1 Johan 1:8 - সান্তালী বাইবেল

⁸ Ar abore kại bạnukʼa mente bon menle khan enḍekhan abo do apnarge bon bulạukʼ kana. Onate noage bujhạukʼ kana je, aboakʼ ontorre Isorakʼ sạritetʼ do bạnukʼa.

Santali Common Language New Testament

⁸ Ar abore kại bạnukʼa mentebon menle khan enḍekhan abo do apnarge bon bulạukʼ kana. Onate noage bujhạukʼ kana je, aboakʼ ontorre Isorakʼ sạritetʼ do bạnukʼa.

1 Johan 1:8 Iomraidhean Croise

1 Rapajko 8:46

“Onko do am upạrteko kại lekhan- bako kạiya nonkan hoṛ do bạnukʼkoa- ar onko cetanrem edrekʼte bạirikoakʼ tirem jimạko ar sạṅgiń disạmte bondikateko idi ocokʼ,

2 Rapajko 20:15

Nạbi do uniye kulikedea, “Onko do amakʼ raj oṛakʼre cetʼ cetʼko ńelkeda?” Hiskiại menkeda, “Ińakʼ raj oṛakʼ reakʼ sanamakʼge onko doko ńelkeda. Ińakʼ khajańci oṛakʼre nonkan cetʼge bạnukʼa one okaṭakʼ do bạń udukʼ akawatʼko.”

2 Bõsbudạ 6:36

“Onko do am upạrteko kại lekhan: ar bako kạiya nonkan hoṛ do bạnukʼkoa: ar onko cetanrem edrekʼte bạirikoakʼ tirem jimạko ar sạṅgiń disạmte bondikateko idi ocokʼ,

Jobakʼ 14:4

Besaphaicʼ khon cetʼ jãhãe saphaicʼe benao daṛekea? Ona do okoehõ bae daṛeakʼa.

Jobakʼ 15:14

Manwa doe celekante, uni do saphae hoedaṛekokʼa? Maejiuakʼ kukhi khon janamicʼ doe celekante, dhorome hoedaṛekokʼa?

Jobakʼ 25:4

Enḍekhan Isor ṭhen manwa do cetʼ miridos bae hoyokʼa? Maejiuakʼ kukhi khon okoeye janam akan uni do cetʼ sapha bae hoedaṛekokʼa?

Jobakʼ 9:2

“Ṭhik katha kana, ińiń baḍaegea noa do sạrikana. Menkhan Isorakʼ mẽtʼre cekate manwa do dhoromicʼe hoyokʼa?

Sereńko 143:2

Iń amren golam do alom bicạrińạ, ente amakʼ mẽtʼãhã samaṅre sanam jiwiyankoge dhorom doko baṅkana.

Kạhtukko 20:9

Okoeye men daṛeakʼa, “Iń do ińakʼ ontoriń khạṭi akada, ar ińakʼ kại khoniń sapha akana?”

Sosolhayic̕ 7:20

Dhạrtire nonkan dhorom hoṛge bạnukʼkoa okoe jao okte bhageakʼe kạmikan, ar tishõ bae kạiyetʼ.

Jesaea 53:6

Abo sanamkoge bhiḍiko leka bon asokʼ ṭayokʼlena; abo mimitʼko do apan ạpin horte bon mohnḍalena. menkhan Probhu Isor do aboakʼ sanam ghạṭko acʼreye ladeyana.

Jesaea 64:6

Ale sanamkoge besapha hoṛko lekale hoyakana ar aleakʼ sanam dhorom kạmi do mạilạ kicricʼ leka hoyakantalea. Ale sanamkoge sakam lekale tolmocʼ akana, aleakʼ kại do hoe lekageye oṭaṅ idiyetʼlea.

Levitikus 13:12

Menkhan rog do uniyakʼ goṭa hoṛmore pasnao akantae khan ar bohokʼ khon jaṅga hạbicʼ menakʼtae,

Johan 8:44

Soetange aperen baba do, ar ape do uniren hoponko kanape; onate uniyakʼ sana purạupe menjoṅ kana. Soetan do pạhil khongeye khũniạhi kana. Uni do tisge sạriyakʼre bae teṅgo akana, ente unire do sạriyakʼtetʼge bạnukʼa. Uni do eṛe kathae roṛre acʼ khongeye roṛa, ente uni doe eṛeyicʼ kana ar sanam lekan eṛeakʼ do uni khonge janam akana.

Romiko lạgitʼ Pạul Apostolakʼ ciṭhi 3:10

Sonot sostorre olakana, dhorom do okoe hõ bạnukʼkoa, mitʼ hoṛ hõ baṅa;

Romiko lạgitʼ Pạul Apostolakʼ ciṭhi 3:23

ente sanamkogeko kại akada ar Isorakʼ sarhao ńam lạgitʼko be lekgea.

1 Korinthiko 3:18

Okoe hõ apnarte aloe bulạukʼ ma. Ape modren jãhãe niạ jugren akelanicʼ menteye hudisokʼkan khan, enḍekhan uni do lelhayicʼ lekae hoyokʼma, jemon sạri akelanicʼe hoydaṛeakʼ,

Galathiko lạgitʼ Pạul Apostolakʼ ciṭhi 6:3

Jãhãe jãhãnicʼe baṅkanre hõ apnartetʼ jãhãnicʼ menteye hudisokʼkan khan uni do apnartegeye bulạukʼ kana.

1Timothi 6:5

ar mon baṅgla bhat akantako hoṛko talare mitʼ talao gulmal. Ar noko hoṛkore Isorakʼ sạritetʼ do bạnukʼa; Mạsiyakʼ dhorom pạtiạu onko do dhạrti secʼte mitʼṭecʼ lab reakʼ upại menteko bujhạueda.

2Timothi 3:13

Menkhan bạṛicʼko ar bhonḍko do din din artetʼgeko bạṛicʼ idikʼa. Onko do eṭakʼko bhul horteko idikoa ar apnarhõ bhul horteko calakʼa.

Jakob 1:22

Eken Isorakʼ katha ańjomkate do baṅ hoyokʼa, onaleka kạmi hõ lagaokʼa. Eken Isorakʼ kathagepe ańjom ar ona leka bape kạmi enḍekhan ape do apnartegepe ṭhokakʼ kana.

Jakob 1:26

Okoe apnarte dhorome hudisokʼkan menkhan acʼakʼ alaṅ bae sambṛao daṛeakʼkan uni do apnargeye bulạukʼkana. Ar uniyakʼ dhorom korom do ạuṛiyakʼgetaea.

Jakob 3:2

Abo do sanamkoge ạḍi lekate bon behokeda. Jãhãe katha hotete bae behoketʼ khan enḍekhan uni doe dhoromgea; ar uni do goṭa hoṛmoe sambṛao daṛeakʼ kana.

2 Patras 2:13

Onkoakʼ bạṛicʼ kạmi reakʼ kuṛại lekate onko do kosṭoko joma. Noko hoṛ do siń marsalre bhojkore haha hihi ar ńũ bulokʼgeko kusiyakʼa. Ar ape tulucʼ jojomko duṛupʼlenre onko do umtạ umtikʼte bubulakʼko ńũńũte akoakʼ rij roṅte lajaokʼ ar bemanotko ạgujoṅa.

1 Johan 1:10

Ar babon kại akada mente bon menle khan, enḍekhan unige eṛeyicʼ bon benao edekana, ar uniyakʼ katha aboakʼ ontorre do bạnukʼanaṅ.

1 Johan 1:6

Isor ar abo talare helmel menakʼa mente bon menetʼ khan ar ńutre bon taṛametʼ khan enḍekhan eṛe katha bon roṛeda, ar sạriyakʼ horte do babon taṛameda.

1 Johan 2:4

Ar okoeye menetʼkan, “Iń do uniń baḍae akadea,” Menkhan uniyakʼ hukumko bae bataoetʼtae enḍekhan uni doe eṛeyicʼ kana; unire sạriyakʼ do bạnukʼanaṅ.

1 Johan 4:20

Jãhãege Isore dulạṛ edekana menteye menetʼkan, menkhan acʼren boehae kurudae, enḍekhan uni doe eṛeyicʼ kana; ente mẽtʼte ńelakade boeha okoe bae dulạṛede enḍekhan uni do cekate baṅ ńelakade Isor doe dulạṛ daṛekea?

2 Johan 1:2

Oka sạriyakʼtetʼ aboakʼ ontorre menakʼ ar jaejug hạbicʼ abo tulucʼ tahenkan ona sạriyakʼtetʼ iạtege ale do apele dulạṛetʼpea.

3 Johan 1:3

Iń do ạḍitetʼ iń rạskạyena ente adom biswạsi boehako hecʼkate am reaṅ noa gohako emkeda je, am do Isorakʼ sạriyakʼre pạtiạr menama ar ona lekam taṛameda.