Zozoe 3:10 - LAWA A BOO SONBORE 2011

¹⁰ Zozoe wusoo á pɛ ǹ nɛ: «Ka á re doɛ̃ kɛ li, mà Lawa Yiikoonaa lɛ tá ka bii. A din dɔ n die Kanaan minin laanka Ɛti tɔrɔn kɛn lui sonbore a ǹ bɔ ka nyɛɛnɛ, ka Evii tɔrɔn laanka Perɛzi tɔrɔn nɛ, ka Girgazi minin ni ka Amɔɔrɔ tɔrɔn laanka Zebuzu minin ni.

LAWA A BOO SONBORE

¹⁰ Zozoe wusoo á pɛ ǹ nɛ: «Ka á re doɛ̃ kɛ li, mà Lawa Yiikoonaa lɛ tá ka bii. A din dɔ n die Kanaan minin laanka Ɛti tɔrɔn kɛn lui sonbore a ǹ bɔ ka nyɛɛnɛ, ka Evii tɔrɔn laanka Perɛzi tɔrɔn nɛ, ka Girgazi minin ni ka Amɔɔrɔ tɔrɔn laanka Zebuzu minin ni.

Zozoe 3:10 Iomraidhean Croise

Siin Giala 15:21

Amɔɔrɔ tɔrɔn nɛ, Kanaan minin ni, Girgazi tɔrɔn nɛ, ka Zebuzu tɔrɔn nɛ.»

Kiin1 22:28

Misee tɔ́n pɛ kii lɛ nɛ: «Bɛ̀ n dɔ woo zia lɛ la, n nə ń bɔyaa ń din yii lɛa sonbore, Dɛnaa Lawa bie á masɛ da boo lɛ a diɛ ganaa wa. Misee wusoo á pɛ mà zaman lɛ din tumaa nə n too da!»

Kiin2 19:4

Asiirii gána a kii sɔraasin goledɛnaa mɛn dia, mà a da sɔ kɔ Lawa yiikoonaa lɛ ganaa, kɔntan, Izayii a Lawa, Dɛnaa Lawa lɛ a die bɛa boon kɛn lɛn tumaa miɛ wa? Kɔntan n Lawa, Dɛnaa Lawa lɛ boon mɛnɛn lɛn ma, a die bɛn dɔlɔ boe wa? Bɛ lɛ nɛ, zaman lɛ a gialakun mɛn bɛ́ tɔn na a tan, Lawa nyankɔ bɛn lɛn lɛa.»

KZS1 1:14

Zebuzu minin ni, Amɔɔrɔ minin ni, Girgazi wɔn nɛ,

Loen 42:2

Ee Lawa, mu boro bɛ́ yuùn kuĩ lɔn, n dɔ sii n masɛ kuĩ miɛ̃.

Loen 9:16

Tɔrɔ kɔsɔn nə nyankɔrɔ mɛn fɔ̃, ǹ dinin nə́ bɔ ǹ nə́ kaa a nɛ. Ǹ biɛ mɛn koa, á ǹ dinin kũ.

Bɔ bɛ̀rɛbaa nɛ 17:7

Á bɛa bǎã kɛ lɛ bíi mà Maasaa ka Meribaa, bɛn giala mà "Damagɔ́ɔ̃ li" laanka "Zia da ma-a". Izirayeli nɛnyaanan zia kɛ lɛ a lɛa, ka ǹ da Lawa gɔ́ɔ̃ li kɛ nɛ, bɛ̀ ǹ bɛ́ ǹ nə́ pɛ mà Dɛnaa lɛ tá ǹsɛn bii hinlaa a banban.

Bɔ bɛ̀rɛbaa nɛ 3:8

Man má gisĩ, má n die ǹ sii Ezipti minin kɛn la, man die soe ǹ ne ma ǹ bɔ gána kɛ nɛ, ma wo ǹ ne gána gole sonbore kɔ́n nɛ, tɔɔ-too laanka tán-kɔsiɛ bɛ́ bǐɛ̃ koe gána mɛn nɛ. Bɛa gána kɛ lɛ n Kanaan minin wɔ lɛa, ka Ɛti tɔrɔn ne, Amɔɔrɔ tɔrɔn nɛ, Perɛzi tɔrɔn nɛ, Ivii tɔrɔn ne ka Zebuzu tɔrɔn nɛ.

Bɔ bɛ̀rɛbaa nɛ 33:2

Ma á re lon a dia dí-a wole goon diɛ n nyɛɛnɛ, ma á re Kanaan minin lui, ka Amɔɔrɔ minin ni, Ɛti laanka Perɛzi minin ni, Ivii laanka Zebuzu minin ni.

Izayii 7:14

Bɛ lɛ nɛ, Dɛnaa din nə die sii a kɔnboe koe ka la: Á ke, nɛnɛn tá re nɔ̀ sii, a nɛgiĩ yɛ. Á re a tɔ koe Emanuwɛli, bɛ giala mà "Lawa tá kun ka wɔ nɛ".

Zeremii 10:10

Sɛnɛ, Dɛnaa Lawa n Lawa taãn lɛa. Lawa Yiikoonaa nɛ. A n kii lɛa yǎa duduu. Bɛ̀ a foo yoo, tán nə bìn diɛ. Tɔrɔn ba boe sii kɔn la ǹ zɛnaa a foo-yoo gɔ́ɔ̃-n wa.

Minin nimi 13:29

Amalɛki tɔrɔn man giã nɛ a gusin a lɛ̀gɔn la bǎã nɛ, Ɛti tɔrɔn nɛ, Zebuzu tɔrɔn nɛ, ka Amɔɔrɔ tɔrɔn nɛ, bɛn nə́ giã nɛ kele yii kɛ nɛ, Kanaan minin nə́ giã nɛ yìsi mu lɛ-a ka Zurdɛ̃ tà lɛ-a nɛ.»

Matiə 16:16

Simɔn mɛn tɔ bɛ́ Piɛrɛ, bɛ tɔ́n nə n toa: «Ma n Minin Nyin-sili lɛa, Lawa bɛ́ a pɛ mà asɛ á re ǹ mɛn lɛ diɛ, ma n Lawa yiikoonaa a Nɛ lɛa.»

Zaã a sɛ́wɔ 6:69

Wɔsɛn nə́ golee li, wɔ́ dɔ̃ dɔn, wáa Lawa din a dia dí-a wole sonbore nə n ne.»

Timəə dí-pɛn 31:17

Bɛa pinaa kəni, ma foo á re yui ǹ li. Ma á re ǹ toɛ walan, man yɔrɔ bɔyaa ma bɔ ǹ la. Bɛa biikoo li, tɔrɔ kɔsɔn tá re ǹ dii. Bɔ̀n gigiã laanka nɔmaa dadaran tá re doe ǹ ganaa. Ǹ tá re pii bɛa pinaa kɛ lɛ nɛ: «Bɛ̀ ń bɛa bɔ̀n gigiã kɛ yaa wɔ yii, wɔa Lawa lɛ na a ba kun ka wɔ-n doo wa.»

Timəə dí-pɛn 5:26

Min bin Lawa Yiikoonaa kɛ lɛ ma boo diɛ tɛ bii ka wɔsɛn bɛ́ lɔn, a yii wusoo á goã koo?

Timəə dí-pɛn 7:1

Ka bɛ́ re woe gána mɛn lɛ sii ka baa kaa wɔ lɛa, kaa Lawa, Dɛnaa Lawa á re toɛ ka wɔ bɛa gána lɛ nɛ. A din nə die tɔrɔ gigiã lui a ǹ bɔ ka nyɛɛnɛ, ǹ mɛnɛn bɛ́ mɔnaa nɛ ǹ nə́ la ka nɛ, ǹ pàã dɔ din nə́ la kaa wɔ nɛ: Ɛti tɔrɔn manɛ, Girgazi tɔrɔn nɛ, Amɔɔrɔ tɔrɔn nɛ, Kanaan minin ni, Ferɛzi minin ni, tɔrɔ kɛn ǹ nə́ ǹ bíi Ivitin, ka Zebuzu tɔrɔn nɛ. Ǹ kaa kun tɔrɔ sɔbaa.

Timəə dí-pɛn 7:21

Ka nyan nyɛ́ɛ baa ǹ nɛ wa. A giala, kaa Lawa, Dɛnaa Lawa tá ka bii. Lawa gole ne, a sii á nyɛ́ɛ diɛ.

Tesaloniki1 1:9

A giala, ká wɔ kũ lɔn bɛ̀ wɔ bɛ́ wɔ́ daa kaa piɛ, min tumaa na a laakalɛɛ. Ká dìn toa walan lɔn ká Lawa taãn kɛ guguru kɔ, Lawa yiikoonaa ke, ǹ tá bɛ dɔ pii.

Ebrəə 10:31

Min mɛnaa Lawa yiikoonaa kɛ gɔn dɔlɔ a lɛa, bɛ á baraa taãn-taãnɛ.

Zozoe 11:3

Kanaan minin mɛnɛn bɛ́ lɛ̀giala-n, ka ǹ mɛnɛn bɛ́ lɛ̀nyɛɛnɛ, á minin dia bɛn dɔn li, ka Amɔɔrɔ tɔrɔn kɛn nɛ, Ɛti tɔrɔn nɛ Perɛzi minin ni, Zebuzu wɔn kɛn nɛ kele yii ni, ka Evii tɔrɔn kɛn nɛ Ɛrmɔn kele gòã lɛ nɛ, Misipaa gána nɛ.

Zozoe 12:8

A bǎãn mɛnɛn gii ǹ bii, bɛn nə́ ke: kele yii bǎã kɛ nɛ, diə bǎã kɛ nɛ, Zurdɛ̃ a nyankɔrɔ basa kɛ nɛ, kele gòã lasa bǎãn kɛn nɛ, diə gole bǎã kɛ nɛ ka gusin a lɛ̀gɔn la bǎã kɛ nɛ. Ɛti tɔrɔn nɛ, Amɔɔrɔ tɔrɔn nɛ, Kanaan minin ni, Perɛzi tɔrɔn nɛ, Evii tɔrɔn nɛ ka Zebuzu tɔrɔn nɛ, bɛn man nə́ goã giã-n bɛa bǎãn lɛn nɛ.

Zozoe 21:45

Dɛnaa Lawa lɛ-kɔ Sonbore mɛn tumaa wɔ Izirayeli minin lɛn manɛ, ǹ kɔn goã kooro wa. Á ná a tumaa a sii zɛnaa.

Zozoe 22:31

Lawa a wúlu-bɔle Eleyazaara a nɛgiĩ Pineyasi tɔ́n pɛ ǹ nɛ: «Wɔ dɔ̃ pelo, wɔ́ Dɛnaa Lawa tá kun ka wɔ nɛ. Wɔsɛn dɔn nə goã nyɛ́ɛ biɛ sii babaraa mɛn nɛ, ka bɛ la Dɛnaa Lawa la wa. A zɛnaa kɛnɛn ke, ka n ka Izirayeli minin tumaa kanbaa Dɛnaa Lawa a dɔlɔ ganaa.»

Zozoe 24:11

Ka Zurdɛ̃ tà kuru, ka daa ka dɔ Zerikoo. Zerikoo kiwi minin nə́ zia baa ka ganaa, Amɔɔrɔ tɔrɔn nɛ, Perɛzi tɔrɔn nɛ, Kanaan minin ni, Ɛti tɔrɔn nɛ, Girgazi tɔrɔn nɛ, Evii tɔrɔn nɛ ka Zebuzu tɔrɔn nɛ. Sɛnɛ, má ǹ wɔ Izirayeli minin lɛn gɔn.

Zozoe 3:9

Zozoe tɔ́n pɛ Izirayeli minin lɛn manɛ: «Dɛnaa Lawa lɛ, kaa Lawa lɛa, ka n zɔ̃ ka dɔ kànaa, ka n too kɔ a boo li.»

Zozoe 9:1

Kiin mɛnɛn tumaa goã Zurdɛ̃ tà a lɛ̀nyɛɛn gɔn la kele yii kɛ nɛ, ǹ mɛnɛn dɔn nə goã nyankɔrɔ basa kɛ nɛ, ka kɔ̀ gole lɛkoro lɛ-a tumaa wɔn kɛn nɛ, a wo diri Liban gána la, bɛn tumaa bɛa siin lɛn boo ma. Bɛ lɛ nɛ, Ɛti tɔrɔn kii ni, Amɔɔrɔ tɔrɔn wɔ nɛ, Kanaan minin wɔ nɛ, Perɛzi tɔrɔn wɔ nɛ, Evii tɔrɔn wɔ nɛ ka Zebuzu tɔrɔn wɔn nɛ,

Samayeli1 17:26

Min mɛnɛn nə goã Davida genli, á nɔ̀n da ǹ la. «Min mɛn bɛ́ re Filisiti min kɛ dii, a sìi saa a bɔ Izirayeli minin la, maǹ die wàa zɛnɛɛ bɛa dɛnaa nɛ? Asɛ n die lɛa, bɛa Filisiti min *soroma kɛ lɛ, a tɔn yoo a sɔ kɔ Lawa yiikoonaa a sɔraasin ganaa?»

Samayeli1 26:6

Davida nɔ̀n da Ɛti tɔrɔ Ayimelɛki la, á nɔ̀n dɔ da Seruya a nɛgiĩ Abisayii la, Zoabu n dɔɔ̃ngiĩ ke á pɛ: «Die n die woe kun ka masɛ nɛ Sayulu a giã ǹ bǎã nɛ?» Abisayii nə́ n toa mà asɛ á woe kun ni.