1 Johan 2:1 - সান্তালী বাইবেল

¹ E ińren dulạṛiạ hoponińko, jemon alope kại, onate ape ṭhen noako kathań olede. Ar jãhãegeye kại eman akatʼ khan enḍekhan Baba ṭhen roṛ goṛowabon lạgitʼ mitʼ hoṛ menaea; uni do Jisu Mạsige, one uni doe dhoromicʼkan.

Santali Common Language New Testament

¹ E ińren dulạṛiạ gidrạko, jemon alope kại, onate ape ṭhen noako kathań olede. Ar jãhãegeye kại eman akatʼ khan enḍekhan Baba ṭhen roṛ goṛo abon lạgitʼ mitʼ hoṛ menaea; uni do Jisu Mạsige, one uni doe dhoromicʼkan.

1 Johan 2:1 Iomraidhean Croise

Sereńko 4:4

Edrete alope kạiya. Aṭetʼre giticʼkate mon ḍunḍhạutape ar hape akae tahenpe. (Sela)

Jeheskel 3:21

Menkhan alo kại lạgitʼ jodi uni dhorom hoṛem sontore ar uni bae kại enḍekhan sontorokʼ reakʼ katha ańjom khạtirte uni do khạṭigeye bańcaokʼa ar am hõ apnarte rukhiyạm ńama.”

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Luk 10:22

“Ińren Baba do ińakʼ tire sanamakʼe jimạ akada. Baba chaḍa okoe hõ bako baḍaea Hopon doe okoe kana, arhõ Hopon chaḍa okoe hõ bako baḍaea Baba doe okoe kana mente. Ona chaḍa Hopon okoe ṭhen Baba sodoreye menetʼkan eken unigeye baḍaea.”

Johan 13:33

“E bachako, iń do ape tulucʼ ar thoṛa ghạṛicʼ minạńa. Ape do ińpe ńam baṛańạ, menkhan Jihudi mukhiyạko cetʼlekań metatʼko tahẽkan, ‘okateń calakʼkan onḍe do ohope sen daṛelena,’ onkage ape hõ ńitiń metapekana.

Johan 14:16

Iń do Baba ṭheniń koeapea, ar uni do jaejug hạbicʼ mitʼṭen sohotʼicʼe kolapea.

Johan 14:6

Jisu do Thomae metadea, “Ińge hortetʼ, sạriyakʼtetʼ ar jion do. Iń hotete baṅkhan okoe hõ Baba ṭhen do ohoko calao daṛelena.

Johan 21:5

Uni do celakoe metatʼkoa, “E bachako jãhãn jomakʼ menakʼtapea? Metadeako, “Bạnukʼtalea.”

Johan 5:14

Ona tayom Jisu do mundilre uni hoṛ ńel ńamkedeteye metadea, “Ńelme, am dom boge akana. Ar alom kạiya, jemon jãhãnakʼ bạṛicʼ alo hoyokʼtam.”

Johan 5:36

Menkhan Johanakʼ khon hõ ińakʼ do maraṅ goha menakʼtińạ, ente okako kạmi Babae emakawạdiń onakogeń kạmikana. Ar onako do iń reaṅ noa gohae emeda je, Babageye kol akadińạ.

Johan 6:27

Menkhan okaṭakʼ jomakʼ nosṭo giḍikʼ ona lạgitʼ uduṛ dhupuṛ baṛae reakʼ do cetʼ lab? Okaṭakʼ jomakʼ baṅ nosṭokʼ bickom jaejug jion tahentape ona lạgitʼ kạmipe. Ona do Manwa Hopongeye emapea, ente Isor Baba doe sạbud akada, noa kạmi reakʼ ektiạri do eken uniyakʼge menakʼtaea mente.

Johan 8:11

Uni maejiue roṛ ruạṛkeda, “Okoe hõ baṅ Probhu.” Unre Jisui menkeda, “Iń hõ bạń dusiyetʼmea. Do calakʼme ar kạire jion alom khemaoa.”

Aposkạmi 7:52

Nonkan jãhãe nạbi menakʼkoa, one okoe do aperen hapṛamko bako santao akatʼko? Se uni dhoromicʼ hoṛ, metakʼme Mạsiyakʼ hijukʼ reakʼ katha okoe doko lại lahaletʼ, onko hõko gocʼketʼkoa. Ar ńitokʼ ape do bạirikoakʼ tire Jisupe sapʼ ocokedete uni hõpe khũn ocokedea.

Romiko lạgitʼ Pạul Apostolakʼ ciṭhi 5:10

Abo do Isorren bạiri bon tahẽkanre acʼren Hoponakʼ gujukʼte uni tulucʼ bon samge ocoakana. Ar nonkage bon samge ocoakante Mạsiyakʼ jionte khạṭige kại khon bańcao bon ńama.

Romiko lạgitʼ Pạul Apostolakʼ ciṭhi 6:15

Menkhan ạn-tạrire tahẽ baṅkate daya tạriren bon hoyakante cetʼ enḍekhan bon kạigea? Khạṭige baṅa.

Romiko lạgitʼ Pạul Apostolakʼ ciṭhi 8:34

Ar okoe hale onko do dusi menteye ṭahraokoa? Okoeye gocʼlen ar gocʼko khone jiwetʼ beretʼ ocoyen uni Mạsi Jisu do ńitokʼ Isorakʼ jojomsa aṛere menaea ar abon lạgitʼe nehõrokʼ kana.

1 Korinthiko 15:34

Onate ape do apeakʼ monre cetaokʼpe ar alope kạiya. Ente ape modre adomko do Isor bako oromakadea; iń do lajao ocope lạgitʼge noa katha doń roṛeda.

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoyocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.

Galathiko lạgitʼ Pạul Apostolakʼ ciṭhi 4:19

E ińren gidrạko, Mạsi apere ạuriye muṭhạnokʼ hạbicʼ ape iạte arhõ bedonteń sasetokʼ kana.

Ephesiko lạgitʼ Pạul Apostolakʼ ciṭhi 2:18

Uni hotete ini mitʼ sonot Jiure Baba ṭhen calakʼ reakʼ ạidạri do sanamkoakʼ menakʼ tabona.

Ephesiko lạgitʼ Pạul Apostolakʼ ciṭhi 4:26

Arpe edre emanlen khan ona edre iạte alope kạiya; apeakʼ edre do siń cando ạuriye hạsurokʼrege cabakʼtapema,

1Timothi 2:5

Isor doe mitʼ goṭengea ar mitʼ goṭengeae Isor ar manwakoren dene banar renicʼ hõ. Uni doe hoyokʼ kana Jisu Mạsige.

1Timothi 3:14

Iń do asiń dohoyeda, usạrage am ṭheniń sen daṛeakʼa. Menkhan jãhãnakʼ iạteń bilom botecʼkokʼ onate am ṭhen noakoń oleda, jemon am hõm baḍae daṛeakʼ Isorakʼ gharońjren hoṛkoakʼ do cetʼ leka colon lek takoa mente. Ar noa gharońj do hoyokʼ kana jiwetʼ Isorakʼ manḍer, one okaṭakʼ do tham-khunṭi ar rehetʼ leka Isorakʼ sạriyakʼe sapʼ dohoyetʼkan.

Ibriko 9:24

Asolakʼ sonot jaega reakʼ nokolakʼ lekate manwa tite tearakʼ jãhãn sonot jaegare Mạsi do bae bololena, bickom ona bodolte uni do sermateye boloyena jemon abo iạte Isor samaṅre ńite hạjir daṛeakʼ.

Jakob 1:27

Rạnḍi maejiu ar tũạr amarko dukokʼ jokhecʼ hiriko ar dhạrti reakʼ joto lekan bạṛicʼakʼ khon apnartetʼ sahaṛ akae tahenge hoyokʼkana Isorakʼ mẽtʼre sạri dhorom ar khạṭitetʼ.

Jakob 3:9

Noa alaṅte aboren Probhu Isor, metakʼme Isor Baba bon sarhaoede kana, arhõ noa alaṅte uniyakʼ muṭhạnte benao akan hoṛ bon sarapako kana.

1 Patras 2:22

Uni do bae kại akada uniyakʼ mocare jãhãn phorphundi hõ baṅ tahẽkana.

1 Patras 3:18

Mạsi hõ kại iạte mitʼ dhaogeye gocʼlena. Isor ṭhen idibon lạgitʼ uni dhorom hoṛ do kại hoṛko lạgitʼ, metakʼme, abo lạgitʼe gocʼlena. Uni do hoṛmo secʼteye gocʼ ocolena, menkhan Jiu secʼteye jiwetʼ beretʼ ocoyena ar bondi akan jiuko ṭhen hõ senkateye porcarleda.

1 Johan 3:18

E gidrạko, abo do eken moca kathate dulạṛ baṅ udukʼkate kạmi hotete sạriyakʼ reakʼ dulạṛ bon udugma.

1 Johan 3:5

Baḍaegeape, aboakʼ kạiko meṭao giḍikakʼ lạgitʼge Mạsi doe sodorlena. Mạsire do jãhãn kại bạnukʼ anaṅ. Okoe Mạsireko tahenkan onko do kạire bako tahenkana.

1 Johan 3:7

E gidrạko, okoe hõ bạricʼ horte aloko bulạu idipe ma. Mạsi do bae bedhoroma, ar jãhãe bhageakʼe kạmiyetʼ khan uni hõ bae bedhoroma.

1 Johan 4:4

Menkhan E gidrạko, ape do Isorren kanape. Ape do onko eṛeko cetanrepe jitạu akana, ente noa dhạrtire okoe menae, uni khon apeakʼ ontorre menayicʼ doe maraṅgea.

1 Johan 5:17

Joto lekan bedhoromakʼge kại kana, menkhan joto kại do gujukʼ senakʼ do baṅkana.

1 Johan 5:21

E bachakotiń, boṅgako tulucʼ apeakʼ do jãhãn jopoṛao alo tahen ma.

3 Johan 1:4

Ińren gidrạko je Isorakʼ sạriyakʼ horteko taṛametʼkan, noa khon bạ̃ṛti maraṅ rạskạ do ińre ar bạnukʼanaṅ.