Zozoe 8:14 - LAWA A BOO SONBORE 2011

¹⁴ Ayiin kii bɛ́ á bɛ yɛ, a laanka a zia-baalin tumaa nə́ n nanaa, ǹ nə́ yoo baayɛlɛ yiisoone, ka kiwi minin lɛn nɛ. Ǹ bǎã mɛn pɛ kɔn nɛ, ǹ nə́ soo mà maǹ woe n diɛ Izirayeli minin lɛn lɛ walan, ǹ ziabaa ǹ ganaa walan, dia-n woe Zurdɛ̃ tà a nyankɔrɔ basa kɛ la. Sɛnɛ, a goã doɛ̃, mà ǹ nə́ minin duru kiwi lɛ kio, bɛn nə́ kuu koe a ganaa wa.

LAWA A BOO SONBORE

¹⁴ Ayiin kii bɛ́ á bɛ yɛ, a laanka a zia-baalin tumaa nə́ n nanaa, ǹ nə́ yoo baayɛlɛ yiisoone, ka kiwi minin lɛn nɛ. Ǹ bǎã mɛn pɛ kɔn nɛ, ǹ nə́ soo mà maǹ woe n diɛ Izirayeli minin lɛn lɛ walan, ǹ ziabaa ǹ ganaa walan, dia-n woe Zurdɛ̃ tà a nyankɔrɔ basa kɛ la. Sɛnɛ, a goã doɛ̃, mà ǹ nə́ minin duru kiwi lɛ kio, bɛn nə́ kuu koe a ganaa wa.

Zozoe 8:14 Iomraidhean Croise

Boo-laakalaali 9:12

Sonbore, minbuiin nɛ ba gɛ̀ a daa biikoo doɛ̃ wa. Zɔ̀ kũ ǹ zɔ̀ɔ bɛ́ zɔ̀ kuĩ lɔn, biɛ bɛ́ bàan kuĩ lɔn, gɛ̀ lɛ dɔ n die minbuiin nɛ tɔwɛɛ miɛ̃. A n die n diɛ la bǎã goon ne, a yiri ná a ba li wa.

Izayii 19:11

Soan kiwi a kiãn man gàãnaan lɛa. Min mɛnɛn bɛ́ yiri koe Eziptin kii la, baãnaan manɛ. Maǹ pii-n kɛnɛn: «Man yiridɛnaa goon a nɛ lɛa, lɛlɛ kiin nɛ n ka ma nɛ.» Wàa nə n diɛ bɛa pɛ ganaa?

Izayii 19:13

Gàãn na á yoo Soan kiwi a kiãn li. Mɛmifisi kiwi a kiãn man siɛ̃. Ǹ tanlɛn kiãn man Ezipti gána diɛ zii baraa la.

Danayeli sɛ́wɔ 4:31

Nebukadenezɔɔrɔ pɛ kɛnɛn: – Lɛ̀ sɔbaa lɛ lɛ bɛ́ á pã, masɛ Nebukadenezɔɔrɔ nə́ n yii saa má dia lon ǹ kɔn pinaa, minbuiinin taasiɛ wusoo á wɔ ma nɛ. Lawa mɛn bɛ́ lon sɔsɔɔ, a yii n koo yǎa duduu, má barka da bɛ nɛ. Má a tɔ bɔ, má a guguru kɔ: A giala, a goledɛnaabaa lɛ a nyɛɛ wa, a kiibaa kɛ na a tan yǎa duduu.

Matiə 24:39

Ǹ nə n gɔ́ɔ̃ bii ka sii kɔ́n nɛ wa, yǎa mu gole lɛ daa, á ǹ yii goa á kiɛ̃ ǹ nɛ. A n die n biɛ miɛ̃ Min a Nɛgiĩ a daa pinaa dɔ nɛ.

Matiə 24:50

Dí-nyali lɛ bɛ́ a ba n yii diɛ a dɛnaagiĩ lɛ la ǹ mɛn pinaa wa, a bɛ́ a ba biikoo mɛn doɛ̃ wa, dɛnaagiĩ lɛ n nɔmɛɛ a kiɛ̃ a da bɛa biikoo li.

Timəə dí-pɛn 1:1

Muizu a boon man ka kɛn nɛ, á ǹ pɛ Izirayeli minin tumaa nɛ. Bɛa biikoo li, bɛ̀ maǹ Zurdɛ̃ tà kio don, nyankɔrɔ lɛ kɛ nɛ Suufu kiwi yɔrɔ-a, Paran laanka Tofɛli kiwi biin ni, Laban kiwi ni, Aserɔti kiwi laanka Di-Zahabu kiwi ni, bɛn nə́ ǹ paǹ kɔsɔ-a.

Zozoe 8:13

Zia-baali zaman lɛ tumaa giã kiwi lɛ a gɔsɛ a lɛ̀gɔn la. Ǹ durii-wɔlen lɛn sɛn nə́ giã a lɛ̀nyɛɛn gɔn la. Bɛ kio kəni, Zozoe nə́ n zɔ̃ á dɔ nyankɔrɔ basa lɛ bii a din tèlò lɛ nɛ.

Zozoe 8:15

Zozoe laanka Izirayeli minin lɛn tumaa nə́ n dinin baa ka maǹ nə́ boo ǹsɛn la. Ǹ nə́ don zii saa, ǹ nə́ baa si.

Zozoe 8:16

Ayii minin lɛn nə́ n lɛ dɛ, ǹ nə́ kiwi lɛ a zaman tumaa yiɛ ǹ nə́ kaa ǹ kio, ǹ nə́ Zozoe kio loo. Sɛnɛ, bɛ nə́ ǹ bebele miɛ̃, á ǹ wɔlɔ lui kiwi lɛ ganaa.

Zozoe 8:5

Ma din laanka zaman mɛn tumaa á ke kun, wɔsɛn tá re n zoɛ̃ wɔ n mɔrɔ kiwi lɛ ganaa. Bɛ̀ ǹ nə́ soo mà maǹ die wɔsɛn gialaa ka bibinaa wɔ lɛ bɛ́ lɔn, wɔsɛn tá re baa sii ǹ nyɛɛnɛ.

Piɛrɛ2 2:3

Ǹ ga màn li baraa lɛ dɔ n die toɛ, ǹ ka bebele ka boo wɔwɔkɔnlɛn nɛ kun ni, ǹ màn si ka la. Lawa bɛa minin kɛn lɛn kiri yɔrɔ bɔ gɔrɔ, á n die diɛ ǹ la, ǹ bɔ̀n baa kànaa ka boɛɛn nɛ.

Sii yɔrɔ-bɔlen 20:37

Minin lɛn nə́ soo duru ǹ bǎã nɛ, ǹ nə́ woo Gibeya gialaa ka baa nɛ, ǹ nə́ kiwi lɛ kũ, ǹ ná a minin lɛn tumaa dɛ.