1Timothi 5:11 - সান্তালী বাইবেল

¹¹ Kom umerren rạnḍi maejiuko do alope ol caṛhaokoa, ente tinre hoṛmo reakʼ jala rakapʼakoa unre Mạsi bako botoraete, jãwãeyokʼgeko khoja.

Santali Common Language New Testament

¹¹ Kom umerren rạnḍi maejiuko do alope ol caṛhaokoa, ente tinre hoṛmo reakʼ jala rakapʼakoa unre Mạsi bako botoraete, jãwãeyokʼgeko khoja.

1Timothi 5:11 Iomraidhean Croise

Jesaea 3:16

Probhu Isor do arhõe meneda, “Sionren maejiu do bạḍạiteko perecʼgea. Onko do hoṭokʼ tiạrkateko beraberi baṛae kana arko bijli baṛayeda; ar chamak chamak taṛamate jhamak jhunur pạigạnko saḍe ocoyeda.

Hosea 13:6

Ar amren hoṛiń jom ocoletʼko tayom onko doko tirpitlena; ar tirpitente onko do bạḍạiteko perecʼena, ar ona tayom do ińko hiṛińkedińa.

Dosar Biboron 32:15

“Menkhan Jisurun doe moṭayena are phandakeda. E Jisurun, am do ḍher jomte ạḍim moṭayena. Ona tayom uni do acʼren sisirjạuicʼ Isore bạgi giḍiadea, ar acʼakʼ asrayokʼ buru hõe nihạ̃t giḍikada.

1Timothi 4:3

Noko do manwa baṅ baplakʼ lạgitʼko hukumako kana ar adom adom jomakʼ jojomko baron kana. Menkhan biswạsiko, okoe do Isorakʼ sạriyakʼtetʼko baḍae akatʼ, onko do gun manao joharkateko jomma ar ona iạtege Isor do noako jomakʼe sirjạu akada.

1Timothi 5:12

Noate onko do lahateakʼ gokʼakʼ rạputʼkate akore sạjạiko ạgujoṅa.

1Timothi 5:14

Onate iń do noań hukumape kana, kom umerren rạnḍi maejiu doko baplakʼma, arko gidrạ eṅgatokʼma, apan ạpin gharońjko ńel todarotma ar teṅgo daramicʼe oktae reakʼ jãhãn dão aloko emaema.

1Timothi 5:9

Rạnḍi maejiu do pe isi bochore parom akatʼ khan ar mitʼ herelrege jãwãe akane tahẽkana mente baḍaelen khan enḍekhan uni do tạlikare ńutume ol caṛhao ocoytaema.

Jakob 5:5

Noa dhạrtire ạḍi nirạite dinpe ṭalaoeda ar bin sambṛaokʼtepe ten ocoakana. Gujukʼ din lạgitʼpe logno akana.

2 Patras 2:18

Onko do ạuṛi sạuṛi ar lạṭu lạtu kathako roṛa ar manwakoakʼ jel reakʼ bạṛicʼ sanako rakapʼ ocoyetʼte nonkan hoṛko bhul horteko idiyetʼkoa, okoe do bạṛicʼko talare menakʼko khonko oḍok hijukʼkan.

Johan sodor 18:3

ente uni do acʼakʼ loṭghuṭi reakʼ botoranakʼ bubulakʼ sanam jạtrenkoe ńũ ocoakatʼkoa. Dhạrtiren rapajko do uni tulucʼko loṭghuṭi akada, ar dhạrtiren bạnij bepariko hõ uniyakʼ bin sambṛaokʼ reakʼ iricʼ cikijokʼ daṛeteko kisạ̃ṛ akana.”

Johan sodor 18:7

Uni do acʼakʼ reaṅ tinạkʼ bạ̃ṛtiye sabasilen, ar tinạkʼ bạ̃ṛtiye umtạ umtilen, ṭhik unạkʼge saset ar duk emaepe, ente monreye hudiseda, iń ma rạniń hoyakan, ar rạnḍi doń baṅkana; ar oka lekatege bạń dukokʼa.

Johan sodor 18:9

Ar dhạrtiren okoeko raj uni tulucʼko loṭghuṭi akatʼ arko umtạ umtilen onko do uni atare jokhecʼ dhũạ ńelteko raga ar uni lạgitʼko dukokʼa.