1Timothi 5:6 - সান্তালী বাইবেল

⁶ Menkhan okoe rạnḍi maejiu acʼakʼ kusi leka jione khemaoetʼkan uni do jiwetʼ menaere hõ gocʼicʼ lekae hoyakana.

Santali Common Language New Testament

⁶ Menkhan okoe rạnḍi maejiu acʼakʼ kusi leka jione khemaoetʼkan uni do jiwetʼ menaere hõ gocʼicʼ lekae hoeakana.

1Timothi 5:6 Iomraidhean Croise

Genesis 2:17

menkhan boge-baṛicʼ dare reakʼ jo do alom joma, ente oka hilokʼ ona dare reakʼ joyem joma enhilokʼ am do khạṭigem gujukʼa.”

Kạhtukko 29:21

Jãhãe hoṛ acʼren guti gidrạ bạ̃ṛtiye mãyãwae khan, mucạtʼre uni do uniyakʼ sanamakʼren mạlike hoyokʼa.

Jesaea 22:13

Menkhan ńelpe, ape do onḍe ḍaṅgra ar bheḍape guretʼkoa, jel ar darkha rasape ńũiyetʼte rạskạ arpe hulạsokʼ kana. Arpe meneda, “Dela, bon jom-ńũwanrege, ente gapa do bon gujukʼa.”

Jesaea 47:1

Probhu Isore meneda, “E kũạri kuṛi Babel, am do dhuṛire duṛupʼme; E Babel am do siṅghạson bạgikate otre duṛupʼme. Ente Kakosiạ ar sukmạr do ar bako metama.

Jirimiạ 6:2

Napae ar lulubucuteye tahenkan Sionren kuṛi doń maraoea.

Rak̕joṅ 4:5

Okoe bhage bhage jomakʼko jometʼ tahẽkan ńitokʼ onko do ṭonṭa iạte kulhireko lorao akana. Okoe do jeṅgetʼ arakʼakʼko horokʼetʼ tahẽkan onko do ńitokʼ torocʼ cetanreko giticʼ baṛaekana.

Mathae 8:22

Jisu do uniye metadea, “Gocʼkoge akoren gocʼko topa ocoakome, menkhan am do iń pańjayińme.”

Luk 12:19

Ar ińakʼ jiwiń metawakʼa, E jiwi ḍher bochor lạgitʼ bae dohoakan acel pacel dhon menakʼtama. Onate ma jirạukʼjoṅme, jomme, ńũiyme ar hesecʼ sekrecʼjokʼte din ṭalaome.’

Luk 15:13

Thoṛa din tayom huḍińicʼ hopon do acʼakʼ sompotti ạkhrińkate ṭaka-poesawante sạṅgiń disạmteye calaoena. Ar onḍe uni do rij roṅre tahẽkate acʼakʼ sanam ṭaka-poesae ublạ ḍublạ cabaketʼtaea.

Luk 15:24

ente nui ińren hopon do gocʼgeye tahẽkana menkhan arhõe jiwetʼ beretʼakana; atʼgeye tahẽkana are ńam ruạṛakana.’ Ona tayom onko do hesecʼ sekrejokʼko ehopʼena.

Luk 15:32

Menkhan hesecʼ sekrejokʼ ar rạskạkʼ do lek kan tabona, ente amren nui boeha do gocʼgeye tahẽkana arhõe jiwetʼ akana; atʼgeye tahẽkana arhõe ńam ruạṛ akana.’ ”

Luk 16:19

“Mitʼṭen kisạ̃ṛ hoṛe tahẽkana. Uni do beguni roṅakʼ ar eṭakʼ damanakʼ kicricʼkoe horokʼ bandeyetʼ tahẽkana. Ar jaoge hesecʼ sekrejokʼ tulucʼe jom-ńũiyetʼ tahẽkana.

Luk 7:25

Se cetʼ ńel lạgitʼpe oḍok calaolena? Mońj kicricʼ horokʼ akatʼ mitʼṭen hoṛ? Okoe damanakʼ kicricʼko horokʼ bandeyetʼ ar sukko jometʼkan onko ma coṅ rajakʼ oṛakʼreko tahenkan.

Ephesiko lạgitʼ Pạul Apostolakʼ ciṭhi 2:1

Bebatao ar kại iạte ape do gocʼgepe tahẽkana.

Ephesiko lạgitʼ Pạul Apostolakʼ ciṭhi 2:5

Ar bebatao iạte tinre gocʼge bon tahẽkana unre Mạsi sãote uni doe jiwetʼketʼ bona. Isorakʼ dayate ape do kại khon bańcaope ńamakada.

Ephesiko lạgitʼ Pạul Apostolakʼ ciṭhi 5:14

ente marsalge jotowakʼe sodoreda. Onate sonot sostorre olakana, “Ebhenokʼme E jạpitʼ akatʼicʼ, ar gocʼko khon beretʼme; khan Mạsiye marsalama.”

Dosar Biboron 28:54

Unre ape talare okoe dulạṛteye hara akana are sukhi hoṛkan, uniyakʼ ontorre hõ boeha se acʼren dulạṛiạ bạhutae se acʼren hopon ar hoponerakore mãyã baṅ hecʼaea metakʼme jãhãn jomakʼ hõ bae em hạṭińakoa.

Dosar Biboron 28:56

Unre ape modre okoeṭakʼ maejiu do dulạṛteye hara akan are sukhi hoṛkan uni hõ acʼren dulạṛiạ jãwãetetʼ se hopon ar hoponerako cetanre jãhãnakʼ cetʼ mãyãge baṅ tahentaea. Hopon se hoponera janame tayom uni hopon se hoponera ar ona tayom hoṛmo khon oḍok akantae baha, okaṭakʼge onko do bae jom ocokoa. Ente aperen bạiriko tinre apeko gherao esetʼkapea ar kosṭoreko paṛao ocopea unre uni do apnarge acʼakʼ ona hoṛmo khon oḍokʼ akan baha ar hopon do hape hapeteye jomea.

Kolossiko lạgitʼ Pạul Apostolakʼ ciṭhi 2:13

Kại ar bin khatna iạte ape do gocʼgepe tahẽkana, menkhan Isor do Mạsi sãoteye jiwetʼketʼpea. Uni do aboakʼ joto ghạṭkoe ikạketʼ tabona,

2Timothi 3:6

Nonkan hoṛko modre adomko do oṛakʼ oṛakʼ bolokate lilhi ạimạiko hatetʼkoa, one okoe do kại ghạṭiteko ten akan; onko do nana parkan bạṛicʼ sanateko ạyur ocokʼkana.

Jakob 5:5

Noa dhạrtire ạḍi nirạite dinpe ṭalaoeda ar bin sambṛaokʼtepe ten ocoakana. Gujukʼ din lạgitʼpe logno akana.

Johan sodor 18:7

Uni do acʼakʼ reaṅ tinạkʼ bạ̃ṛtiye sabasilen, ar tinạkʼ bạ̃ṛtiye umtạ umtilen, ṭhik unạkʼge saset ar duk emaepe, ente monreye hudiseda, iń ma rạniń hoyakan, ar rạnḍi doń baṅkana; ar oka lekatege bạń dukokʼa.

Johan sodor 3:1

“Sạrdis nagraha reakʼ manḍerren goḍet ṭhen noa katha olme, Isorren eae goṭen Jiu ar eae goṭecʼ ipilko okoeye sapʼ akatʼko uni do noa kathae meneda: iń do amakʼ kạmi reakʼ kathań baḍaegea. Ar jiwetʼ menamte am do ạḍi ńutum menakʼtama, menkhan am dom gocʼgea.

1 Samuel 15:32

Tayomte Sạmuele menkeda, “Amalekikoren Og raj do iń ṭhen ạguiyepe. Niạ katha ańjomkate Og do ladacʼ luducʼ Samuel ṭhene hecʼena. Uni doe hudiskeda gujukʼ reakʼ haso ńitokʼ do ar bạnukʼa.