Timote2 1:13 - LAWA A BOO SONBORE 2011

¹³ N boo sonboren mɛnɛn ma ma lɛ-n, kɔ bɛn lɛn lɛ sii yɔrɔ nyaa ǹ siin lɛa. Goleemali laanka kɔn-narɛɛ mɛn bɛ́ wɔ lon, wɔa tá kun ka Yezu Krita-n lɛ gɔ́ɔ̃ nɛ, toa bɛn nə goã.

LAWA A BOO SONBORE

¹³ N boo sonboren mɛnɛn ma ma lɛ-n, kɔ bɛn lɛn lɛ sii yɔrɔ nyaa ǹ siin lɛa. Goleemali laanka kɔn-narɛɛ mɛn bɛ́ wɔ lon, wɔa tá kun ka Yezu Krita-n lɛ gɔ́ɔ̃ nɛ, toa bɛn nə goã.

Timote2 1:13 Iomraidhean Croise

Suusun 23:23

Sonbore pii, n nyan sã wa. Ga sii-doɛ̃ li, doɛ̃ nɛ ka yiridɛnaabaa nɛ.

Suusun 3:18

Sii-doɛ̃ lɛ n ka yiikoonaabaa ǹ da bɛ́ lɔn. A bɛ́ min mɛnɛn gɔn, ǹ yii n nyɛɛ nɛ.

Suusun 3:21

Maa nɛ, n gɔn paraa yiridɛnaabaa laanka sii bɔkɔnlɛ ganaa. N nyan nə n na ǹ ganaa duduu wa.

Suusun 4:13

N doroo mɛn yɛ, kũ sɔnbɔraanɛ, n nyan nə n la a ganaa wa. A kũ doɛ̃, a nə yii toɛ koo.

Suusun 8:14

Doroo laanka gɔn waa n masɛ wɔ lɛa. Ma din ni sii-doɛ̃ lɛa, pàã n ma din lon.

Rɔmu minin 2:20

mà nsɛ n sii doɛ̃baãnaan-daraali lɛa, ka nɛnyaanan mìinaa nɛ. Ma n bɛ pii, a giala, minbuiin nɛ doamaa bɛ́ nɛ, a Lawa laanka a sonbore kɛ dɔ̃ lɔn, ma nə n bɛ yii yɛ dí-pɛn lɛn nɛ.

Rɔmu minin 6:17

Ka daa wɔ barka da Lawa nɛ. Ka n ká goã sii baraa a bɛ̀rɛn lɛa lɛlɛ, sɛnɛ, daraa ke á n kɔ ka la, sii yɔrɔ sonbore mɛn bɛ́ a nɛ, ká bɛ si ka ka foo din tumaa nɛ.

Filipi minin 1:27

Sɛnɛ, giã ǹ gɔn mɛn bɛ́ woe kun ka Krita a Boo Tii Kɔɔ̃n kɛ nɛ, ka toa ka kɔ bɛ lɛ. Ka bɛ nɛ, ta má daa n yii kɔ ka li, ta ma banban, Boo Tii Kɔɔ̃n bɛ́ goleemali mɛn koe, a n siĩni ma ka boo ma, mà ka tá bɛ gɔ́ɔ̃-n taãn-taãnɛ, mà ka n kun ka taasiɛ goon ne, ka n yɔ boe kun ka foo goon ne.

Filipi minin 4:9

Ka màn mɛn yɛ masɛ li, ká n daraa a ganaa, ka ma lɛ ma boo mɛn diɛ, ká ma yɛ a sii zɛnɛɛ, ka toa ka bɛ tumaa a sii zɛnaa. Bɛ̀ á n baa miɛ̃, Lawa mɛn bɛ́ là nyantoro koe wɔ la, bɛ á re goɛ̃ kun ka nɛ.

Kolɔɔsi minin 1:4

Wɔ́ kaa golee Yezu Krita li lɛ boo ma, ka kaa Lawa a minin tumaa narɛɛ kɛ nɛ.

Tesaloniki1 5:21

Sɛnɛ, ka ga sii tumaa ganaa doɛ̃, ka a bɔkɔnlɛ wɔ; ǹ mɛn bɛ́ siĩni ka lɛ kɔ bɛ ganaa.

Timote1 1:10

A na á n koa dɔn naarɛbaalin taman yii, ka giĩ ga kɔn li wolen ne, bɛ̀rɛ-sãlin ni, soɛ-bɔlen ne. Min mɛnɛn bɛ́ n lɛ koe ka sii ni, bɛ̀ ǹ wusoo ǹ kio, bɛn nɛ ka min mɛnɛn tumaa bɛ́, ǹ zɛnaa ǹ sii a kɔnpii ka daraa sonbore kɛ-n wa.

Timote1 1:14

Sonbore ne, Dɛnaa bǐɛ̃ zɛnaa masɛ nɛ á la yii ni, á goleemali laanka kɔn-narɛɛ dɔ kɔ ma la á la yii ni, maa tá kun ka Yezu Krita-n lɛ taman yii.

Timote1 6:3

Min tɛnɛn tá minin darɛɛ sii kɔsɔn ganaa. Ǹ da ǹ boo a kɔnpii ka wɔa Dɛnaa Yezu *Krita a boo sonboren kɛn nɛ wa, a kɔnpii ka wɔa goleemali ǹ daraa kɛ dɔ-n wa.

Timote2 1:1

Masɛ Pooli n Yezu *Krita a dia dí-a wole lɛa, á kɔnpɛ ka Lawa din foo dùũ ni. A lɛ kɔ mà wɔ á re yiikoonaabaa mɛn yii Yezu Krita pàã ganaa, a na á ma dia, mà ma wo bɛ lɛ boo da.

Timote2 1:14

Doroo sonboren mɛnɛn nə n koa n li, bɛn tamaa doɛ̃. Yiri Fu mɛn bɛ́ wɔ lon, bɛ lɛ á die ǹ tamaa ǹ pàã koe n la.

Timote2 2:2

N màn mɛn ma ma lɛ-n siére gigiã yii ni, min mɛnɛn bɛ́ bɔlɔgoondɛnan lɛa, ǹ dɔn nə́ boe la, ǹ min kɔsɔn daraa a ganaa, a yɔrɔ nyaa bɛn manɛ.

Timote2 3:14

Sɛnɛ nsɛ, n bɛ́ n nə́ n daraa màn mɛn ganaa, ń si taãn lɛa, toa n bɛ kũ doɛ̃. Min mɛnɛn nə n daraa a ganaa, n tá ǹ dɛnan doɛ̃.

Timote2 4:3

A giala, biikoo kɔ́n tá re die, minin tɛnɛn ba re lɛ koe, ǹ nə n too kɔ daraa ǹ boo sonbore kɛ ganaa doo wa. Sɛnɛ, ǹ tá re n siɛ ǹ dinin foo sii baraa li, ǹ minin-daraali gigiã lɛ sɔkɔn ǹ dinin li. Boo mɛn bɛ́ kɔɔ̃nɛ ǹ dinin too ne, bɛn tá re bɛ pii ǹ ni.

Tiitii 1:9

Boo taãn mɛn bɛ́ kɔnpii ka wɔa daraa ǹ yiri kɛ nɛ, a doamaa nɛ a n paraa bɛ ganaa taãn-taãnɛ. Bɛa yɔrɔ kɛ la, á re boe la, a min kɔsɔn foo taã ka minin daraa ǹ yiri taãn kɛ nɛ, min mɛnɛn bɛ́ a liere koe, a bɛn sã nyaa ǹ nɛ.

Tiitii 2:1

Sɛnɛ, nsɛ toa n minin daraa, a kɔnpɛ ka daraa ǹ yiri pepere kɛ nɛ.

Tiitii 2:8

Boo peperen da, ǹ nə́ ǹ ba boe la ǹ lɛ pɔrɔ ǹ ganaa wa. Ń giɛ n zɔ́ɔn tá goɛ̃ ka sìi ni, ǹ yii ná a ba baraa kɔ́n ganaa, ǹ tá diɛ wɔa wɔ paǹ li wa.

Ebrəə 10:23

Wɔ baran talaa wa, wɔ bɛ́ pii wáa wɔ́ lɛ kɔ foo-doa mɛn ganaa, ka daa wɔ wo nyɛɛn bɛ gɔ́ɔ̃ nɛ, a giala, Lawa mɛn nə n lɛ kɔ, bɛ á bɔlɔgoondɛnaa lɛa.

Ebrəə 3:6

Sɛnɛ, *Krita sɛ na á Nɛgiĩ bɔlɔgoondɛnaa baa, Lawa a tɔrɔ minin mìi la. Wɔ dinin man a tɔrɔ minin lɛn lɛa, bɛ̀ wɔ gòãn tá we-n tán wɔa foo doa ǹ màn kɛ lɛ la, wɔ nə n nyɛnyɛɛ a wɔ gɔn la ka foo tãbaa nɛ.

Ebrəə 4:14

Wúlu-bɔlen kiã gole gole tá wɔ lon, á lon bii kuru á kiɛ̃ yǎa Lawa yɔrɔ-a: Lawa a Nɛgiĩ Yezu lɛ nɛ. Bɛ lɛ nɛ, wɔ bɛ́ pii wáa wɔ lɛ kɔ goleemali mɛn ganaa, ka daa wɔ n gɔn paraa bɛ ganaa parsiini.

Zude 1:3

Maa giaára sonboren lɛn, kirisibaa mɛn bɛ́ wɔ tumaa wɔ lɛa kun, man má goã giɛ li parsiini, ma sɛ́wɔ kiɛ̃ ma dia ka la bɛ wɔ gɔn la. Sɛnɛ, má yɛ máa a na á pàã baa ma ganaa sisia, ma sɛ́wɔ lɛ kiɛ̃, màn mɛn bɛ́ toɛ, ma ka foo taã ka n doa, ka yɔ bɔ golee Lawa li gɔ́ɔ̃ nɛ, golee Lawa li mɛn bɛ́ Lawa din kɔ wɔ la gunyin goon dinsɔɔ̃, kɔsɔ ná a ba kio wa, wɔsɛn mɛnɛn tumaa bɛ́ a din wɔn lɛa.

Sii-nyaan 2:25

Sɛnɛ, sii mɛn bɛ́ ka gɔn, ka kũ kaka parsiini, yǎa maa daa doe.

Sii-nyaan 3:11

Ma á die sisia. Pàã boɛɛn mɛn bɛ́ n gɔn, a kũ ka parsii ni, min nyan gɔ̀lɔ̀baa ǹ kii bafolo kɛ si n la wa.

Sii-nyaan 3:3

N Boo Tii Kɔɔ̃n mɛn ma, a si ka we ne, n nə n yiri koa bɛ li. N foo doa a ganaa, n wusoo n sii baraan kio. Bɛ̀ n nə n gù kaa wa, n ba re maa daa biikoo doɛ̃ wa, ma á re die n tɔwɛɛ tán ka wurumu wɔ bɛ́ lɔn.