1Timothi 1:14 - সান্তালী বাইবেল

¹⁴ Aboren Probhu Isor do asambheṛe daya akawạdińa ar Jisu Mạsi tulucʼ iń kolom mitʼakante oka biswạs ar dulạṛ menakʼ onae dan akawạdińa.

Santali Common Language New Testament

¹⁴ Aboren Probhu do asambheṛe daya akawạdińa ar Jisu Mạsi tulucʼ iń kolom mitʼakante oka biswạs ar dulạṛ menakʼ onae dan akawạdińa.

1Timothi 1:14 Iomraidhean Croise

Exodus 34:6

Uni do Mose samaṅteye sen paromena ar noae lại jạhirkeda, “Probhu, Probhu, uni do daya ar mãyãte perecʼicʼ Isor kanae. Uni do usạrate bae edre hodokʼa. Menkhan daya ar sạriyakʼteye kisạ̃ṛgea.

Mathae 20:9

“Khan huḍiń dakʼ lo ber oktere okoe do kạmiko dhurạu ocolen onko do hecʼkate mimitʼ Dinarkateko idikeda.

Aposkạmi 15:11

Alele pạtiạukʼ kana je, Probhu Jisuakʼ dayate pạtiạu akan boṅgan hoṛ jạtrenko do cetʼleka kại khon bańcaoko ńamakatʼ, onkage abon hõ bańcao bon ńamakada.”

Romiko lạgitʼ Pạul Apostolakʼ ciṭhi 16:20

Sulukren Isor do ạḍi usạrage apeakʼ jaṅga latarre Soetane lebetʼ gańjaoea. Aboren Probhu Jisuakʼ daya ape cetanre baṛe tahenma.

1 Korinthiko 15:10

Menkhan ńitokʼ okań hoyakan ona do Isorakʼ dayategeń hoyakana. Iń cetanre uniyakʼ daya do baṅ ạuṛiyakʼ akana; ar eṭakʼ sanam apostolko khon iń do ḍheriń khaṭao akana; ar eken ińiń khaṭao akan ona do baṅ bickom ińre Isorakʼ daya hõ tahẽkana.

1 Korinthiko 3:10

Isor ṭhen khon oka dayań ńamakatʼ ona hotetege iń do gạkhuṛ kạrigol leka rehetʼ iń bạisạu akada, ar eṭakʼko do ona cetanre oṛakʼko benaoeda. Menkhan okoe okalekae benaoetʼkan ona reaṅ uni doe sontorokʼma.

2 Korinthiko 13:14

Aboren Probhu Jisu Mạsiyakʼ daya ar Isorakʼ dulạṛ ar sonot Jiu reakʼ helmel ape jotoko tulucʼ baṛe tahenma.

2 Korinthiko 4:15

Sanamakʼ do apeakʼ bhạlại lạgitʼge hoyakana, jemon Isorakʼ oka daya ḍher hoṛkore emakan ona daya iạte ḍher hoṛge arhõ bạ̃ṛti Isorko sarhaoe ar nonkate Isorakʼ ṭhonok hoyokʼ kana.

2 Korinthiko 8:9

Ape do aboren Probhu Jisu Mạsiyakʼ daya dan reakʼ kathape baḍaegea, uni do apnartetʼe kisạ̃ṛgere hõ ape khạtirteye reṅgecʼena, jemon uniyakʼ reṅgejokʼ hotete apepe kisạ̃ṛ daṛeakʼ.

Galathiko lạgitʼ Pạul Apostolakʼ ciṭhi 1:13

Jihudi dhoromreń tahẽkanre cetʼ lekan jioniń khemaoetʼ tahẽkan ona dope ańjomakatʼgea. Ar noa hõpe ańjomakada, Isorakʼ manḍerrenko tinạkʼ bebạṛicʼ iń khedetʼko tahẽkana ar maraoko lạgitʼ iń kurumuṭuyetʼ tahẽkana mente.

1 Thessalonikikko 1:3

Biswạs khạtirte okape kạmikan, dulạṛ khạtirte okape mehnotetʼkan ar aboren Probhu Jisu Mạsire as akan iạte okape sombhuriyetʼkan, ona katha do jaoge aboren Isor Baba samaṅre koejoṅrele disạyeda.

1 Thessalonikikko 5:8

Menkhan abo do sińren hoṛ kanabon; onate koṛam aḍ lạgitʼ pạtiạu ar dulạṛte koṛam aḍkate ar bohokʼ aḍ lạgitʼ bańcaokʼ reakʼ as bohokʼre horokʼkate delaṅ apnar bon sambṛaokʼma.

1Timothi 2:15

Menkhan maejiuko do gidrạ janamko hoteteko bańcaokʼa; khạjuk sambṛao salakʼ biswạs ar dulạṛ ar sonotokʼreko tahẽ idikʼ.

1Timothi 4:12

Amakʼ koṛa umer do okoe hõ aloko neṅghaotam ma. Menkhan pạtiạuko lạgitʼ nạmuna baṛe hoyokʼme, amakʼ kathare, amakʼ cạl-colonre, amakʼ dulạṛre, amakʼ biswạsre ar sonotre.

1Timothi 6:11

Menkhan am do Isorren hoṛ kanam; noako khon men ńirjoṅme. Ar dhorom, Isor bhokti, biswạs, dulạṛ, sobori, ar mạ̃hir baṛe khudạu me.

2Timothi 1:13

Iń ṭhen khon okam ańjomakatʼ ona sạriyakʼ reakʼ sikhnạt do nạmuna lekate sapʼ dohoyme; ar Mạsi Jisu tulucʼ jopoṛao iạte aboakʼ ontorre oka dulạṛ ar biswạs janam akan ona sapʼ dohojoṅme.

2Timothi 2:22

Juạn umer reakʼ bạṛicʼ sanako khon ńirjoṅme ar sapha ontorte okoe do Probhu Isorko hohowaekan onko tulucʼ dhorom, pạtiạr, dulạṛ ar suluk baṛe khudạume.

Titus lạgitʼ Pạul Apostolakʼ ciṭhi 2:2

Haṛam hoṛ do jotowakʼre soteko tahen ma; ar manot ńam lekko hoyokʼma; onko do bhage akelanko, sạri pạtiạu, dulạṛ ar sombhuri mon tahentako.

1 Patras 1:3

Aboren Probhu Jisu Mạsiren Isor ar Babawakʼ sarhao hoyokʼtae ma. Jisu Mạsi gocʼko khone jiwetʼ beretʼkedete Isor do acʼakʼ maraṅ dayate nãwã janame dan akawatʼbona. Ona iạte abo do mitʼṭecʼ jiwetʼ as bon ńam akada,

1 Johan 4:10

Isor do abogebon dulạṛ akadea ona do baṅ, menkhan unigeye dulạṛketʼ bonte acʼren Hopone kolkedea, jemon Hopon do acʼakʼ jiwiye alaete aboakʼ kạiko meṭaokate Isore kusi ocoye. Ar noa kangea dulạṛ do.

Johan sodor 22:21

Probhu Jisuakʼ bhor Isorren sanam hoṛko sãote baṛe tahẽakae tahenma. Amen.