1Timothi 2:1 - সান্তালী বাইবেল

¹ Pạhilregeń meneda, sanamko lạgitʼ nehõr, koe, aroj ar gun manao hoyokʼ ma.

Santali Common Language New Testament

¹ Pạhilregeń meneda, sanamko lạgitʼ nehõr, koe, aroj ar gun manao hoyokʼ ma.

1Timothi 2:1 Iomraidhean Croise

Esra 6:10

jemon onko do sermaren Isor ńutumte ataṅokʼ reakʼ samaṅokʼakʼ porobko porob daṛeakʼ ar raj ar raj hoponkoakʼ bhạlại lạgitʼko koe daṛeakʼ.

Sereńko 72:19

Uniyakʼ ṭhonok do jaejug hạbicʼ sarhao hoyokʼtaema; goṭa dhạrti do uniyakʼ ṭhonokte perejokʼ ma. Amen, Amen.

Jirimiạ 29:7

Ona chaḍa okaṭakʼ nagrahare bondi lekateń idiakatʼpe onḍenakʼ bhạlại reakʼ kurumuṭuipe. Ona iạte iń ṭhen koejoṅpe, ente ona nagraha reakʼ bhạlại hoylen khan ape hõ bhạlại hoyokʼtapea.

Aposkạmi 17:30

Ente sedaeren hoṛ do bako baḍaekan tahẽkante Isor do noako secʼ bae beṅgetʼletʼa. Menkhan ńitokʼ uni do sanam jaegare joto hoṛge kại khon mon ạcur lạgitʼe hukumako kana,

Romiko lạgitʼ Pạul Apostolakʼ ciṭhi 1:8

Pạhilrege iń do Jisu mạsi hotete ape sanamko iạte ińren Isoriń gunmanao joharae kana, ente apeakʼ biswạs reakʼ katha do goṭa dhạrtire pasnao akana.

Romiko lạgitʼ Pạul Apostolakʼ ciṭhi 6:17

Menkhan Isorakʼ sarhao baṛe hoyokʼma, ente ape do kạiren golampe tahẽkanre hõ, okaṭakʼ sikhạunape ńamakatʼ ona reakʼ do goṭa ontortepe batao akada.

1 Korinthiko 15:3

Ente okaṭakʼ iń ńamakatʼ ona do sanam khon jạruṛanakʼ mente ape hõń em akawatʼpea; ona do hoyokʼ kana sonot sostor reakʼ katha leka Mạsi do aboakʼ kại gunạkʼteye gocʼlena,

2 Korinthiko 8:6

Noa ńelte ale do bạ̃ṛtikaete Titusle nehõrade tahẽkana, dan reaṅ oka kạmi ale talareye ehopʼletʼ ona jemon uni doe purạugotʼkakʼ.

Ephesiko lạgitʼ Pạul Apostolakʼ ciṭhi 3:13

Onateń nehõrokʼ kana, ape lạgitʼ duk ar sasetiń jometʼte dil alope adtapea, ente ona jotowakʼ do apeakʼ man lạgitʼ hoyakana.

Ephesiko lạgitʼ Pạul Apostolakʼ ciṭhi 5:20

Siń sạṭupʼ aboren Probhu Jisu Mạsi ńutumte Isor Baba gun manao joharaepe.

Ephesiko lạgitʼ Pạul Apostolakʼ ciṭhi 6:18

Sonot Jiu hotete ạyur ocokʼte mon ar ontorte jao ghuṛi koejoṅpe. Onate jagwar akae tahente Isorren sanam hoṛko lạgitʼ mitʼ talao koejoṅre jamaṛ akae tahenpe.

Philipiko lạgitʼ Pạul apostolakʼ ciṭhi 1:3

Iń do tinạkʼ dhao apeakʼ kathań disại unạkʼ dhaoge ińren Isoriń sarhao edekana.

Philipiko lạgitʼ Pạul apostolakʼ ciṭhi 4:6

Ar jãhãnakʼ reakʼge alope dandokʼa, bickom apeakʼ joto arojakʼko do koejoṅ ar nehõrate gunmanao johar salakʼ Isor baḍae ocoyepe.

1 Thessalonikikko 3:12

Ale cetʼlekale dulạṛetʼpe ṭhik onkage Probhu Isor hõ ape mimitʼkore jemon dulạṛe baḍhao ocoyte sareṛokʼtape.

2 Thessalonikiko 1:3

E boehako, ape ńutumte jao okte Isor gun manao johar emae lek kantalea. Apeakʼ pạtiạu do ạḍitetʼ baḍhao idikʼ kana ar ape mimitʼkoakʼ dulạṛ ape apere sahre idikʼkante ale do sarhao emokʼ lek kantalea.

1Timothi 2:4

Uni doe menjoṅkana sanamkoge jemon kại khon bańcaoko ńam ar Mạsi reaṅ khạndritetʼko baḍae daṛeakʼ.

1Timothi 5:5

Okoe rạnḍi maejiuren celege bạnukʼko uni do Isor ṭhen bhorsa akan ar siń sạṭupʼ koejoṅ ar nehõrakane tahenkana.

2Timothi 2:24

Okoe doe Probhu Isorren gutikan, uni do jhogṛakʼ baṅ lektaea, bickom sanamkore daya tahentaema. Uni do eṭakʼko cetʼako reakʼ daṛe ar sahao gun tahen hoyokʼtaea.

Titus lạgitʼ Pạul Apostolakʼ ciṭhi 2:11

Isorakʼ oka daya hotete kại khon bańcao ńamokʼ ona do sanam manwako ṭhenge sodor akana.

Titus lạgitʼ Pạul Apostolakʼ ciṭhi 3:2

Onko do okoeyakʼ hõ jemon aloko nindạu se aloko jhogṛakoma, bickom soṛa monanko hoyokʼte sanamko tulucʼ mạ̃hir salakʼ jemonko beohar.

Ibriko 6:11

Alele khojkana, ape mimitʼko jemon mucạtʼ hạbicʼ inạ jidge tahentape. Onate purạtepe khạṭi joṅa je, apeakʼ as do purạukʼtapea.

Jakob 5:16

Onate ape apere kạiko aṅgocpe ar ape ape lạgitʼ koejoṅpe, jemonpe bogekʼ. Isorakʼ sana leka okoeye calakʼkan uni do koejoṅ reakʼ daṛe menakʼtaete onae hoeocoya.