1 Johan 2:11 - সান্তালী বাইবেল

¹¹ Menkhan okoe acʼren boehae kurudaekan uni do ńutre menaea ar ńutregeye dãṛãn kana. Uni do bae baḍaea okateye calakʼkana mente, ente ńut do uniyakʼ mẽtʼe kãṛã akatʼtaea.

Santali Common Language New Testament

¹¹ Menkhan okoe acʼren boehae kurudaekan uni do ńutre menaea ar ńutregeye dãṛãn kana. Uni do bae baḍaea okateye calakʼ kana mente, ente ńut do uniakʼ mẽtʼe kãṛã akatʼtaea.

1 Johan 2:11 Iomraidhean Croise

2 Samuel 13:22

Ar Absalom hõ Amnon do boge bạṛicʼ cetʼge bae metadea. Amnon do uniren miserae nosṭokedete Absalom do uni kurudaye ehopʼena.

Kạhtukko 4:19

Menkhan bedhoromkoakʼ hor do kaṛaṅ ńut; onko do bako baḍaea cetʼreko tohodokʼ kana mente.

Sosolhayic̕ 2:14

Ạkilan hoṛakʼ do mẽtʼ menakʼtaea, menkhan bebuj hoṛ do ńutreye dãṛãnkana; menkhan iń do niạgeń bujhạu daṛeada, unkin bana hoṛakʼ mucạtʼ dosa do mitʼgea.

Levitikus 19:17

“Eṭakʼko cetanre amakʼ monre kurud alom dohoya. Eṭakʼkoakʼ dosko menakʼ khan udukʼakome jemon ona iạte dusire amhõ alom paṛaokʼ.

Johan 12:35

Jisui metatʼkoa, ar thoṛa dinge ape talare marsaltetʼ menakʼa. Ape ṭhen marsal menakʼrege dãṛãnpe, jemon apere ńut do aloe jitạu daṛeakʼ.

Johan 12:40

“Isor do onkoakʼ mẽtʼe kãṛã akatʼtakoa ar ontor doe goṛdho akatʼtakoa, jemon onko do mẽtʼte aloko ńeńel ar ontorte aloko bujhạu, ar bogekʼ lạgitʼ uni ṭhen aloko ruạṛ hijukʼ.”

2 Korinthiko 3:14

Menkhan onko hoṛkoakʼ mon do keṭecʼlen takoa. Onate teheń hạbicʼ hõ ona mare bondobos reakʼ katha paṛhao jokhecʼ onkoakʼ ontorre inạ mitʼ lekanakʼ bedokʼakʼ orwal do tahenkan getakoa, ente eken Mạsi tulucʼ mitʼlen khange ona orwal do ocogokʼa.

2 Korinthiko 4:4

Bin pạtiạukʼ hoṛkoakʼ mon niạ jugren Deb doe kãṛã akatʼtakoa jemon onko do bhage sombat reakʼ marsal aloko ńelńam. Noa bhage sombatre do Mạsiyakʼ ṭhonok bamberokʼ kana, ar nui Mạsi kangeae Isorakʼ muṭhạn reakʼ sodorokʼtetʼ.

Titus lạgitʼ Pạul Apostolakʼ ciṭhi 3:3

Abo hõ pạhil do bebujko, bebataoko, bulạu ocokʼko, ạḍi lekanakʼ bạṛicʼ sana ar hạ̃s rạskạre golam akanko bon tahẽkana. Abo do dusṭạmi ar hiskạte din bon khemoetʼ tahẽkana. Ar eṭakʼko bon hirkhạwako kan tahẽkana.

2 Patras 1:9

Okoe hoṛre noako gun bạnukʼ, uni do ḍher sạṅgiń bae ńel ńameda, ente uni doe kãṛãgea. Ar acʼakʼ lahateakʼ kại khone sapha ocoakan ona doe hiṛiń akada.

1 Johan 1:6

Isor ar abo talare helmel menakʼa mente bon menetʼ khan ar ńutre bon taṛametʼ khan enḍekhan eṛe katha bon roṛeda, ar sạriyakʼ horte do babon taṛameda.

1 Johan 2:10

Okoe acʼren boehae dulạṛede uni do marsalreye tahenkana ar unire jãhãn tạkicʼakʼ do bạnukʼanaṅ.

1 Johan 2:9

Okoe hoṛ marsalre menaea menteye menetʼkan, ar acʼren boehae kurudaekan uni do ńit hõ ńutrege menaea.

1 Johan 3:15

Okoe boehae kurudaekan uni doe khũniạhi kana. Ar cele khũniạhi hõ jaejug jion do bae ńama ona dope baḍaegea.

1 Johan 4:20

Jãhãege Isore dulạṛ edekana menteye menetʼkan, menkhan acʼren boehae kurudae, enḍekhan uni doe eṛeyicʼ kana; ente mẽtʼte ńelakade boeha okoe bae dulạṛede enḍekhan uni do cekate baṅ ńelakade Isor doe dulạṛ daṛekea?

Johan sodor 3:17

Am dom meneda, kisạ̃ṛgeạń; ar maraṅ hoṛiń hoyakana, onate ińakʼ do cetʼ reakʼ reṅgecʼ hõ bạnukʼtińạ. Bogegea, menkhan bam baḍaea je, am dom reṅgecʼgea, kãṛãgea arem laṅgaṭgea mente.