Zozoe 1:7 - LAWA A BOO SONBORE 2011

⁷ Yǎa n din nə n gù we yii, n nə n foo taɛ̃ taãn-taãnɛ. Maa dí-nyali Muizu dí-pɛn mɛnɛn tumaa kɔ n la, a toa n zɛnaa ǹ sii tumaa kɔnpɛ ka bɛn lɛn nɛ. N nyan kanaa n zii da n wo gusin wa, n baran wo n gɔsɛ wa, màn mɛn bɛ́ toɛ, n bɛ́ re n gɔn diɛ dí woo dí ganaa, bɛ boo la a bǐɛ̃ kɔ.

LAWA A BOO SONBORE

⁷ Yǎa n din nə n gù we yii, n nə n foo taɛ̃ taãn-taãnɛ. Maa dí-nyali Muizu dí-pɛn mɛnɛn tumaa kɔ n la, a toa n zɛnaa ǹ sii tumaa kɔnpɛ ka bɛn lɛn nɛ. N nyan kanaa n zii da n wo gusin wa, n baran wo n gɔsɛ wa, màn mɛn bɛ́ toɛ, n bɛ́ re n gɔn diɛ dí woo dí ganaa, bɛ boo la a bǐɛ̃ kɔ.

Zozoe 1:7 Iomraidhean Croise

Kiin1 2:2

– Ma dɔ n die woe min tumaa a woo ǹ bǎã nɛ. N gɔ̀nɔn da n din-a, n giĩbaa zɛnaa!

Kiin1 2:3

Dɛnaa Lawa, n Lawa lɛ bɔlɔ si. Kɔ Dɛnaa Lawa a ziin lɛ, n na a landa boon tamaa, n na a gɔn waa ǹ boon si, ka a sii yɔrɔ bɔ ǹ boon laanka a da ǹ boon ne, ka a bɛ́ ke á n kiɛ̃ Muizu a dí-pɛn sɛ́wɔ kɛ-n lɔn, màn mɛn bɛ́ toɛ n sii yii bǐɛ̃ kɔ n gɔn, ka sii mɛnɛn tumaa bɛ́ n koa n yɔrɔ-a.

Kiin2 22:2

Sii mɛn bɛ́ pepere Dɛnaa Lawa yii li, Zoziasi bɛ zɛnaa. Á ǹ digolo Davida a tɔ wɔ ǹ gɔn saa ka te. A kanaa á woo a gusin wa, a kanaa á woo a gɔsɛ dɔn wa.

KZS1 22:13

N wɔ á re bǐɛ̃ koe bɛ̀ n kɔ dí-pɛn kɛn lɛ ka landa boon kɛn nɛ Dɛnaa nə́ n kɔ Muizu la Izirayeli wɔ lɛa. Toa n goã kaka n foo tã, nyɛ́ɛ nyan nə n kũ wa, n nyan nə n foo ziziɛ̃ wa.

KZS2 15:7

Sɛnɛ kasɛn, kanna kəni, ka toa ka goã kaka. Foo-ziziɛ̃ nyan ka kũ wa. Ka á re kaa nɔmaa lɛ a saraa yii.»

KZS2 26:5

Oziasi ga Lawa li Zakarii a yiikoonaabaa tumaa waáraa, asɛ mɛn bɛ́ Lawa a sii-yɛn doɛ̃. A goã giɛ li biikoo mɛn tumaa li, Lawa toa a siin ni yɔrɔ yɛ.

Zɔbu 1:8

Dɛnaa Lawa tɔ́n pɛ Zɔ́ɔ nɛ: «Táa ń maa dí-nyali Zɔbu kɛ yɛ? Ǹ miã din banban kanaa wa. Min pepere ne, a zɛnaa ǹ sii n siĩni, á n nyɛ́ɛ biɛ masɛ Lawa yii ni, n nyɛnɛɛ sii baraa nɛ.»

Loen 80:19

Bɛa yɔrɔ kɛ lɛ la, wɔ a re n wɔlɔ lui n din-a doo wa. N tá re toɛ wɔ yii goã koo, wɔ á re n din tɔ boe.

Suusun 4:27

N nyan wo n gusin hinlaa n gɔsɛ wa. N wɔlɔ lui sii baraa ganaa.

Suusun 8:20

Man tɔ we peperebaa zii la. Zii mɛn bɛ́ ǹ nə́ dí-pɛn tamaɛ la, maa wɔ n ka bɛ nɛ.

Danayeli sɛ́wɔ 10:19

Á tɔ́n pɛ ma nɛ: «N baran nyɛ́ɛ baa wa, n sii á kɔɔ̃n Lawa ganaa. Là nyantoro die a giã n li! N gù we yii, n nə n foo taã! A bɛ́ a gialaa boo diɛ ma nɛ, ma gù wusoo á kaa.» Má tɔ́n pɛ: «Maa dɛnaagiĩ, boo da, a giala, n ma gù kaa.»

Minin nimi 27:23

Muizu nə́ n gɔn da la, a ná a dí wɔ a gɔn, ka Dɛnaa Lawa goã á pɛ nɛ, mà a zɛnaa lɔn.

Timəə dí-pɛn 11:8

Ma bɛ́ gɔn waa ǹ boon mɛnɛn tumaa pii ka nɛ pelo, ka bɛn tamaa. Bɛ á re toɛ ka pàã yɛ, ka bɛ́ re kiɛ̃ ka kaa gána mɛn lɛ nɛ, ka boo la ka si ka baa kaa wɔ lɛa.

Timəə dí-pɛn 28:14

Ma bɛ́ n gɔn wɛɛ ka nɛ ka boon mɛnɛn tumaa-n pelo, ka nyan kanaa ka n bɔ bɛn kio, ka wo gusin hinlaa gɔsɛ, ka kiɛ̃ lawa kɔsɔn kio, mà ka n dí nyɛɛ bɛn man wa.

Timəə dí-pɛn 29:8

Bɛ lɛ nɛ, ka lɛ kɔ kɔn la ǹ boon lɛn tamaa, ka kɔ ǹ lɛ, màn mɛn bɛ́ toɛ, ka bɛ́ re n gɔn diɛ dí woo dí ganaa, a tumaa boo la a bǐɛ̃ kɔ.

Timəə dí-pɛn 29:9

Izirayeli minin lɛn, ka dinin tumaa n ke golee-n kànaa pelo, kaa Lawa, Dɛnaa Lawa yɔrɔ-a: kaa mìilandɛnan nɛ, kaa goledɛnan nɛ, kaa min golen ne, kaa zaman-lɛduə̃lin ni,

Timəə dí-pɛn 31:7

Bɛ kio, Muizu lɛ dia Zozoe la, á pɛ nɛ Izirayeli minin lɛn tumaa yii ni: «N gù we yii, n nə n foo taã. A giala, Dɛnaa Lawa nə n liɛ zaman kɛ lɛ digolon ne mà asɛ á re gána mɛn lɛ koe ǹ la, n din Zozoe n die woe ka zaman kɛ lɛ-n walan. N din nə die bɛa gána kɛ lɛ gii ǹ bii.

Timəə dí-pɛn 4:2

Ma bɛ́ gɔn waa ǹ boo mɛn pii ka nɛ, ka baran màn da bɛ li wa, ka nyan màn dɔ bɔ lɛ wa. Kaa Lawa, Dɛnaa Lawa nə n gɔn waa ma nɛ ka boon mɛnɛn nɛ, má ǹ pɛ ka nɛ, ka bɛn lɛn tamaa.

Timəə dí-pɛn 5:32

Haya! Kaa Lawa, Dɛnaa Lawa lɛ nə n gɔn waa ka-n lɔn, ka zɛnaa a kɔnpɛ ka bɛ nɛ. Ka nyan kanaa ka wo gusin wa, ka nyan wo gɔsɛ wa.

Zozoe 1:1

Dɛnaa Lawa a dí-nyali Muizu a gɛ̀ kio, Dɛnaa Lawa boo da ka Muizu a dɔmalɛ wole, Nunu a nɛgiĩ Zozoe ne á pɛ nɛ:

Zozoe 1:8

N nyan toa dí-pɛn sɛ́wɔ kɛa boon nə n na n lɛ-a wa. N taasɛ bɛn lɛn ganaa penleen laanka tèlò ne, màn mɛn bɛ́ toɛ, boo mɛn tumaa bɛ́ kiɛ̃ nɛ a nɛ, n toa n zɛnaa ǹ sii tumaa kɔnpɛ ka bɛn nɛ. Bɛ̀ ń zɛnaa miɛ̃, n sii á re woe nyɛɛnɛ, á re bǐɛ̃ dɔ koe.

Zozoe 1:9

Ma din bie má pɛ n nɛ, máa n nə n gù we yii n nə n foo taã wa ya? N baran nyɛ́ɛ baa wa, n baran toa n gù gã wa. A giala, masɛ Dɛnaa Lawa mɛn lɛ á ke n Lawa lɛa, ń bɛ́ re woe bǎã woo bǎã nɛ, masɛ tá kunun n ni.»

Zozoe 11:15

Dɛnaa Lawa goã á pɛ a dí-nyali Muizu-n lɔn, Muizu dɔ na á pɛ Zozoe-n miɛ̃, Zozoe dɔ na á zɛnaa miɛ̃. Dɛnaa Lawa goã á màn mɛn tumaa pɛ Muizu ni, Zozoe nə ǹ kɔn na á da wa.

Zozoe 23:6

Sɛnɛ, ka n gù we yii taãn-taãnɛ, màn mɛn tumaa bɛ́ kiɛ̃-n Muizu a landa sɛ́wɔ kɛ nɛ, ka n doa ka kɔ bɛ lɛ. Ka nyan kanaa ka wo gusin wa, ka nyan kanaa ka wo gɔsɛ wa.