

Jakob 3:15

Nonkan akel serma khon do baṅ pheḍ hijukʼa, bickom ona reakʼ jopoṛao do dhạrti reakʼ bạṛicʼ sana ar bạṛicʼ jiuko sãotege;

Jakob 4:16

Menkhan ape do phulạu ar usul montepe perecʼ akana. Ar nonkan joto phulạuakʼ do bạṛicʼgea.

Josuạ 7:21

iń do luṭ reakʼ jinisko khon Sinạr disạm reakʼ mońjakʼ mitʼṭecʼ kicricʼ, bar keji tala rupạ ar turui sae gram ojon reakʼ mitʼṭecʼ sona ḍhimbạ reakʼ laloc bạń sambṛao daṛeakʼte onań ạgu akada. Onako do ińakʼ tạmbure ot latarreń topa oko akada ar ona latarre do rupạ menakʼa.”

1 Patras 1:14

Isorakʼ hukum batao gidrạko kantepe lahateakʼ bạṛicʼ kusi sana leka apeakʼ jion do alope khemaoa; ente unre ape do Isor bape baḍae orom akade tahẽkan.

1 Patras 2:11

E gateko, noa dhạrtire ape do upriạko kanape ar eṭakʼ disạmre thoṛa dinpe tahẽnkante iń do asokaeteń nehõrape kana, jel reakʼ sana khon sahaṛ akae tahenpe,

2 Patras 2:10

Ona chaḍa okoe Isor botoraekoko baṅkan, asokaete okoe do akoakʼ kusi sana lekako calakʼkan ar ḍanṭao bako moneyakʼkan, onko sạjạiko lạgitʼ uni do bicạr din hạbicʼ dohoko hõe baḍaegea. Noko eṛe cecetʼko do ạḍi dilanko kanako. Onko do akoakʼ kusi sana lekako calakʼa ar ṭhonokanko upạrte henosta kathako roroṛ hõ bako botorokʼa.

2 Patras 2:18

Onko do ạuṛi sạuṛi ar lạṭu lạtu kathako roṛa ar manwakoakʼ jel reakʼ bạṛicʼ sanako rakapʼ ocoyetʼte nonkan hoṛko bhul horteko idiyetʼkoa, okoe do bạṛicʼko talare menakʼko khonko oḍok hijukʼkan.