1Timothi 6:1 - সান্তালী বাইবেল

¹ Okoe golamiko khạṭaokʼkan onko sanamkoge akoren kisạ̃ṛko manot ocokʼlek menteko bujhạukoma, jemon okoe hõ Isorakʼ ńutum ar aboakʼ sikhạuna aloko nindạu daṛeakʼ.

Santali Common Language New Testament

¹ Okoe golamiko khạṭaokʼkan onko sanamkoge akoren kisạ̃ṛko manot ocokʼlek menteko bujhạukoma, jemon okoe hõ Isorakʼ ńutum ar aboakʼ sikhạuna aloko nindạu daṛeakʼ.

1Timothi 6:1 Iomraidhean Croise

Genesis 16:9

Unre Probhu Isorren goḍete menkeda, “Amren kisạ̃ṛ era ṭhen ruạṛ calakʼme ar uni tabere tahenme.”

Genesis 24:12

Unre uni guti do noa menkate koeyana, “E Probhu, ińren kisạ̃ṛ Abrahamren Isor, teheń noa reakʼ sanamakʼge amakʼ tireń dohokeda ar ińren kisạ̃ṛ Abrahamem emakade reakʼ amakʼ katha baṛe disạime.

Genesis 24:2

Ar oṛakʼren sanam khon mare okoeṭakʼ guti cetanre uniyakʼ sanamakʼ bhar tahẽkan uni do mitʼ dine metadea, “Ińakʼ bulu latarre amakʼ ti dohoyme.

Genesis 24:27

“Bhạgạngeae Probhu Isor do, one okoe doe ińren kisạ̃ṛ Abrahamren Isor kan! Uni do ińren kisạ̃ṛe emade tahẽkan katha ar pạtiạrtetʼ udug do bae hiṛiń akada. Unige horkoe udukʼ ạguạdińa ar iń kisạ̃ṛren boehawakʼ oṛakʼteń hecʼakana.”

2 Samuel 12:14

Menkhan noam kạmi akatʼte am do Probhu Isorren bạiriko nindạu reakʼ ạtem ematʼkoa. Ona iạte amren okoeṭakʼ gidrại janam akan uni do khạṭigeye gujukʼa.”

2 Rapajko 5:13

Namanren gutiko do unre uni ṭhen senkateko metadea, “E hujur, uni nạbi jodi jãhãn maraṅ kạmi lạgitʼe menkem enḍekhan cetʼ ona bam onkakea? Ar umkate saphakʼe metamkan onate cetʼ artetʼ onkae lek do baṅkan tama?”

Nehemiạ 9:5

Tayomte Liwiko mod khon Jesua, Kadmiyel, Bani, Hasabneya, Serebia, Hodia, Sebania, ar Petahia tekoko menkeda, “Ape do teṅgokate aboren Probhu Isor sarhaoepe, okoe do jug khon jaejug hạbicʼ menae.” Ona tayom onko do niạ menkate koejoṅko ehopʼena, “E Probhu Isor, amakʼ ńutum do sarhao ar ṭhonokte perejokʼma; ale emakʼ sanamakʼ sarhao khon hõ am dom maraṅgea.

Jesaea 47:6

Ińren hoṛko cetanre ińakʼ edre do caṛhaolentińạ ar ińakʼ sompotti doń bhõnḍ ocoleda. Onko do amakʼ tireń soprotletʼkoa ar am do onko cetanre bam mãyãlena. Ar haṛam hoṛko hõ hamal bojham ladeyatʼko tahẽkana.

Jesaea 52:5

Ar nonḍe ńitokʼ ińakʼ do cetʼ menakʼtińạ? Ińren hoṛko do ạuṛiyakʼteko idi ocoakana, ar disạm cakʼlaoko do onko cetanreko kạumạueda; ar siń sạṭupʼ ińakʼ ńutumko nindạuetʼ kana.

Jesaea 58:6

“Iń do nonkan upạsgeń khojkana; ape do apeakʼ bedhorom reakʼ sikṛi ar arãṛ reakʼ baber raṛaetape, jorjulumko chaḍaokope ar mitʼke mitʼ arãṛ rạputʼ giḍikakʼpe,

Jeheskel 36:20

Ar jạt jạtrenko talare jãhãregeko senlen onḍege ińakʼ sonot ńutumko besonot letʼtińạ, ente hoṛ do onko reaṅko roṛetʼ tahẽkana, ‘Probhuren hoṛ kanako, enhõ uniyakʼ disạm khon oḍokʼ hijukʼ hoyentakoa.’

Jeheskel 36:23

Okaṭakʼ ńutum do jạt jạtrenko talare besonot hoyakan ona ińakʼ maraṅ ńutum reakʼ sonottetʼ iń do apeń udukʼapea; ente onko talare ape do ona ńutumpe besonot akada. Iń do onkoakʼ mẽtʼãha samaṅre ape hotetege ińakʼ ńutumiń sonot ocoytińạ ar unre jạt jạtrenko baḍae daṛeakʼa, ińkangeạń Probhu Isor do.

Malaki 1:6

Phạdkoren Probhu Isore meneda, “Hopon do acʼren apattetʼ ar guti do arcʼren kisạ̃ṛe manotea. Apatiń hoyakan khan ińakʼ manot do okare? Ar kĩsạ̃ṛiń hoyakan khan ińakʼ manot do okor? E naekeko, apege ińpe nihạ̃t giḍi akadińạ. Arpe meneda, ‘cekate ale do amle nihạ̃tetʼmea?”

Mathae 11:30

Onate ontorre jirạupe ńama, ente ińakʼ arãṛ do algagea ar ińakʼ bojha do rawalgea.”

Mathae 11:9

Se cetʼ ńeńelpe oḍok senlena? Jãhãe nạbi? Hẽ, metape kạnạń, uni do nạbi khon hõe maraṅgea.

Luk 17:1

Jisu do acʼren celakoe metatʼkoa, “Kại horte idiko lạgitʼ uskạu do hijukʼte hõ hijukʼgea, menkhan hae uni hoṛ do, one okoe hotete ona udgạuko hijukʼkan!

Aposkạmi 10:22

Onko hoṛko menkeda, “Subedar Korneliusge ale doe kolakatʼlea. Uni do mitʼṭen dhorom ar Isor bhokti hoṛ kanae. Ar sanam Jihudikoge uniko sarhaoede kana. Isorren mitʼṭen goḍet do uniye hukumade tahẽkana jemon acʼakʼ oṛakʼte ame hoho idi ocomete amakʼ kathakoe ańjomtam.”

Aposkạmi 10:7

Ado okoeṭakʼ serma goḍet sãoteye galmaraokan tahẽkan uniye calaoen khan Kornelius do barea guti ar mitʼṭen gokʼṛoyicʼ palṭone hohowadea. Nui palṭon hõ Isor bhokti hoṛe tahẽkana.

Aposkạmi 15:10

Enḍekhan aboren hapṛamko se abo okaṭakʼ bojha babon gokʼ daṛe akatʼ ona bojha pạtiạu akan boṅgan hoṛ jạtrenkoakʼ tarenre gokʼakote cedakʼ ape do Isor biḍạue lạgitʼpe kurumuṭukana?

Romiko lạgitʼ Pạul Apostolakʼ ciṭhi 2:24

Sonot sostorre olakana, “Ape iạtege boṅgan hoṛ jạtrenko do Isorakʼ ńutumko henostawakʼ kana.”

1 Korinthiko 10:32

Iń do cetʼleka sanam manwako jotowakʼte kusi ocoko lạgitʼ iń kurumuṭuyetʼ kan ape hõ onkage kurumuṭuipe; metakʼme Jihudi ar boṅgan hoṛ jạtrenko se Isorakʼ manḍerren hoṛko ṭhen tạkʼkicʼko alope hoyokʼa.

Galathiko lạgitʼ Pạul Apostolakʼ ciṭhi 5:1

Mạsi do aboe sạdhinketʼ bona jemon sạdhin bon tahẽdaṛeakʼ. Onate teṅgo keṭecʼ akan tahenpe, jemon okoe hõ golam ar aloko benao daṛeape.

1Timothi 5:14

Onate iń do noań hukumape kana, kom umerren rạnḍi maejiu doko baplakʼma, arko gidrạ eṅgatokʼma, apan ạpin gharońjko ńel todarotma ar teṅgo daramicʼe oktae reakʼ jãhãn dão aloko emaema.

Titus lạgitʼ Pạul Apostolakʼ ciṭhi 2:5

ar apnartetʼko sambṛaokʼma, napaeko tahenma, gharońjko disạima, dayakʼkoko hoyokʼma ar jãwãe gobolreko tahenma, jemon okoe hõ Isorakʼ katha aloko bemanot.

1 Patras 2:12

ente onako do aperen Jiu upạrteye lạṛhại kana. Okoe Isor bako baḍae akade onko talare ape do dhoromte colonpe jemon bedhoromko menteko dusạulepere hõ apeakʼ bhage kạmi ńelte ar bicạr dinre apeakʼ ona kạmiko iạte Isorko sarhaoe.

1 Patras 3:16

Apeakʼ bibek do sapha dohoytape, jemon Mạsiren hoṛ lekate apeakʼ bhage colon iạte okoeko oktawape onko do lajaoreko paṛaokʼ.