1Timothi 1:15 - সান্তালী বাইবেল

¹⁵ Noa katha do sạrikana ar purạ puri ataṅ reakʼ hõ lek kana je, kại hoṛ bańcaoko lạgitʼge Jisu Mạsi do noa dhạrtiteye hecʼlena. Ar onko kạkạiko modre iń kangeạń maraṅ kạiyan hoṛ do.

Santali Common Language New Testament

¹⁵ Noa katha do sạrikana ar purạ puri ataṅ reakʼ hõ lek kana je, kại hoṛ bańcaoko lạgitʼge Jisu Mạsi do noa dhạrtiteye hecʼlena. Ar onko kạkạiko modre iń kangeạń maraṅ kạiyan hoṛ do.

1Timothi 1:15 Iomraidhean Croise

Jobakʼ 42:6

Onate okań men akatʼ ona do ńitokʼ iń chibaṅakʼ kana, ar dhuṛi ar torocʼre duṛupʼ kateń kastaokʼ kana.”

Jeheskel 16:63

Iń do tinre amakʼ sanam behokakʼ iń ikại tama unre am do onako behok reakʼ katha disạitem lajaokʼa ar amakʼ bemanot iạte tishõ moca do bam jhijtama. Iń Probhu Isorge noa katha doń meneda.”

Mathae 1:21

Ar am do uniyakʼ ńutum Jisum dohoetaea, ente uni do acʼren hoṛko akoakʼ kại khone bańcaokoa.”

Mathae 18:10

“Ńelpe, noko kạṭicʼko modren mitʼ goṭen hõ alope nihạ̃tkoa; ińiń metapekana sermare onkoren goḍetko do sanam ghạṛicʼ ińren sermare menae Babawakʼ mẽtãhãko ńeleda.

Mathae 18:11

“Ente Manwa Hopon do atʼakanko bańcaoko lạgitʼgeye hecʼakana. Ape do cetʼpe hudiskea?

Mathae 20:28

Manwa Hopon do sapʼsor ocokʼ do bae hecʼakana, bickom sapʼsosor lạgitʼge, ar ạḍi utạr hoṛko bodolte chaḍaokʼ reakʼ dam menkate acʼakʼ jiwi emokʼgeye hecʼakana.”

Mathae 9:13

Iń do mãyãgeń kusiyakʼ kana, dãṛẽ do baṅ, sonot sostorre noa katha reakʼ mane cetʼkana mente ona baṛe ḍunḍhạukate ńelpe. Ente dhorom hoṛ hohoako lạgitʼ do baṅ, menkhan kại hoṛko lạgitʼgeń hecʼakana.”

Mark 2:17

Noa katha ańjomkate Jisu do sostor baḍaekoe metatʼkoa, “Boge hoṛko lạgitʼ raranicʼ reakʼ jạruṛ do bạnukʼa, menkhan ruạkʼko lạgitʼ do jạruṛgea. Dhorom hoṛ hohoako lạgitʼ do bạń hecʼakana menkhan kại hoṛko lạgitʼgeń hecʼakana.”

Luk 15:2

Onate Phạrusiko ar sostor baḍaeko do noa menkate karacʼ kurujokʼko ehopʼena, “Nui hoṛ do kại hoṛko sãoteye gatekʼkana are jom ńũiyeda.”

Luk 19:10

Ente atʼakan ńamko ar bańcaoko lạgitʼge Manwa Hopon doe hecʼakana.”

Luk 5:32

Dhorom hoṛ hohowako lạgitʼ do baṅ menkhan kại hoṛko lạgitʼgeń hecʼakana.”

Johan 1:12

Menkhan tinạkʼ do unireko pạtiạuen arko ataṅkede onko mimitʼko do Isorren gidrạ hoyokʼ reakʼ ạidạriye ematʼkoa.

Johan 1:29

Dosar hilokʼ Johan do Jisu acʼ ṭhen hijukʼkane ńelkede khane menkeda, “Hạni ńelepe Isorren Bheḍa Hopon, one uni manwakoakʼ sanam kạiye gokʼ idiyetʼkan.

Johan 12:47

Jãhãege ińakʼ kathae ańjom ar onaleka bae senokʼ enḍekhan uni do bạń bicạrea, ente manwa dusiko lạgitʼ do baṅ, bickom kại khon bańcaoko lạgitʼgeń hecʼ akana.

Johan 3:36

Hoponre pạtiạukʼicʼ do jaejug jion menakʼtaea, menkhan Hopon reakʼ bebataoicʼ do jion ohoe ńamlea, bickom Isorakʼ edre uni cetanre paṛaokʼa.

Aposkạmi 11:1

Boṅgan hoṛ jạtrenko hõ Isorakʼ kathareko pạtiạu akana mente ona katha do apostolko ar goṭa Jihudạren biswạsi boehako hõko ańjomkeda.

Aposkạmi 11:18

Noa katha ańjomkate Jihudạren biswạsiko do begor ạnḍuṅte Isor sarhaoateko menkeda, “Isor do boṅgan hoṛ jạtrenko hõ kại khon mon ạcurkate jion ńam lạgitʼ ạte em akatʼkoa.”

Aposkạmi 3:26

Ar ape mimitʼko apeakʼ bạṛicʼ hor khon ạcurokʼte bhorape lạgitʼge Isor do ape ṭhen acʼren Guti Jisui kolledea.”

Romiko lạgitʼ Pạul Apostolakʼ ciṭhi 11:14

Ar nonkate jemon apnar jạtren hoṛkoń gagoj ocokote onko mod khon thoṛa hoṛ iń bańcao daṛeako.

Romiko lạgitʼ Pạul Apostolakʼ ciṭhi 5:6

Nijor bon tahẽkanre Mạsi do ṭhik okterege bedhorom manwako lạgitʼ, metakʼme abon lạgitʼgeye gocʼlena. Jãhãe dhorom hoṛ lạgitʼ okoehõ jiwi do bako em lạgidokʼa.

1 Korinthiko 15:9

Ente apostolko modre ińge sanamko khoniń nicạṛgea, ar apostol ńumugokʼ lek hõń baṅkana, ente Isorakʼ manḍerren koń khedletʼkoa.

Ephesiko lạgitʼ Pạul Apostolakʼ ciṭhi 3:8

Isorren sanam hoṛko modre iń khon huḍińko ar bạnukʼkore hõ, enrehõ Mạsiyakʼ okaṭakʼ dhon reakʼ katha purạpuri baṅ bujhạukʼ, ona dhon reakʼ bhage sombat boṅgan hoṛko baḍae ocoko reakʼ bhar Isor do dayate ińgeye em akadińạ.

1Timothi 1:13

Lahate Mạsiyiń opomane kan ar khekhedicʼ ar ṭhok hoṛiń tahẽkanre hõ uni do noa kạmireye bahalkedińa. Uni do ińe daya akawạdińa, ente bepạtiạu ar bin baḍaete onakoń kạmikan tahẽkana.

1Timothi 1:19

Ona sãote biswạs ar bhage bibek dohojoṅme. Adom hoṛ do bibek reakʼ katha bako ańjometʼkante biswạsre tạkicʼakʼko janam ocoyeda.

1Timothi 3:1

Noa katha do sạrikangea je, jãhãe manḍerren ạyuricʼ hoyokʼe menjoṅkan khan uni do mitʼṭecʼ bhage kạmi lạgitʼgeye gagojokʼ kana.

1Timothi 4:9

Noa katha do sạrikangea ar sanam secʼte ataṅ reakʼ hõ lek kana.

1Timothi 6:13

Isor, okoe do sanamakʼe jiwetʼ ocoyetʼ ar Mạsi Jisu, one uni do Pontus Pilạt ṭhen sạriyakʼ reakʼ gohae emletʼ, uni Isor ar Jisu Mạsi samaṅre iń do noań hukumam kana,

2Timothi 2:11

Noa katha do sạrikana je, Mạsi tulucʼ bon gocʼ akan khan, enḍekhan uni tulucʼ jiwetʼ hõ bon tahena.

Titus lạgitʼ Pạul Apostolakʼ ciṭhi 3:8

Noa do sạri katha kangea. Ińakʼ monejoṅakʼ do noage, am do noako babotre jor emakʼme, jemon Isorre okoeko biswạs akan onko do eṭakʼko bhạlạiko reakʼ kạmire lạgiạ paṛao akanko tahen. Noako do bhagegea ar hoṛko lạgitʼ porhoanakʼ kana.

Ibriko 7:25

Onate okoe uni hotete Isor ṭhenko hijukʼkan onko do purạteye bańcao daṛeakoa, ente onko iạte nẽhorokʼ lạgitʼ uni do jaoge jiwetʼ menaea.

1 Johan 3:5

Baḍaegeape, aboakʼ kạiko meṭao giḍikakʼ lạgitʼge Mạsi doe sodorlena. Mạsire do jãhãn kại bạnukʼ anaṅ. Okoe Mạsireko tahenkan onko do kạire bako tahenkana.

1 Johan 3:8

Okoeye kại idiyetʼkan uni doe Soetanren kana, ente Soetan do etohopʼ khongeye kạiyeda. Ar Soetan kạmi marao giḍikakʼ lạgitʼge Isorren Hopon doe sodorakana.

1 Johan 5:11

Ona goha do noage, Isor do jaejug jione emakatʼbona ar ona jion do acʼren Hoponre menakʼa.

Johan sodor 21:5

Okoe ona siṅghạsonre duṛupʼ akane tahẽkan uni doe menkeda, “Ńelme, iń do jotowakʼge nãwãteń benao aroyeda.” Uni do arhõe menkeda, “Noa katha olme, ente noa kathako do pạtiạr ar sạrigea.”

Johan sodor 22:6

Tayomte uni serma goḍet doe metadińạ, “Noako katha do pạtiạr ar sạrigea. Probhu Isor, one okoe do nạbiko hoteteye roṛletʼ tahẽkan, uni do acʼren goḍete kol akadea, jemon thoṛa ghạṛicʼ khange okaṭakʼ hoy lạgidokʼkan, ona do acʼren golamkoe udukʼ daṛeako.”

Johan sodor 5:9

Onko do noa nãwã sereńko sereńetʼ tahẽkana: “Amge ona puthi hataokate mohor chapko raṛae reakʼ lek kanam, ente am dom gocʼ ocolena. Amge amakʼ mãyãmte mimitʼ bõsko, pạrsirenko, disạmrenko ar jạt jạtrenko mod khon Isor lạgitʼ hoṛkom kiriń akatʼkoa.