Zozoe 7:19 - LAWA A BOO SONBORE 2011

¹⁹ Zozoe tɔ́n pɛ Aakan nɛ: «Maa nɛgiĩ, bǐɛ̃ kɔ n taãn pɛ Dɛnaa Lawa yɔrɔ-a, Izirayeli minin Lawa lɛ. N sii mɛn zɛnaa, bǐɛ̃ kɔ n pɛ ma-n kɛnɛn kɛnɛn, n nyan toa n pɛ mà ma nə n duri masɛ la wa.»

LAWA A BOO SONBORE

¹⁹ Zozoe tɔ́n pɛ Aakan nɛ: «Maa nɛgiĩ, bǐɛ̃ kɔ n taãn pɛ Dɛnaa Lawa yɔrɔ-a, Izirayeli minin Lawa lɛ. N sii mɛn zɛnaa, bǐɛ̃ kɔ n pɛ ma-n kɛnɛn kɛnɛn, n nyan toa n pɛ mà ma nə n duri masɛ la wa.»

Zozoe 7:19 Iomraidhean Croise

Kiin2 20:15

Izayii tɔ́n pɛ: «Ǹ yii na á wàa mɛn yɛ n kion?» Ezekiasi ná a lɛ si: «Màn mɛn din tumaa bɛ́ maa kion, ǹ yii yɛ. Ma gɔn màn kɔn din goã bɛ̀ man ma nyaa ǹ nɛ wa.»

KZS2 30:22

Ezekiasi Levii tɔrɔn lɛn tumaa foo taã, a giala maǹ tá Dɛnaa Lawa a siin giala miɛ parasiini. Lɛawaa sɔbaa gɔ́ɔ̃ nɛ, minin man die kiɛ̃mala ǹ zɔ́n lɛ a mànbii. Maǹ barka da Lawa nɛ ǹ wúlu mànan koe, ǹ nə́ loe loe Dɛnaa Lawa, ǹ digolon Lawa tɔ boe ne.

Loen 32:5

Kanna, má maa sii baraa pɛ n nɛ, ma pii kɔ maa sã lɛ wa. Má pɛ máa: Ma á die ma zɛ̀rɛn piì Dɛnaa Lawa nɛ. Bɛ lɛ n ke, ń maa sii baraa a guĩ saa ń bɔ ma mìi ni. Doa

Loen 51:3

Maa Lawa, makara bɔ ma ganaa, n kɔn-narɛɛ gole kɛ taman yii. N makara-doɛ̃ gole kɛa lɛa, maa sãn toa ma nɛ.

Suusun 28:13

Min mɛn bɛ́ a siɛ̃n duri, a sii a bǐɛ̃ koe wa. Min mɛn bɛ́ a siɛ̃n doɛ̃, a nə́ ǹ toɛ walan, maǹ makara boe bɛ ganaa.

Izayii 13:12

Giĩn yɛ á re kaka koe a la sana yoreen yɛ nɛ, minbuiin nɛ yɛ á re kaka koe a la Ofiiri sana yɛ nɛ.»

Zeremii 13:16

A laan bɛ̀ a n tèlò diɛ kɔ ganaa, bɛ̀ ka n gòã na kɔlɔ ganaa kele mìi ni, ka gugurubaa da Dɛnaa Lawa, kaa Lawa tɔ la. Ka nə n yii diɛ penleen la, sɛnɛ Dɛnaa Lawa n bɔyɛɛ a baa wɔlɔ tì biribiri lɛa, a n furuməə gole koe lɛ.

Danayeli sɛ́wɔ 9:4

Má tɔ́n maa Lawa, Dɛnaa Lawa nyankɔ, má n mɛ bɔ maa zaman a sii baraan lɛa má pɛ kɛnɛn: «E, Dɛnaa Lawa, man gòã-kũ diɛ n ganaa! N din nə Lawa gole lɛa, n sii n nyɛ́ɛ diɛ. Min mɛnɛn bɛ́ n narɛ, ǹ nə́ n gɔn waa ǹ boon kɛn sii, n lɛ kɔ mɛn wɔ ka bɛn nɛ, n nə n bɔlɔgoondɛnaa lɛa bɛ gɔ́ɔ̃ nɛ, n tá bǐɛ̃ zɛnɛɛ ǹ nɛ.

Luku 17:18

Mà ǹ kɔ́n nə n taasɛ á wusoo á daa barka da Lawa-n wa, yǎa bɛa tii kɛ lɛ.

Zaã a sɛ́wɔ 9:24

Fariziɛ̃n nə́ yii tere-a zizi lɛ bíi doo ka a paabaa ǹ wɔ nɛ, ǹ nə́ pɛ nɛ: «Nyɛ́ɛ baa Lawa yii ni, n sonbore pɛ dɛ! Wɔsɛn tá doɛ̃ wáa giĩ kɛ lɛ n sii baraa-zɛnaali lɛa.»

Rɔmu minin 10:10

Sonbore, bɛ̀ ń golee Lawa li ka n foo ne, Lawa n lɛ koe n ganaa min pepere lɛa, bɛ̀ ń pɛ ka n lɛ nɛ, bɛ n woe n diɛ kirisibaa nɛ.

Timote2 2:25

Min mɛnɛn bɛ́ a boo liere koe, a doamaa nɛ, a bɛn doroo ka sabarabaa nɛ. Kɔntan, Lawa á die n doe ǹ lɛ, ǹ wusoo ǹ zɛnaa ǹ siin kio, ǹ sonbore dɔ̃.

Tiitii 2:2

A pɛ giĩ zizin manɛ, mà ǹ toa ǹ boo ǹ dinin la, ǹ gugurubaa yɛ, ǹ nə́ mìiwedɛnan lɛa. Ǹ toa ǹ goã piɛ̃-n ka goleemali sonbore ne, ka minin-narɛɛ nɛ, ka foo-kũ ni.

Zaaki 1:20

A giala, bɛ̀ min foo yoo, a bɛ́ sii mɛn zɛnɛɛ bɛ gɔ́ɔ̃ nɛ, bɛa boe la a goã pepere Lawa yɔrɔ-a wa.

Zozoe 7:20

Aakan tɔ́n Zozoe lɛ si, á pɛ nɛ: «Taãn nɛ, masɛ sii baraa zɛnaa Dɛnaa Lawa nɛ, Izirayeli minin Lawa lɛ. Ma sii mɛn zɛnaa, á ke:

Sii-nyaan 16:9

Tɛ fuu gole bɛ́ á minbuiinin tã, Lawa mɛn bɛ́ koe kɛ a bɔ ǹ pàã ná a lon, ǹ nə́ n tã la, ǹ nə́ sɔ kiɛ la, ǹ wusoo ǹ sii-zɛnaan kio ǹ nə́ gugurubaa kɔ Lawa la duduu wa.

Samayeli1 14:43

Sayulu pɛ Zonaatan nɛ: «N sii mɛn zɛnaa, bɛ pɛ ma nɛ.» Zonaatan saa á pɛ nɛ kɛnɛn. «Taãn nɛ, bàlà mɛn goã ma gɔn, má bɛ giala wɔ zoo nyɔɔ lɛ li, má a nɛ̀n da. Á ke, man gɛ̀-wɔ dan la.»

Samayeli1 6:5

Ka nyínin zɛnaa kaa gɔ̀nɔn kokoree busu lɛ a kɔnboe lɛa. Kɛ́nɛn mɛnɛn dɔn nə́ goã bɔ̀n diɛ kaa gána lɛ-a, ka bɛn dɔn nyín zɛnaa ka gugurubaa kɔ Izirayeli a Lawa la: Kɔntan, á die kaa dɔlɔ bɔma-a lɛ diɛ, ka dinin ni, kaa dìn ni ka kaa gána nɛ.