1Timothi 2:9 - সান্তালী বাইবেল

⁹ Noa hõń khojkana maejiuko do mạ̃hir ar bhage bud akel salakʼ horokʼ bandere sambṛaokʼ ar lek lekako sajokʼma. Onko do nana parkan galaṅ upʼ ar sona se mạnik se damanakʼ kicricʼkote apnartetʼ alo baṛeko sajaokʼma.

Santali Common Language New Testament

⁹ Noa hõń khojkana maejiuko do mạ̃hir ar bhage bud akel salakʼ horokʼ bandere sambṛaokʼ ar lek lekako sajaokʼma. Onko do nana parkan galaṅ upʼ ar sona se mạnik se damanakʼ kicricʼkote aloko sajaokʼma.

1Timothi 2:9 Iomraidhean Croise

Genesis 24:53

Ona tayom uni do sona ar rupạ reakʼ gohona ar kicricʼko oḍokkate Rebekae emadea, ar Rebekaren boeha ar eṅgattetʼ hõ aema dam reakʼ jiniskoe ematʼkinạ.

2 Rapajko 9:30

Inạ tayom Jihu do Jisriyelteye senena. Ona kathae ańjomketʼ khan Isebel doe aenom kajarena ar rokʼ nạkicʼkate jalna khone uyuṅ akatʼ tahẽkana.

Ester 5:1

Tesar hilokʼ Ester do rạniyakʼ sajbaj horokʼkate raj doṅgol bhitri raj dorbarte senkateye teṅgoyena. Unre raj do siṅghạsonre duṛupʼkate duạr secʼe samaṅ akatʼ tahẽkana.

Sereńko 149:4

Ente Probhu Isor do acʼren hoṛko iạteye rạskạkʼa; uni do mạ̃hir hoṛko bańcaokateye manotkoa.

Kạhtukko 31:22

Uni do pichạuṛikoe tearjoṅ kana; acʼhõ musnạ ar beguni roṅakʼ kicricʼe bandeyeda.

Kạhtukko 31:25

Daṛe ar man do uniyakʼ horokʼ bandenakʼkana; ar darakan dinko reakʼ do bae bhabnakʼ kana.

Kạhtukko 7:10

Ona jokhecʼ mitʼṭen maejiu do uni sãote ńapamokʼ lạgitʼe oḍok hecʼena; uni do kusmbi kicricʼe horokʼ akada, ar ontor do phạsiạrate perecʼ tahẽkana.

Jesaea 3:16

Probhu Isor do arhõe meneda, “Sionren maejiu do bạḍạiteko perecʼgea. Onko do hoṭokʼ tiạrkateko beraberi baṛae kana arko bijli baṛayeda; ar chamak chamak taṛamate jhamak jhunur pạigạnko saḍe ocoyeda.

Jesaea 61:4

Onko do sedae reakʼ jarkharakʼ ṭhạ̃iko arhõko benao ruạṛa ar ujạṛakʼko arhõko teṅgo ruạṛa. Ar okako nagraha do piṛhike piṛhi dhaṅdhaser akae tahẽkan ona do arhõko benao ruạṛa.

Jirimiạ 2:32

Jãhãe kuṛige cetʼ acʼakʼ abhrankoe hiṛiń daṛekea? Jãhãe baplakʼkan bạhu kuṛi do cetʼ bapla reakʼ abhrane hiṛiń daṛekea? Menkhan ińren hoṛko do ḍher din khon ińko hiṛiń akadińạ.

Jirimiạ 4:30

E ḍahao marao akan nagraha, am do cetʼem cekaya? Arakʼ kicricʼ ar sona reakʼ gohnate do cedakʼem abhranokʼ kana? Cedakʼ mẽtʼre do aenom kajarem lagaojoṅ kana? Am do ạuṛiyakʼgem sajokʼ kana. Amren dulạṛiạko do amko kurudam kana, onko do amakʼ jiwi hatao lạgitʼko kurumuṭu kana.

Mathae 11:8

Se, cetʼ ńeńelpe oḍok calaolena? Mońj kicricʼe horokʼ akatʼ mitʼṭen hoṛ ńeńel? Sạrige okoe mońj kicricʼko horokʼetʼkan onko do rajakʼ oṛakʼreko tahenkana.

1Timothi 2:10

Ona bodol bhage kạmikoteko sajokʼma. Okoe maejiu apnar do Isor bhokti kanako menteko monejoṅkan onko maejiu lạgitʼ do onka hoyokʼge lek kana.