1Timothi 5:17 - সান্তালী বাইবেল

¹⁷ Manḍerren maraṅ mukhiyạko okoe bes okocʼte manḍerko calaoetʼkan, ar okoe do Isorakʼ kathako porcaretʼkan ar lại cecetʼreko mehnotetʼkan, onko do dobṛa manot ocokʼ lek kanako.

Santali Common Language New Testament

¹⁷ Manḍerren maraṅ mukhiyạko okoe bes okocʼte manḍerko calaoetʼkan, ar okoe do Isorakʼ kathako porcaretʼkan ar lại cecetʼreko mehnotetʼkan, onko do dobṛa manot ocokʼ lek kanako.

1Timothi 5:17 Iomraidhean Croise

2 Rapajko 2:9

Arkin parom calaoen khan Eliạ do Elisaye metadea, “Lạiyạń me, am ṭhen khon ạuriń rakapʼ ocokʼre iń do am lạgitʼ cetʼ iń cekaea?” Elisaye roṛ ruạṛkeda, “Amakʼ jiu reakʼ dobṛa baṛe ińre paṛaokʼma.”

Jesaea 40:2

Jerusalemren hoṛko sãote mạ̃hir salakʼ katha roṛpe, ar onko ṭhen niạ katha lại sodorpe, onkoakʼ duk ar kosṭo do caba akana, onkoakʼ ghạṭko do ikạ akantakoa, onkoakʼ sanam kạiko reakʼ jo do Probhu Isor ṭhen khon purạgeko ńamakada.”

Jirimiạ 16:18

Onkoakʼ dusṭạmi ar kại gunạkʼte onko do doboṛageń hala ruạṛakoa, ente ińakʼ disạm doko bhonḍ akada ar akoren dhiri murti ar boṅga muṭhạnkote ińakʼ ona ạidạriko tuhetʼ akada.”

Jirimiạ 17:18

Iń khedeńkanko do lajaoreko paṛaokʼma, menkhan iń do alom lajao ocoyińạ. Onko doko torasokʼma, menkhan iń do alom toras ocoyińạ. Onko cetanre muhin reakʼ din ạguiyme; ar dobṛa nosṭote jarkharkom!

Sakariạ 9:12

E aste perecʼ bondi akanko, ape do apeakʼ gaṛte ruạṛ calakʼpe; teheń iń doń kiriạkʼkana, ape do bar doboṛiń bhorapea.

Numeri 18:31

Ar apeakʼ gharońj reakʼ jãhã ṭhạ̃irege onape jom daṛeakʼa ente ona do ńapamokʼ tạmbure apeakʼ kạmi reakʼ kuṛại kana.

Mathae 24:25

Ńelpe, iń do laharege noakoń lại dohowatʼpea.

Luk 10:7

Ona oṛakʼrege tahenpe ar okako emape onage jompe, ente okoeye kạmikan uni do acʼakʼ kuṛại ńam lek kanae. Ar mitʼ oṛakʼ bạgikate eṭakʼ oṛakʼte alope calakʼa.

Luk 12:42

Probhui menkeda, “Uni pạtiạricʼ ar budanicʼ kạmiyạ hoṛ doe okoe kana, one uniren kisạ̃ṛtetʼ do gutiko cetanre sordare dohoyete ṭhik oktere ser sidhạ emako lạgitʼ bhare emaekan?

Johan 4:38

Iń do nonkan phosol samṭaoiń kolketʼpea one ona lạgitʼ ape do bape khaṭao akan. Ente eṭakʼko doko khaṭao akana ar ape do ona khaṭaoakʼ reakʼ phosolpe samṭaoeda.”

Aposkạmi 11:30

Onko do Barnabas ar Sạulakʼ tite Jihudạ manḍerren maraṅ mukhiyạko ṭhen ona goṛoko kolleda.

Aposkạmi 20:35

Iń okań ceka akatʼ ona sanamakʼge ape koń udukʼakatʼpea je, nonkan kajak khaṭao hotete nijorko goṛowako do lek kana ar Probhu Jisuakʼ noa katha jemon disạ dohokʼ baṅma, ‘hatao khon emokʼrege bickom ḍher bhor do ńamokʼa.’ ”

Aposkạmi 28:10

Onko do ạḍi lekateko manotketʼlea ar tayomte jahaj laṛao jokhecʼ aleakʼ jạruṛokʼakʼko bojha gotʼatʼlea.

Romiko lạgitʼ Pạul Apostolakʼ ciṭhi 12:8

okoe sikhạu paṛhao reakʼ daṛeye ńamakatʼ uni doe sikhạu paṛhaokoma; okoe eṭakʼko danako reakʼ daṛeye ńamakatʼ, uni do soṛa monteye emokʼma; okoe mukhiyạ hoyokʼ reakʼ daṛeye ńamakatʼ uni do jidkateye calaoma; ar okoe eṭakʼko goṛowako lạgitʼ daṛeye ńamakatʼ uni do kharsala monteye goṛowakoma.

Romiko lạgitʼ Pạul Apostolakʼ ciṭhi 15:27

Onko do noa dan rạskạtegeko uṭhạu akada. Ona chaḍa noa manḍerko do Jerusalemren Isorren hoṛko ṭhenko rinigea, ente Jihudiko do akoakʼ Jiuteakʼ bhor dan reakʼ bhag tinre boṅgan hoṛ jạtrenkoko hạṭiń akatʼkoa unre boṅgan hoṛ jạtrenko hõ Jihudiko gharońj secʼte goṛowako do lek kantakoa.

Romiko lạgitʼ Pạul Apostolakʼ ciṭhi 16:12

Truphaena ar Truphosa joharạkinpe. Nukin maejiu do Probhu Isor lạgitʼkin khaṭao akana. Dulạṛiạ Persis hõ joharaepe. Ente nui maejiu hõ Probhu Isor lạgitʼ ḍhere khaṭao akana.

1 Korinthiko 15:10

Menkhan ńitokʼ okań hoyakan ona do Isorakʼ dayategeń hoyakana. Iń cetanre uniyakʼ daya do baṅ ạuṛiyakʼ akana; ar eṭakʼ sanam apostolko khon iń do ḍheriń khaṭao akana; ar eken ińiń khaṭao akan ona do baṅ bickom ińre Isorakʼ daya hõ tahẽkana.

1 Korinthiko 16:16

Onate ape hõ nonkan hoṛko ṭhen gobolokʼ lạgitʼ iń nehõrape kana. Ar tinạkʼ do kạmireko gokʼṛokan, arko khaṭaokʼkan onko ṭhen hõ gobolokʼpe.

1 Korinthiko 3:9

ente ale do Isor tulucʼle kạmikana. Ar ape do Isorakʼ goḍa kanape, Isorakʼ benao akan oṛakʼge.

2 Korinthiko 6:1

Isorren são kạmiyạko lekate noale nehõrapekana, Isorakʼ okaṭakʼ dayape ńamakatʼ ona do alope ạuṛiyakʼ ocoya.

Galathiko lạgitʼ Pạul Apostolakʼ ciṭhi 6:6

Okoe Isorakʼ kathae cetʼ ocokʼkan uni do acʼren cecetʼicʼ do acʼakʼ sanam bhageakʼ reakʼe hạṭińae ma.

Dosar Biboron 18:8

Acʼren apate doho oṭoakatʼ jiniskoe ạkhriń akatʼrehõ onḍenko Liwiko sãote uni do hạṭińre soman ạidạriye hoyokʼa.

Philipiko lạgitʼ Pạul apostolakʼ ciṭhi 2:16

Ape do onko hoṛko jion reakʼ kathape neakokante noa dhạrtire ipil lekape jolokʼkana. Onate Mạsiyakʼ dinreń sarhao daṛeakʼa je, ińakʼ kurumuṭu ar mehnot do baṅ ạuṛiyakʼ akana.

Philipiko lạgitʼ Pạul apostolakʼ ciṭhi 2:29

Ona iạte Probhu Isorren hoṛ lekate ạḍi rạskạ salakʼ ataṅ daramepe, ar nonkan hoṛ do manotkope.

Philipiko lạgitʼ Pạul apostolakʼ ciṭhi 4:3

E sạri juri arãṛtiń am hõń nehõram kana, am do nukin maejiu goṛowạkinme. Unkin do Mạsi reaṅ bhage sombat iạte iń tulucʼ, ar Klement ar ińren eṭakʼ são kạmiyạko tulucʼ kosṭokin sahao akada. Nokokoakʼ ńutum do jion reakʼ puthire olakana.

1Timothi 3:5

Jãhãe apnarakʼ gharońj calao bae baḍae khan uni do cekate Isorakʼ manḍer doe jotona?

1Timothi 4:10

Onate murukte bon mehnoteda arbon lạgiyạ paṛao akana, ente abo do jiwetʼ Isorre bon as akana. Uni do sanam manwakoren babańcaoicʼ kanae, asokaete okoe do unireko pạtiạu akan.

1Timothi 4:14

Manḍerren murubbiko capokateko koeyatʼme tahẽkanre nạbi lekate katha roroṛ hotete okaṭakʼ danko ematʼme tahẽkan, ona daya dan do alom ḍhilạua.

1Timothi 4:16

Am apnar reaṅ ar amakʼ lại cecetʼre sontor akae tahenme. Ar onakore tahẽakae tahenme, entem onka lekhan apnar hõm bańcaokʼa, ar okoeko ańjomtam onko hõm bańcaokoa.

1Timothi 4:6

Am do noako reaṅ boehakom bujhạuako khan enḍekhan Mạsiyakʼ dhorom biswạs reakʼ okaṭakʼ sạri ar bhageakʼ sikhnạtem manaoetʼkan, onate Mạsi Jisuren mitʼṭen bhage sapʼ dapʼicʼem hoyokʼa.

1Timothi 5:19

Bar se pe hoṛakʼ goha begorte manḍerren jãhãe mukhiyạ upạrte jãhãn dos reakʼ katha alom luturakʼa.

1Timothi 5:3

Okoe rạnḍi maejiuren celege bạnukʼko onko tojbijkope.

2Timothi 2:6

Mehnotetʼkan cacas hoṛge pạhilre do phosol reakʼ bhag hatao lek kanae.

2Timothi 4:2

Isorakʼ katha lại jạhirme; batarre ar bin batarre, am do jao okte lại jạhir lạgitʼ sapṛao akae tahenme; ạḍi sobori salakʼ cetʼakote hoṛkoakʼ dosko udukʼakome, onko sontorkom ar sopolha emakom.

Ibriko 13:17

Aperen ạyurkoakʼ kathako bataotakope ar onko gobolre tahenpe, ente okoe Isor ṭhen lekha jokhako em, onkan hoṛ lekatege coṅ onko ma apeko ńel todarotetʼpe kan. Onko ṭhen gobolokʼpe jemon onko do akoakʼ kạmi rạskạ salakʼko kạmi daṛeakʼ, menkhan duk salakʼ do baṅ. Ar duk salakʼge ona onkae hoyokʼ khan, enḍekhan onate apeakʼ do cetʼ porho hõ baṅ hoyokʼtapea.

Ibriko 13:24

Aperen sanam ạyurko ar Isorren sanam hoṛko aboakʼ johar emakope. Itạliạ disạmren Isorren hoṛko do apeko joharape kana.

Ibriko 13:7

Okoe ape ṭhen Isorakʼ kathako lại jạhirletʼ tahẽkan, onko mukhiyạkoakʼ kathako disạipe. Onkoakʼ jion cạrit reakʼ mucạtʼ jo mońjte beṅgetʼakʼpe ar onko leka biswạs dohoype.