1Timothi 6:20 - সান্তালী বাইবেল

²⁰ E Timothi, oka jogao doho lạgitʼ jimạ akawatʼme ona do bes okocʼte horho doho akae tahenme; ạuṛiyakʼ akel reakʼ bebhokti roṛ ar eṛe cecetʼakʼ khon sahaṛ akae tahenme.

Santali Common Language New Testament

²⁰ E Timothi, oka jogao doho lạgitʼ jimạ akawatʼme ona do bes okocʼte horho doho akae tahenme; ạuṛiakʼ akel reakʼ bebhokti roṛ ar eṛe cecetʼakʼ khon sahaṛ akae tahenme.

1Timothi 6:20 Iomraidhean Croise

Aposkạmi 16:1

Tayomte Pạul do Derbe ar Lustrạ nagrahateye calaoena. Onḍe Timothi ńutuman mitʼṭen celae tahẽkana. Uniren eṅgattetʼ hõ Mạsire pạtiạu akan mitʼṭen Jihudi maejiue tahẽkana, menkhan apattetʼ do mitʼṭen Junạni hoṛge.

Aposkạmi 17:18

Unre Epikuri ar Stoik ponḍitko modren adomko do Pạul tulucʼ reṭepeṭekʼko ehopʼena. Onko modren adomkoko menkeda, “Nui galbạjạriạ do cetʼe menetʼkana?” Arhõ eṭakʼko doko menkeda, “Uni do pasecʼ ạnạ̃ṛi boṅgako reakʼ kathae porcareda.” Onko do noa iạtegeko menkeda, ente Pạul do Jisu reaṅ ar gocʼko khon jewetʼ beredokʼ reaṅe porcarako kan tahẽkana.

Aposkạmi 17:21

Onko do noa iạtegeko menkeda, ente Athensren sanam hoṛko ar ona nagrahare okoe upriạko tahẽkan onko do nãwã nãwãnakʼ babotre katha roṛ ar ańjomte okteko khemaoetʼ tahẽkana.

Romiko lạgitʼ Pạul Apostolakʼ ciṭhi 1:22

Onko do akote akelan hoṛ menteko lạiyạgokʼkanre hõ asokaete onko doko lelhagea.

Romiko lạgitʼ Pạul Apostolakʼ ciṭhi 3:2

Ona do joto secʼ khonge porhowanakʼ hoyakana. Pạhilte Isor do acʼakʼ katha Jihudikogeye ematʼko tahẽkana.

1 Korinthiko 2:6

Okoeko Mạsiyakʼ Jionreko hara sạbit akan onko ṭhen do akel reakʼ kathagele roṛeda; menkhan ona akel do noa dhạrti reakʼ baṅkana, se noa jugren mukhiyạkoakʼ hõ baṅkana one okoe doko parom calakʼko kan;

1 Korinthiko 3:19

ente Isor samaṅre noa dhạrti reakʼ akel do eken lelhawakʼ kana. Sonot sostorre ol menakʼa, “Isor do akelanko akoakʼ seantetʼreye sapʼetʼkoa.”

Kolossiko lạgitʼ Pạul Apostolakʼ ciṭhi 2:18

Okoe apnarakʼ hoṛmo kosṭoko emakʼkan ar serma goḍet sewawako reakʼ jạruṛko bujhạuetʼkan onko do apeakʼ jit siropa ńamokʼ horre tạkicʼakʼ jemon aloko hoyocoe. Nonkan hoṛ do okako ńelakatʼ menteko hudisetʼkan ona reaṅ ạḍi maraṅ maraṅ kathako roṛa ar ạuṛi bạḍạiteko phulạukʼa, ente onkoakʼ mon do jel reakʼ sanare gobol akantakoa.

Kolossiko lạgitʼ Pạul Apostolakʼ ciṭhi 2:8

Sontor akae tahenpe, jemon okoe hõ hoṛakʼ bidiyạ ar ạuṛi lilkạrte aloe siboṛpema. Mạsi tulucʼ ona cecetʼakʼ reakʼ do jãhãn jurige bạnukʼa; manwakoakʼ ạri-cạli ar dhạrti reakʼ ạḍi lekan ạn-ạrirege ona do ṭehãḍokʼ kana.

2 Thessalonikiko 1:4

Ar onatege Isorakʼ manḍerkore ale do ape iạtele sarhaokʼkana, ente okako khed ar duk sasetpe sahaoetʼkan ona talare hõ apeakʼ sombhuri ar pạtiạu do ṭarhao menakʼa.

2 Thessalonikiko 2:15

Onate E boehako, teṅgo ṭak akae tahenpe, ar aleakʼ ciṭhite se kathate okaṭakʼle lại cetʼ akawatʼpe ona sapʼ doho akae tahenpe.

1Timothi 1:11

Ṭhonokren Isorakʼ maraṅ bhage sombat lekate okaṭakʼ cecetʼakʼ menakʼ, onage hoyokʼkana sạri cecetʼakʼ. Ar noa bhage sombat porcar reakʼ dạyik do iń cetanreye emakada.

1Timothi 1:2

Biswạsi lekate sạri gidrạtiń Timothi ṭhen noa ciṭhi doń oleda. Aboren Isor Baba ar Probhu Jisu Mạsi do daya, mãyã ar suluke dan am ma.

1Timothi 1:4

Ar noa hõm hukumakoa jemon onko do kạhniko ar maraṅ maraṅ bõsbudạkore mon aloko lagao. Noako do Isorakʼ kạmi baṅkate ạḍi lekan roṛ ropoṛe janam ocoya menkhan Isor cetʼlekate acʼakʼ kạmiye ạyura ona do biswạs hotetege baḍaeyokʼa.

1Timothi 1:6

Adom hoṛ do noako khon ocokʼkate ạuṛi sạuṛi roṛ baṛae secʼgeko ghańjeṛ akana.

1Timothi 1:9

Ar noa hõ bon baḍaea, jãhãe dhorom hoṛ lạgitʼ noa ạn do baṅ emakana; menkhan bemanotko, bebataoko, bebhoktiko, kại hoṛko, besonotko, bedhoromko, eṅgat-apat gogocʼko, khũniạhiko,

1Timothi 4:7

Bhõnḍ ar alatʼ bakatʼ kạhniko khon sahaṛ akae tahenme; ente onako do haṛam ar buḍhikoakʼ benaoakʼ kạhni kana. Ona khon bickom Isor bhokti lạgitʼ hewakʼme.

1Timothi 6:11

Menkhan am do Isorren hoṛ kanam; noako khon men ńirjoṅme. Ar dhorom, Isor bhokti, biswạs, dulạṛ, sobori, ar mạ̃hir baṛe khudạu me.

1Timothi 6:14

aboren Probhu Jisu Mạsi ạuriye sodorokʼ hạbicʼ ińakʼ hukumko doho idime, jemon okoe hõ aloko neṅghao daṛeam.

2Timothi 2:1

Ado E bachatiń, Mạsi Jisuakʼ dayate am do daṛeanicʼ hoyokʼme.

2Timothi 2:16

Isor be bhokti ar bạṛicʼ kathako khon sahaṛokʼme, ente nonkan katha iạte hoṛkoakʼ monre Isor bhokti do kom idikʼa.

Titus lạgitʼ Pạul Apostolakʼ ciṭhi 1:14

ar Jihudikoakʼ kạhniko ar sạriyakʼko dea giḍiakatʼ hoṛkoakʼ hukum aloko hetawakʼ ma.

Titus lạgitʼ Pạul Apostolakʼ ciṭhi 1:4

Mạsire biswạs iạte okoe iń tulucʼe mitʼakan, uni ińren sạriạkʼren hopon Titus ṭhen noa ciṭhiń oleda. Isor Baba ar aboren babańcaoicʼ Jisu Mạsi do daya ar suluke dan apema.

Titus lạgitʼ Pạul Apostolakʼ ciṭhi 1:9

Isorakʼ pạtiạr katha, okaṭakʼ iń cetʼ akawade, ona do kajakte sapʼ dohoy jạruṛaea, jemon sạriyakʼ sikhnạt reaṅe porcar daṛeakʼ ar okoe ona upạrteko teṅgokʼ onko jemon bhulkoe udukʼ daṛeako.

Titus lạgitʼ Pạul Apostolakʼ ciṭhi 3:9

Menkhan bebuj leka ṭheṭa baṛae, bõs budạ, jhogṛa-jhạṭi ar ạn-ạrikote reṭepeṭekʼ khon am do sạṅgińre tahenme, ente noakore jãhãn lab do bạnukʼa; ar noako do ạuṛiyakʼgea.

Johan sodor 3:3

Onate okam ńamakatʼ arem ańjomakatʼ ona disạime ar manaome, ar ona khon mon ạcurtam. Ar jagwar bam tahen khan iń do kombṛo lekań hijukʼa, ar tinreń hijukʼa ona do baḍaege bam baḍae daṛeakʼa.