1Timothi 2:4 - সান্তালী বাইবেল

⁴ Uni doe menjoṅkana sanamkoge jemon kại khon bańcaoko ńam ar Mạsi reaṅ khạndritetʼko baḍae daṛeakʼ.

Santali Common Language New Testament

⁴ Uni doe menjoṅkana sanamkoge jemon kại khon bańcaoko ńam ar Mạsi reaṅ sạri khạndritetʼko baḍae daṛeakʼ.

1Timothi 2:4 Iomraidhean Croise

Jesaea 45:22

“E dhạrti reakʼ ses simạnarenko, iń secʼ ruạṛokʼpe ar bańcaokʼpe, ente iń kangeạń Isor do, iń chaḍa ar cele hõ Isor doko baṅkana.

Jesaea 49:6

Uniye meneda, “Eken Jakobakʼ bõsrenko bańcaoko lạgitʼ ar Israelren sarecʼ hoṛko ruạṛ ạguko lạgitʼ ińren golamem hoyokʼa ona do baṅa; ente ona do ḍherge komgea. Ona chaḍa iń do boṅgan hoṛ jạtrenko ṭhen hõ marsal lekań hoyocomea jemon am hotete goṭa dhạrtiren hoṛ do kại khon bańcaoko ńam.”

Jesaea 53:11

Uni do acʼakʼ jiwi reakʼ duke ńela are tirpitokʼa; Probhu Isore meneda, ‘ińre dhorom golam do acʼakʼ baḍaete ḍher hoṛkoe dhorom ocokoa, ente uni do onkoakʼ sanam ghạṭkoe gogtakoa.

Jesaea 55:1

Probhu Isore meneda, “E tetaṅetʼpe hoṛko, dakʼ ṭhen dela hijukʼpe; okoeyakʼ ṭaka poesa bạnukʼtae, uni doe hijukʼma ar kirińkateye ńũiyma. Dela hijukʼpe, darkha rasa ar toa kirińjoṅpe, bin ṭaka poesatege ar bin damtege.

Jeheskel 18:23

Dusṭạmi hoṛakʼ gujukʼ iạte cetʼ iń doń kusikʼ kana? Bickom tinre uni do acʼakʼ bạṛicʼakʼ hor khon ruạṛkateye bańcaokʼa unrege iń doń kusikʼa.

Jeheskel 18:32

Okoeyakʼ gujukʼtehõ iń do bạń kusikʼ kana. Ape do mon ạcurkate bańcaokʼpe. Iń Probhu Isorge noa katha doń meneda.”

Jeheskel 33:11

Am do onkom metakoa, iń Probhu Isorge, iń ńutumte kiriạkateń meneda, bạṛicʼ hoṛkoakʼ gujukʼte jãhãn rạskạ do bạń ńameda, bickom bạṛicʼ hor khon ruạṛkate jemonko bańcaokʼ onate iń doń rạskạkʼa. E Israel jạtrenko, dela ruạṛpe, apeakʼ bạṛicʼ hor khon ruạṛ hijukʼpe. Ente cedakʼpe gujukʼa?

Habakkuk 2:14

Jalapuri cetʼleka dakʼte perecʼ tahen onkage dhạrti hõ Probhu Isorakʼ ṭhonok reakʼ ạkilte perecʼge tahena.

Mathae 28:19

Onate sanam jạtren hoṛko ṭhen calakʼpe ar ińren cela hoyocokope. Ar Baba, Hopon, Sonot Jiu ńutumte bạptiskope.

Mark 16:15

Jisui metatʼkoa, “Ape do dhạrti reakʼ sanam jaegate calakʼpe ar sanam hoṛko ṭhen Isorakʼ bhage sombat porcarpe.

Luk 1:77

Am do uniren hoṛkom baḍae ocokoa, cetʼ leka aboren Isorakʼ mãyãte kại reakʼ ikạ ńamokʼte kại khon bańcao bon ńama. Uniyakʼ mãyãte serma khon mitʼṭecʼ jolokʼkan marsal abo cetanreye pheḍ hijukʼ kana,

Luk 14:23

Onate kisạ̃ṛ do golame metadea, ‘am do nagraha bahre soṛokkote oḍok calakʼme ar hijukʼ lạgitʼ hoṛko jormoṭkom, jemon oṛakʼ do perejokʼtiń.

Luk 24:47

Arhõ ol menakʼa, Jerusalem khon ehopʼkate sanam jạtrenko ṭhen kại ikạkʼ lạgitʼ mon ạcur porcarokʼa.

Johan 14:6

Jisu do Thomae metadea, “Ińge hortetʼ, sạriyakʼtetʼ ar jion do. Iń hotete baṅkhan okoe hõ Baba ṭhen do ohoko calao daṛelena.

Johan 17:17

“Sạriyakʼ hotete am lạgitʼge onko do begar dohokom. Amakʼ katha kangea ona sạriyakʼtetʼ do.

Johan 6:37

Baba okoekoe emawạń onko jotoge iń ṭhenko hijukʼa. Okoe iń ṭhene hijukʼ uni do oka lekate hõ ohoń oḍok giḍilea,

Romiko lạgitʼ Pạul Apostolakʼ ciṭhi 11:14

Ar nonkate jemon apnar jạtren hoṛkoń gagoj ocokote onko mod khon thoṛa hoṛ iń bańcao daṛeako.

1Timothi 4:10

Onate murukte bon mehnoteda arbon lạgiyạ paṛao akana, ente abo do jiwetʼ Isorre bon as akana. Uni do sanam manwakoren babańcaoicʼ kanae, asokaete okoe do unireko pạtiạu akan.

2Timothi 2:25

Okoe uni upạrteko teṅgokʼ onko do mạ̃hir salakʼe cetʼako ma. Ona cecetʼakʼ do noa asteye emakoma, Isor do mon ạcur reakʼ ạte emakote onko do Isorakʼ sạriyakʼtetʼ reakʼ khạndritetʼ jemonko baḍae daṛeakʼ.

2Timothi 3:7

Onko do siń sạṭupʼ sikhnạt reakʼ kathako ańjomeda, menkhan tishõ Isorakʼ sạriyakʼ reakʼ khạndritetʼ do bako bujhạu daṛeakʼ kana.

Titus lạgitʼ Pạul Apostolakʼ ciṭhi 1:1

Iń Pạul do Isorren golam ar Jisu Mạsiren mitʼṭen apostoliń hoyakana, jemon Isorren bachao hoṛko biswạs reakʼ horteń ạgu daṛeako, ar Isor bhokti sãote oka sạriyakʼtetʼ menakʼ ona baḍae lạgitʼ iń goṛo daṛeako.

Titus lạgitʼ Pạul Apostolakʼ ciṭhi 2:11

Isorakʼ oka daya hotete kại khon bańcao ńamokʼ ona do sanam manwako ṭhenge sodor akana.

Ibriko 10:26

Isorakʼ sạriyakʼtetʼ baḍaekate hõ dikhitege bon kại khan, enḍekhan kại ńutumte ar jãhãn dãṛẽ do bạnukʼ anaṅ;

Jakob 3:14

Menkhan apeakʼ ontor do hiskạte haṛhatʼ ar dola duli menakʼ khan enḍekhan akel reakʼ do alope sarhaokʼa, ar sạriyakʼ do alope ạuṛiyaga.

2 Patras 3:9

Adom hoṛko hudiseda Probhu Isor do acʼakʼ gokʼakʼ purạu lạgitʼe bilomeda, menkhan ona do baṅ. Asokaete uni do ape lạgitʼe soboriyeda, ente jãhãegeye nosṭokʼ do bae khojkana, bickom sanamkoge jemon kại khon monko ạcurtako onageye khojkana.

2 Johan 1:1

Isor okoeye bachao akade uni maejiu ar uniren hoponko ṭhen iń murubbi do noa ciṭhiń oletʼkana. Isorakʼ sạriạkʼtetʼ iạte iń do ape sanamkoń dulạṛetʼpea. Eken ińiń dulạṛetʼpea ona do baṅ, menkhan okoe Isorakʼ sạriyakʼtetʼko baḍae oromakatʼ onko sanamkoge apeko dulạṛetʼpea.

Johan sodor 14:6

Ona tayom iń do arhõ mitʼṭen serma goḍet coṭ sermare uḍạukʼkaniń ńelkedea. Dhạrtiren tahenkan hoṛko ṭhen metakʼme mimitʼ jạtren, bõsren, pạrsiren, ar disạmren hoṛko ṭhen porcar lạgitʼ uni ṭhen jaejug hạbicʼ reakʼ bhage sombat tahẽkana.