Timote2 1:1 - LAWA A BOO SONBORE 2011

¹ Masɛ Pooli n Yezu *Krita a dia dí-a wole lɛa, á kɔnpɛ ka Lawa din foo dùũ ni. A lɛ kɔ mà wɔ á re yiikoonaabaa mɛn yii Yezu Krita pàã ganaa, a na á ma dia, mà ma wo bɛ lɛ boo da.

LAWA A BOO SONBORE

¹ Masɛ Pooli n Yezu *Krita a dia dí-a wole lɛa, á kɔnpɛ ka Lawa din foo dùũ ni. A lɛ kɔ mà wɔ á re yiikoonaabaa mɛn yii Yezu Krita pàã ganaa, a na á ma dia, mà ma wo bɛ lɛ boo da.

Timote2 1:1 Iomraidhean Croise

Zaã a sɛ́wɔ 10:28

Man nyin nyabaã koe ǹ la, ǹ ba re giɛ̃ duduu wa. Min kɔ́n dɔ a re boe la a ǹ kũ a ǹ si ma la wa.

Zaã a sɛ́wɔ 17:3

Nyin nyabaã lɛ n ke, ǹ nə n din lɛ dɔ̃, Lawa taãn goon toto lɛa, n masɛ Yezu *Krita mɛn dɔ dia, ǹ ma dɔ dɔ̃.

Zaã a sɛ́wɔ 5:24

Man taãn pii ka nɛ, bɛ̀ min mɛn nə́ n too kɔ masɛ a boo ganaa, á golee maa dia wole li, nyin nyabaã n bɛa dɛnaa wɔ lɛa. Kiri ba bɛa dɛnaa-a wa, sɛnɛ, bɛa dɛnaa na á soo gɛ̀ nɛ á wɔ yiikoonaabaa nɛ.

Zaã a sɛ́wɔ 6:40

Maa Díi foo sii lɛ n ke sonbore: Bɛ̀ min mɛn ná a Nɛgiĩ yɛ, yǎa a golee li, bɛa dɛnaa nyin nyabaã yɛ. Masɛ dɔ n die bɛa dɛnaa yii kiɛ kanaa a nya pinaa.»

Zaã a sɛ́wɔ 6:54

Bɛ̀ min mɛn masɛ siĩ sɔ̃, á ma mà mi, nyin nyabaã n bɛa dɛnaa wɔ lɛa, ma á die bɛa dɛnaa yii kiɛ kanaa a nya pinaa.

Rɔmu minin 1:1

Masɛ Pooli mɛn bɛ́ Yezu *Krita a bɛ̀rɛ lɛa, masɛ n sɛ́wɔ kɛ kiɛ̃. Lawa na á ma bíi, mà ma dia dí-a wole baa. A na á ma bɔ, mà ma a din a Boo Tii Kɔɔ̃n kɛ pɛ.

Rɔmu minin 5:21

Sii baraa na a din pàã a golebaa nyɛɛ ka gɛ̀ nɛ. Sɛnɛ, Lawa a bǐɛ̃baa lɛ sɛ pàã á gole taãn-taãnɛ. Bɛ nə n nyɛɛ wɔ nɛ, ka Lawa a lɛ kɔ wɔ ganaa min peperen lɛa kɛ nɛ, ka nyin nyabaã kɛ dɔ nɛ, á kɔ wɔ la, ka wɔa Dɛnaa Yezu Krita barka nɛ.

Rɔmu minin 6:23

Sii baraa a saraa n ka gɛ̀ nɛ. Sɛnɛ, Lawa din na á bǐɛ̃ zɛnaa wɔ nɛ kooro, bɛ n ka nyin nyabaã wole kɛ nɛ, wɔa tá kun Dɛnaa Yezu Krita-n gɔ́ɔ̃ nɛ.

Korɛnti1 1:1

Masɛ Pooli, Lawa lɛ kɔ á ma bíi, mà ma Yezu *Krita a dia dí-a wole baa. Ma laanka ma dɔɔ̃n Sɔstɛnɛ n fòo diɛ ka nɛ.

Korɛnti2 1:1

Masɛ Pooli n Yezu *Krita a dia dí-a wole lɛa, á kɔnpɛ ka Lawa foo sii ni. Ma laanka ma dɔɔ̃n Timote ne, wɔ n sɛ́wɔ kɛ diɛ Korɛntin Lawa a sɔmɔ minin la, ka Lawa a minin mɛnɛn tumaa bɛ́ Grɛki gána tumu ni.

Korɛnti2 1:20

Sonbore ne, a din nə Lawa a lɛ-kɔ ǹ sii tumaa a «Hiĩ» diɛ lɛ piɛ̃. Yezu Krita a lɛa nɛ, wɔ á pii wáa «a n miɛ̃», wɔ n Lawa tɔ gole koe ne.

Galaasi minin 3:26

A giala, goleemali barka nɛ, ka tumaa n Lawa a nɛnyaanan lɛa Yezu Krita wɔ gɔ́ɔ̃ nɛ.

Galaasi minin 3:28

Kanna, Zuifu laanka tɔrɔ kɔsɔ bɔkɔnlɛ banban doo wa. Bɛ̀rɛ laanka tá ma din gɔn wìi a lɛa wole bɔkɔnlɛ banban doo wa. Lɔ laanka giĩ bɔkɔnlɛ banban doo wa. A giala, ka tumaa n màn goon lɛa Yezu Krita wɔ gɔ́ɔ̃ nɛ.

Efɛɛzi minin 3:6

Bɛa sii-durii lɛ á ke: Boo Tii Kɔɔ̃n kɛ pàã ganaa, Lawa lɛ kɔ a zaman la ka bǐɛ̃n mɛnɛn nɛ, Zuifun laanka tɔrɔ kɔsɔn gii á re yii ǹ ni. Ǹ paanan man gùn lɛa gɔ̀nɔn goon ganaa. Lawa lɛ mɛn dɔ kɔ Yezu Krita wɔ gɔ́ɔ̃ nɛ, tɔrɔ kɔsɔn lɛn gii tá bɛ dɔ nɛ.

Timote1 6:19

Bɛ̀ ǹ nə́ zɛnaa miɛ̃, ǹ tá re naforo sonbore lɛ soekɔn, ǹ koa ǹ dinin man biɛ̃, màn mɛn ná a nyɛɛ wa. Ǹ tá re yiikoonaabaa taãn-taãn dɔ yii.

Timote2 1:10

Wɔa Dɛnaa Yezu Krita bɛ́ á daa kanaa kəni, wɔ Lawa a bǐɛ̃baa gole lɛ yɛ. Boo Tii Kɔɔ̃n barka nɛ, wɔ á doɛ̃ wáa Yezu gɛ̀ pàã nya, á toa wɔ nyin nyabaã yɛ.

Timote2 1:13

N boo sonboren mɛnɛn ma ma lɛ-n, kɔ bɛn lɛn lɛ sii yɔrɔ nyaa ǹ siin lɛa. Goleemali laanka kɔn-narɛɛ mɛn bɛ́ wɔ lon, wɔa tá kun ka Yezu Krita-n lɛ gɔ́ɔ̃ nɛ, toa bɛn nə goã.

Timote2 1:9

Lawa din na á wɔ kirisibaa, á wɔ bíi á wɔ baa a din a minin lɛa. Wɔa zɛnaa ǹ siin lɛa bie wa; sɛnɛ, a na á wɔ bíi, a giala, mà a din foo sii ni. Haalɛ kanaa bɛ́ a tɔn nə n giala kɔ wa, a din na á bǐɛ̃ baa wɔ la ka Yezu Krita nɛ.

Timote2 2:1

N din wɔ paǹ li, nsɛ mɛn bɛ́ maa nɛ lɛa, wɔ bɛ́ Lawa a bǐɛ̃ mɛn giulun, wɔa tá kun ka Yezu *Krita-n lɛ gɔ́ɔ̃ nɛ, n dɔ nə n gɔn paraa bɛ lɛ ganaa, n nə n gù we yii.

Timote2 2:10

Bɛ lɛ na á toa, Lawa min mɛnɛn bɔ, man sii tumaa sii ma ganaa bɛn lɛn taman yii, màn mɛn bɛ́ toɛ, Yezu Krita bɛ́ kirisibaa mɛn koe, ǹ dɔn nə bɛ lɛ yɛ, ǹ gugurubaa nyabaã wole dɔ yɛ bɛ lɛ gɔ́ɔ̃ nɛ.

Timote2 2:3

Lɛ kɔ nɔmaa ganaa ka masɛ bɛ́ lɔn, n nə n baa Yezu Krita a sɔraasi sonbore lɛa.

Timote2 3:15

Haalɛ, n nɛnyaanbaa waáraa, n tá Lawa a sɛ́wɔ boo sonboren kɛn doɛ̃. Ǹ tá boe la ǹ yiri kɔ n la, n golee Yezu Krita li, màn mɛn bɛ́ toɛ, n kirisibaa yɛ.

Tiitii 1:2

ń giɛ yiri doa nyin nyabaã ganaa kɛ á goɛ̃ ǹ li. Lawa mɛn bɛ́ a soɛ boe wa, a din na á lɛ kɔ wɔ la ka bɛa nyin nyabaã kɛ lɛ nɛ, bɛ̀ kanaa tɔn nə n giala kɔ wa.

Tiitii 1:4

Tiiti, goleemali bɛ́ wɔa lɛ kaa kun màn lɛa, n nə́ maa nɛ sonbore lɛa a gɔ́ɔ̃ nɛ, man sɛ́wɔ kɛ diɛ n la. Wɔ Di Lawa laanka wɔ Nyin-sili Yezu Krita a bǐɛ̃ die a dɔ n ganaa, ǹ là nyantoro kɔ n la.

Ebrəə 9:15

Bɛ lɛ taman yii ni, Krita lɛ á lɛ kɔ kɔn la dii a zɛlɛ lɛa. Sii baraan mɛnɛn nə n zɛnaa lɛ kɔ kɔn la zizi a biikoo li, asɛ na á gã á minin si bɛn la, màn mɛn bɛ́ toɛ, Lawa din min mɛnɛn bíi, á n lɛ kɔ ǹ la ka bǐɛ̃ nyabaã wole ne, bɛn nə bɛ yɛ.

Zaã1 2:25

Krita lɛ kɔ ka màn mɛn nɛ, mà asɛ á re koe wɔ la, bɛ n ka nyin nyabaã nɛ.