1Timothi 4:16 - সান্তালী বাইবেল

¹⁶ Am apnar reaṅ ar amakʼ lại cecetʼre sontor akae tahenme. Ar onakore tahẽakae tahenme, entem onka lekhan apnar hõm bańcaokʼa, ar okoeko ańjomtam onko hõm bańcaokoa.

Santali Common Language New Testament

¹⁶ Am apnar reaṅ ar amakʼ lại cecetʼre sontor akae tahenme. Ar onakore tahẽ akae tahenme, entem onka lekhan apnar hõm bańcaokʼa, ar okoeko ańjomtam onko hõm bańcaokoa.

1Timothi 4:16 Iomraidhean Croise

1 Bõsbudạ 28:10

Ńitokʼ do moneyakʼme, ente sekʼwae lạgitʼ mitʼṭecʼ oṛakʼ benao lạgitʼ Probhu Isor do amgeye bachao akatʼmea. Am do daṛean hoyokʼme ar kạmime.”

2 Bõsbudạ 19:6

Uni do bikʼcạrkoe metatʼkoa, “Ape do sontorte jotowakʼpe kạmiya, ente jãhãe manwa lạgitʼ do baṅa bickom Probhu Isor lạgitʼgepe bicạra. Bicạr reakʼ ray emokʼ oktere uni do ape sãoteye tahena.

Exodus 23:13

“Iń okakoń hukumatʼpe ona reakʼ mitʼke mitʼ manaope. Ar jãhãe debotawakʼ ńutumko alope ńuma, ar apeakʼ mocare hõ alo ańjomokʼ ma.

Jesaea 55:11

onkage ińakʼ moca khon oḍokokʼkan katha do hoyokʼgea, iń ṭhen ona do ạuṛiyakʼ baṅ ruạṛ hijukʼa. Menkhan okaṭakʼ iń moneakatʼ onageye kạmiya, ar okaṭakʼ lạgitʼ iń kolletʼ onageye jo baha ocoya.

Jirimiạ 23:22

Menkhan iń samaṅreko teṅgolen khan onko do ińren hoṛko ṭhen ińakʼ kathako lại jạhirkea ar bạṛicʼ hor ar bạṛicʼ kạmi khon onkoko ruạṛkekoa.”

Mark 13:9

“Sontor akan tahenpe. Maraṅ bạisiren hoṛko ṭhenko soprotpea ar sunạgogkoreko dalpea. Iń iạte disạm cakʼlaoko ar rapajko samaṅre teṅgokʼ hoyokʼtapea; ar onko samaṅre iń reaṅ goha emokʼ hoyokʼtapea.

Luk 21:34

“Sontor akae tahenpe, jemon apeakʼ mon do rij roṅ, ńũ bulokʼ ar gharońj reakʼ dạndite ten alo tahentape.

Aposkạmi 26:22

Menkhan Isor do teheń hạbicʼe goṛo akawạdińa ar onate nonḍe teṅgokate kạṭicʼ lạṭu sanamko ṭhen gohań emeda. Nạbiko ar Mose hõ okaṭakʼ hoyokʼgea menteko roṛakatʼ ona bahre do cetʼ hõ bạń roṛeda.

Romiko lạgitʼ Pạul Apostolakʼ ciṭhi 11:14

Ar nonkate jemon apnar jạtren hoṛkoń gagoj ocokote onko mod khon thoṛa hoṛ iń bańcao daṛeako.

Romiko lạgitʼ Pạul Apostolakʼ ciṭhi 16:17

E boehako, okaṭakʼ sikhnạtpe ńamakatʼ ona upạrte okoe do kạphạriạu ar tạkicʼakʼko janam ocoyetʼkan onko oromkakope ar onko khon sahaṛokʼpe,

Romiko lạgitʼ Pạul Apostolakʼ ciṭhi 2:7

Okoe sombhuri salakʼ bhage kạmikote Isor ṭhen khon ṭhonok, man ar bin maraokʼ jionko khojkan, onkoge Isor do jaejug jione emakoa.

1 Korinthiko 1:21

Isor do acʼakʼ akele ṭarhao akatʼte dhạrtirenko do akoakʼ akelte Isor bako orom daṛeadea. Onate Isor do bhage sombat reakʼ lelhatetʼ iạte biswạsiko kại khon bańcaokoe kusiyena.

1 Korinthiko 9:22

Pạtiạure okoeko nijorge onko ṭhen do onko lekan hoṛgeń hoyakana, jemon Mạsi lạgitʼ purạteń lab daṛeako. Metakʼme sanamko ṭhen iń do sanamakʼgeń hoyakana jemon jãhãlekate thoṛa hoṛiń bańcao daṛeako.

1 Korinthiko 9:27

Iń do bickom hoṛmogeń kuhạu gaṅetʼtińạ ar golam akae iń dohoyeda, jemon eṭakʼko ṭhen bhage sombat porcar tayom ińakʼ kuṛại ńam lạgitʼ belek bạń hoyokʼ.

Ephesiko lạgitʼ Pạul Apostolakʼ ciṭhi 4:14

Bạṛicʼ bulạuakʼte eṭakʼko bhul horte idiko lạgitʼ oka bhul sikhnạtko emakokan, ona bhul sikhnạt iạte abo do hoete sokojokʼkan ḍheoko leka hante nate alo bon sokojokʼma.

Kolossiko lạgitʼ Pạul Apostolakʼ ciṭhi 4:17

Arkippus do noa katha lạiyaepe, “Probhu Isorakʼ sapʼdapʼ reakʼ okaṭakʼ kạmi emakawatʼme ona purạu lạgitʼ moneyakʼme.”

1 Thessalonikikko 2:16

Onko do aleko tạkicʼ darametʼlea jemon boṅgan hoṛ jạtrenko kại khon bańcaoko lạgitʼ jãhãn kathako alole lại daṛeako. Nonkate onko Jihudiko do siń sạṭupʼ kại cetan kạiko bojha joṅkana, ar Isorakʼ edre do purạte onkore hecʼ paṛaokʼ kana.

1Timothi 1:3

Makedoniạte calakʼ jokhecʼ cetʼ lekań galmaraoatʼme tahẽkan ńitokʼ hõ onkageń metam kana, am do Ephesus nagraharege tahẽ hataṛokʼme, jemon adom adom hoṛem hukumako onko do eṛe cecetʼakʼ aloko emokʼ.

1Timothi 4:15

Noako kạmi idire mone lagaome; ar onakorege tahẽakan tahenme. Jemon sanamkoko ńelme, am dom laha idikʼkana mente.

1Timothi 4:6

Am do noako reaṅ boehakom bujhạuako khan enḍekhan Mạsiyakʼ dhorom biswạs reakʼ okaṭakʼ sạri ar bhageakʼ sikhnạtem manaoetʼkan, onate Mạsi Jisuren mitʼṭen bhage sapʼ dapʼicʼem hoyokʼa.

2Timothi 2:10

Onate Isor okoeye bachao akatʼko onko lạgitʼ jotowakʼ iń sahao akada, jemon onko hõ Jisu Mạsi hotete kại khon bańcaoko ńam ar jaejug ṭhonokko hameṭjoṅ.

2Timothi 3:14

Menkhan am do okaṭakʼem cetʼakatʼ ar khạṭi montem biswạs akan onare ṭarhao akae tahenme, ente okoeko ṭhen khonem cetʼakatʼ ona mam baḍaege.

2Timothi 4:2

Isorakʼ katha lại jạhirme; batarre ar bin batarre, am do jao okte lại jạhir lạgitʼ sapṛao akae tahenme; ạḍi sobori salakʼ cetʼakote hoṛkoakʼ dosko udukʼakome, onko sontorkom ar sopolha emakom.

Titus lạgitʼ Pạul Apostolakʼ ciṭhi 1:9

Isorakʼ pạtiạr katha, okaṭakʼ iń cetʼ akawade, ona do kajakte sapʼ dohoy jạruṛaea, jemon sạriyakʼ sikhnạt reaṅe porcar daṛeakʼ ar okoe ona upạrteko teṅgokʼ onko jemon bhulkoe udukʼ daṛeako.

Titus lạgitʼ Pạul Apostolakʼ ciṭhi 2:15

Onate am do purạ ektiạri salakʼ noako reaṅ sikhạu paṛhaokom, sopolha emakom ar dosko udukʼakome. Ar am do okoe hõ alo jemonko neṅghaome.

Titus lạgitʼ Pạul Apostolakʼ ciṭhi 2:7

Sanamakʼrege am do onko ṭhen bhage kạmi reakʼ nạmuna hoyokʼme. Amakʼ cecetʼakʼre bạṛicʼ monsubạ ar baṅ moneyakʼ mon jemon alo tahen.

Philimon 1:19

Iń Pạul do nij tite noa ciṭhiń oleda ar ona rin reakʼ iń hala ruạṛ katama. Hẽ noa katha do roroṛ reakʼ jạruṛ bạnukʼa je, Mạsire biswạs babotre amge iń ṭhenem rinigea mente.

Ibriko 12:15

Ńelpe, okoe hõ jemon Isorakʼ daya khon aloko eṛanokʼ. Ar hewer haṛhatʼ dare reakʼ rehetʼ leka omon rakabokʼte okoe hõ jemon duk janam ocoyte ḍher hoṛ aloko bhonḍko.

Ibriko 13:9

Aema lekan nãwã nãwã cecetʼakʼte bhul horte jemon aloko bulạu idipe. Aboakʼ mon do dãṛẽ samaṅ akatʼ jomakʼre tahẽ baṅkate Isorakʼ dayare jemon kajakte ṭarhao akae tahen. Okoe ona jomakʼreko ṭehãḍokʼkan tahẽkan, onko do ona jomakʼ khon jãhãn porho baṅ hoylentakoa.

Jakob 5:20

enḍekhan noa katha baḍaekakʼpe, jãhãe mitʼṭen kại hoṛ bhul hor khone ruạṛ ạguiye uni do gujukʼ khone bańcaoea ar ạḍi utạr kạiye dapaltaea.