Zozoe 11:20 - LAWA A BOO SONBORE 2011

²⁰ A giala, Dɛnaa Lawa din na á ǹ foo laa, á ǹ kaa kɔn ka Izirayeli minin lɛn nɛ. A na á goã giɛ li, bɛn nə ǹ dɛ ǹ nə ǹ nya lenlen, ǹ nə́ ǹ ba n tɛn toɛ ǹ nɛ wa, ka Dɛnaa Lawa goã á pɛ Muizu-n lɔn.

LAWA A BOO SONBORE

²⁰ A giala, Dɛnaa Lawa din na á ǹ foo laa, á ǹ kaa kɔn ka Izirayeli minin lɛn nɛ. A na á goã giɛ li, bɛn nə ǹ dɛ ǹ nə ǹ nya lenlen, ǹ nə́ ǹ ba n tɛn toɛ ǹ nɛ wa, ka Dɛnaa Lawa goã á pɛ Muizu-n lɔn.

Zozoe 11:20 Iomraidhean Croise

Samayeli2 17:14

Abusalɔn laanka Izirayeli minin lɛn tumaa tɔ́n pɛ mà Arkaan giĩ Usayii a doree lɛ á soɛ Ayitofɛli wɔ lɛ nɛ. A giala, Dɛnaa Lawa na á goã giɛ li lɛlɛndun a Ayitofɛli a doree sonbore lɛ ziziɛ̃, màn mɛn bɛ́ toɛ, a bɔ̀n da Abusalɔn ganaa.

Kiin1 12:15

Kii lɛ nə n too kɔ zaman lɛ lon wa. Dɛnaa Lawa din na á daa ka bɛ nɛ, màn mɛn bɛ́ toɛ a boo lɛ pã, a ǹ mɛn lɛ wɔ Siiloo min Ayia lɛ-n mà a pɛ Nebaati a nɛgiĩ Zeroboamu ni.

KZS2 22:7

Lawa bɛa yiikɔmaa lɛ baa koe lɛa Ahaazia ganaa. Sonbore, a bɛ́ á dɔ lɔn gɔrɔ, Ahaazia laanka Zoramu woo n da Nimisi a nɛgiĩ Zewu lɛ. Yǎa Dɛnaa Lawa na á Zewu bɔ á koa kii lɛa mà a Akaabu a kion minin nyin bɔ.

KZS2 25:16

Amasiya boo kuru a lɛ-n á pɛ: «Má n bɔ má n koa kii a yiri kɔmala wole lɛa? Bɛ̀ n ba giɛ mándɛ li wa, n nyan wo nyɛɛn wa.» Lawa a boo gii-dali lɛ nə n laa-a wa, sɛnɛ, á pɛ: «Ma á doɛ̃ maa Lawa golee n bɔ̀nbaa li, a giala n bɛa sii lɛ zɛnaa. Bɛ lɛ n ke n ba n too koe maa doroon li wa.»

Bɔ bɛ̀rɛbaa nɛ 10:1

Dɛnaa pɛ Muizu-n doo: «Wo wɔ *Faarahɔn li. A giala, ma din ni má a laanka a kiodɛnan too kaka kɔ, ń giɛ ma tá ma din nyaa ǹ siin zɛnɛɛ ǹ bii.

Bɔ bɛ̀rɛbaa nɛ 11:10

A laanka Aarɔn bɛa kaãbaa ǹ siin kɛn lɛn tumaa zɛnaa Faarahɔn yii ni, Dɛnaa na á toa a too kaka kɔ, a toa Izirayeli nɛnyaanan lɛn nə́ soo, ǹ nə́ woo, ǹ nə́ n bɔ a gána lɛ-n wa.

Bɔ bɛ̀rɛbaa nɛ 14:17

Ma á re toɛ Ezipti minin lɛn too kaka kɔ, màn mɛn bɛ́ toɛ, ǹ wɔ mu lɛ li ka kio. Má tɔn ma din tɔ bɔ ǹ sii zɛnaa Faarahɔn ganaa, ka a ziabaa ǹ mànan tumaa nɛ, a wotoron ne, ka a sùi lɛ-kũlin ni.

Bɔ bɛ̀rɛbaa nɛ 14:4

Lawa mà asɛ á re toɛ Faarahɔn too kaka kɔ, a yoo a ǹ kio loo. Sɛnɛ, mà asɛ á re a din tɔ bɔ ǹ siin zɛnɛɛ Faarahɔn laanka a pàã din tumaa ganaa. Mà Ezipti gána minin tumaa á re doɛ̃, mà asɛ din nə Dɛnaa Lawa lɛa.» Ǹ dɔn nə́ zɛnaa miɛ̃.

Bɔ bɛ̀rɛbaa nɛ 14:8

Dɛnaa toa Ezipti gána a kii Faarahɔn too kaka kɔ. Á yoo á Izirayeli nɛnyaanan loo, Izirayeli nɛnyaanan mɛnɛn nə soo, ǹ nə́ n bɔ bɛ̀rɛbaa nɛ.

Bɔ bɛ̀rɛbaa nɛ 4:21

Dɛnaa pɛ Muizu-n doo: – Á ke, n bɛ́ wusii woe kanna ma pàã kɔ n la máa n kaãbaa ǹ siin mɛnɛn tumaa zɛnaa, n die n bɛn zɛnaa *Faarahɔn yɔrɔ-a. Sɛnɛ, ma din tá re a too kaka koe, a re toɛ zaman lɛ woo wa.

Bɔ bɛ̀rɛbaa nɛ 9:12

Sɛnɛ, Dɛnaa toa Faarahɔn too kaka kɔ, a n too kɔ ma laanka Aarɔn lon wa, ka Dɛnaa din bɛ́ á goã á pɛ masɛ Muizu-n lɔn.

Bɔ bɛ̀rɛbaa nɛ 9:16

Sɛnɛ, n toa walan mìi á ke: Man pàã nyaa n nɛ, màn mɛn bɛ́ toɛ, ǹ ma tɔ laakalaa kanaa paǹ tumaa nɛ.

Izayii 14:24

Dɛnaa Lawa Pàãyiidɛnaa liɛ wɔ á pɛ: «Ma boo mɛn da, bɛ lɛ n die n zɛnɛɛ, ma màn mɛn yɔrɔ bɔ, bɛ lɛ n die giala yii!

Izayii 34:2

Dɛnaa Lawa foo n yoo-n tɔrɔn tumaa li. A foo n yoo ne ǹ zia kurun tumaa li. A n li a ǹ tumaa bɔ̀n baa ka lenlen. A n woe ǹ ne bɔlɔ kuru ǹ bǎã nɛ.

Rɔmu minin 9:18

Bɛ lɛ nɛ, bɛ̀ a din golee li, mà a n makara boe min mɛn ganaa, a n boe a ganaa, bɛ̀ á golee li, mà a n toɛ min mɛn dɔ too kaka kɔ, a n toɛ bɛa dɛnaa too kaka kɔ.

Timəə dí-pɛn 2:30

Sɛnɛ, Ɛsibɔnɔn kii Sihɔn lɛ kɔ, mà wɔ bɔ asɛ a bǎã-n wa. A giala, kaa Lawa, Dɛnaa Lawa lɛ na á goã á ná a foo laa, á ná a too kaka kɔ, màn mɛn bɛ́ toɛ, a na a gána lɛ wɔ ka gɔn. A din gána lɛ n ke ka tá a-n pelo.

Timəə dí-pɛn 7:16

Kaa Lawa, Dɛnaa Lawa bɛ́ re tɔrɔn mɛnɛn tumaa we ka gɔn, ka ǹ dɛ lenlen, ka nyan makara bɔ ǹ ganaa wa. Ka baran ǹ dìn kɛn guguru kɔ wa. A giala, bɛ á boe la, a kan baa ka ganaa.

Sii yɔrɔ-bɔlen 14:4

Ǹ di laanka ǹ dan goã doɛ̃, mà bɛa sii lɛ n boe Dɛnaa Lawa li wa. A giala, Dɛnaa Lawa na á goã giɛ gɔn kũ ǹ bǎã li, a yoo Filisiti minin lɛn gialaa. Bɛa biikoo li, Filisiti minin lɛn man nə́ goã Izirayeli minin lɛn mìi la.

Samayeli1 2:25

Bɛ̀ min sii la ǹ miã kɔsɔ la, Lawa n die bɛ yɔrɔ boe. Sɛnɛ bɛ̀ min sii la Dɛnaa Lawa la, die n die yii, a bɛ yɔrɔ bɔ? Sɛnɛ ǹ nə n too kɔ ǹ di lɛ a boo ganaa wa, a giala, Dɛnaa Lawa na á goã giɛ li mà a ǹ nyin bɔ.