Timote1 1:1 - LAWA A BOO SONBORE 2011

¹ Masɛ Pooli n Yezu *Krita a dia dí-a wole lɛa. Bɛ na á kɔnpɛ ka wɔ Kirisibaali Lawa laanka wɔ foo doamaa wole Yezu Krita a dí-pɛ nɛ.

LAWA A BOO SONBORE

¹ Masɛ Pooli n Yezu *Krita a dia dí-a wole lɛa. Bɛ na á kɔnpɛ ka wɔ Kirisibaali Lawa laanka wɔ foo doamaa wole Yezu Krita a dí-pɛ nɛ.

Timote1 1:1 Iomraidhean Croise

Loen 106:21

Ǹ yiri bɔ ka ǹ kirisibaali Lawa kɛ nɛ, Lawa mɛn goã á sii dadaran zɛnaa Ezipti,

Izayii 12:2

Á ke, Dɛnaa Lawa n ma kirisibaali lɛa. Ma foo n doa nɛ a din ganaa, nyɛ́ɛ ba ma ganaa doo wa. Dɛnaa Lawa n ma pàã laanka maa loe lɛa, ma kirisibaali ni.»

Izayii 43:11

Ma din, ma dinsɔɔ̃ n Dɛnaa Lawa lɛa. Bɛ̀ á n bɔ masɛ nɛ, kirisibaali kɔsɔ banban.

Izayii 43:3

A giala, masɛ Dɛnaa Lawa nə n Lawa lɛa. Ma din Izirayeli a Lawa sonbore nə n kirisibaali lɛa. Má Ezipti kɔ n nyin giɔ̀mɔ lɛa, má Etiopii laanka Sabaa kɔ n dòo lɛa.

Izayii 45:15

Izirayeli a Lawa, ma n Lawa lɛa n durii, sɛnɛ, ma n minin kirisibiɛ.

Izayii 45:21

Ka boo da, ka yii kã siin mɛnɛn nɛ, ka bɛn nyaa. Ka boo nyaa kɔn nɛ. Sii mɛn bɛ́ n zɛnɛɛ sisia, die na á bɛ dɔ̃ haalɛ bibi Die na á bɛ boo da haalɛ bibi Ma din Dɛnaa Lawa bie wa? Lawa kɔsɔ banban masɛ kio wa. Lawa mɛn bɛ́ pepere, a n minin kirisibiɛ, kɔsɔ banban bɛ̀ á n bɔ ma din ni.

Izayii 49:26

Min mɛnɛn bɛ́ boe n yii ni, ma á re bɛn kiɛ ǹ dinin siĩ soɛ̃ ganaa. Ǹ tá re n dinin mà mii, a ǹ yii kũ, ka duvɛ̃ dii bɛ́ min yii kuĩ lɔn. Ka bɛ nɛ, yiikoonaa tumaa á re doɛ̃, mà masɛ Dɛnaa Lawa nə n kirisibaali lɛa, ma nə n si sii la wole lɛa, masɛ Zakɔba a Lawa Pàãyiidɛnaa.

Izayii 60:16

N tá re tɔrɔ kɔsɔn bɔ̀nyaa mii, n nə ǹ kiin naforo bii. Ka bɛ-n kəni, n tá re doɛ̃ mà masɛ Dɛnaa Lawa nə n kirisibaali lɛa, mà Zakɔba a Lawa Pàãyiidɛnaa nə n si sii la wole lɛa.

Izayii 63:8

Izirayeli minin paǹ li, Dɛnaa Lawa pɛ: «Maǹ maa zaman lɛa taãn-taãnɛ, maa nɛnyaanan manɛ. Ǹ ba re ma yiri siɛ̃ wa.» Á n baa ǹ kirisibaali lɛa.

Ozee 13:4

A kũ n soo Eziptin ganaa, Izirayeli man Dɛnaa Lawa, n Lawa lɛa, n ba Lawa kɔsɔ doɛ̃ masɛ kio wa. N kirisibaali kɔsɔ banban bɛ̀ á n bɔ masɛ nɛ.

Luku 1:47

Ma foo piɛ̃maa-n ka nyɛnyɛɛ nɛ maa Lawa taman yii, a giala a n die ma nyin sii.

Luku 2:11

Pelo kɛ lɛ nɛ, Davida a kiwi, Kirisibaali na á yɛ kaa lɛa, Dɛnaa lɛ nɛ, Lawa bɛ́ á pɛ, mà asɛ á re Minin Nyin-sili mɛn lɛ diɛ.

Nya ǹ dín 9:15

Sɛnɛ, Dɛnaa pɛ nɛ: «Woo, a giala giĩ kɛ lɛ, min ni, ma din bɔ, màn mɛn bɛ́ toɛ, a masɛ tɔ kɛ laakalaa tɔrɔ kɔsɔn manɛ, ka kiin ni, ka Izirayeli minin ni.

Rɔmu minin 1:1

Masɛ Pooli mɛn bɛ́ Yezu *Krita a bɛ̀rɛ lɛa, masɛ n sɛ́wɔ kɛ kiɛ̃. Lawa na á ma bíi, mà ma dia dí-a wole baa. A na á ma bɔ, mà ma a din a Boo Tii Kɔɔ̃n kɛ pɛ.

Korɛnti1 1:1

Masɛ Pooli, Lawa lɛ kɔ á ma bíi, mà ma Yezu *Krita a dia dí-a wole baa. Ma laanka ma dɔɔ̃n Sɔstɛnɛ n fòo diɛ ka nɛ.

Korɛnti1 9:17

Bɛ̀ ma din nə má bɔ maa nya ǹ dí lɛa, bɛ̀ ma tá n yii diɛ saraa la. Sɛnɛ, a na á n kɔ ma la, Lawa na á da ma mìi-n dí lɛa, mà ma nya.

Korɛnti2 1:1

Masɛ Pooli n Yezu *Krita a dia dí-a wole lɛa, á kɔnpɛ ka Lawa foo sii ni. Ma laanka ma dɔɔ̃n Timote ne, wɔ n sɛ́wɔ kɛ diɛ Korɛntin Lawa a sɔmɔ minin la, ka Lawa a minin mɛnɛn tumaa bɛ́ Grɛki gána tumu ni.

Galaasi minin 1:1

Masɛ Pooli n dia dí-a wole lɛa. Bɛ bie á bɔ minbuiin nɛ kɔ́n li wa. Min kɔ́n dɔ na a zɛlɛ baa wa. Yezu *Krita laanka Díi Lawa na á ma bíi, Díi Lawa mɛn Yezu lɛ din yii kaa, á bɔ geren li.

Galaasi minin 1:11

Ma dɔɔ̃nɔn lɛn, man pii ka nɛ, máa ma bɛ́ Boo Tii Kɔɔ̃n mɛn pii ka nɛ, minbuiin nɛ a boo koe bie wa.

Kolɔɔsi minin 1:27

Bɛa sii-durii kɛ lɛ a bǐɛ̃ a golebaa laanka a gugurubaa n doe tɔrɔ tumaa ganaa, Lawa na á ga li mà a bɛ lɛ nyaa a din a minin kɛn manɛ. Bɛa sii-durii lɛ n ka kɛ nɛ: Krita n ka gɔ́ɔ̃ nɛ, bɛ n foo-doa lɛa, mà ka á re kaa wɔ gii yii Lawa a gugurubaa kɛ nɛ.

Tesaloniki2 2:16

Wɔ Di Lawa wɔ narɛ, á bǐɛ̃ kɔ wɔ ganaa á foo-doa kaka kɔ wɔ la, ka bɛ nɛ, á wɔ foo taã biɛ̃ ǹ taman yii.

Timote1 1:12

Ma á barka diɛ wɔa Dɛnaa Yezu Krita-n parsiini, asɛ mɛn bɛ́ á dí lɛ a nya ǹ pàã kɔ ma la. Ma á barka diɛ nɛ, a giala á ga ma ganaa foo doamaa wole lɛa, á tɔ́n ma saa a dí ni.

Timote1 2:3

Màn mɛn bɛ́ siĩni, wɔ Kirisibaali Lawa yɔrɔ-a, á n kɔɔ̃n a ganaa, a din lɛ n ka bɛ nɛ.

Timote1 2:7

Lawa na á masɛ koa bɛa boo lɛ a kalaali lɛa. Á ma dia, mà ma wo tɔrɔ kɔsɔn daraa goleemali laanka sonbore ganaa. Sonbore-n ma á pii, ma bie soɛ boe wa.

Timote1 4:10

Bɛ̀ n yaa wɔ á dí nyɛɛ, wɔ á yɔ kaka boe, wɔ foo bɛ́ doa-n Lawa yiikoonaa mɛn ganaa, bɛa lɛa nɛ, asɛ mɛn bɛ́ giɛ li a min tumaa kirisibaa, sanparɛ min mɛnɛn foo bɛ́ doa nɛ a ganaa.

Tiitii 1:3

Sɛnɛ, a biikoo bɛ́ á dɔ kanna, a na á nyaa wɔ nɛ, ka a din a boo ne. Bɛa boo lɛ n ke á n kɔ masɛ Pooli la, wɔ Kirisibaali Lawa din ma dia a laakalɛɛ.

Tiitii 2:10

Ǹ doamaa bie ǹ nə ǹ mìinaan màn kɔ́n koã wa. Ǹ doamaa nɛ ǹ nə n dinin nyaa min sonboren lɛa, bɔlɔgoondɛnan lɛa, biikoo tumaa li. Bɛa yɔrɔ kɛ lɛ la, daraa ǹ yɔrɔ mɛn bɛ́ wɔ Kirisibaali Lawa wɔ gɔn la, ǹ tá re gugurubaa koe bɛ la sii tumaa gɔ́ɔ̃ nɛ.

Tiitii 2:13

A n wɔ darɛɛ mà wɔ goã miɛ̃, wɔ nə́ n yii diɛ foo kɔɔ̃n kɛ la, wɔ foo n doa-n a ganaa, wɔa Lawa gole Minin Nyin-sili Yezu *Krita a wusoo a daa pinaa kɛ lɛ, a gugurubaa gɔ́ɔ̃ nɛ.

Tiitii 3:4

Sɛnɛ, wɔ Kirisibaali Lawa bɛ́ a ná a sonborebaa laanka a minin narɛ ǹ sii zɛnaa minbuiinin ni,

Tiitii 3:6

Lawa na á bɛa Yiri Fu lɛ gisĩ wɔ la gigiã, wɔ Nyin-sili Yezu *Krita barka nɛ.

Piɛrɛ1 1:21

Asɛ lɛ barka nɛ ka á golee-n Lawa li, Lawa mɛn bɛ́ a ná a yii kaa á bɔ geren bii, á gugurubaa kɔ la. Bɛa yɔrɔ kɛ la, kaa goleemali laanka kaa foo-doa giala n doa-n Lawa ganaa.

Piɛrɛ1 1:3

Ka daa wɔ barka da Lawa nɛ, wɔa Dɛnaa Yezu Krita n Di Lawa nɛ! Lawa din a bǐɛ̃baa gole kɛ taman yii, á yiikoonaabaa dii kɔ wɔ la, a n foo-doa sonbore dɔ koe wɔ la. Bɛa foo-doa kɛ lɛ giala n we-n Yezu Krita a yii kaa a bɔ geren bii kɛ ganaa.

Piɛrɛ2 1:1

Masɛ Simɔn Piɛrɛ mɛn bɛ́ Yezu *Krita a bɛ̀rɛ laanka a dia dí-a wole lɛa, man sɛ́wɔ kɛ diɛ ka la, kasɛn mɛnɛn bɛ́ kaa goleemali n goon ka wɔsɛn wɔ nɛ, wɔa Lawa laanka wɔ Nyin-sili Yezu Krita a peperebaa barka nɛ.

Zaã1 4:14

Wɔsɛn yii yɛ, wɔ na a siére pii, wáa Díi Lawa na á ná a Nɛgiĩ dia, mà a kanaa kirisibaali baa.

Zude 1:25

Lawa goon toto mɛn wɔ nyin si ka wɔa Dɛnaa Yezu Krita barka nɛ, gugurubaa laanka golebaa nɛ, pàãyiidɛnaabaa laanka màn tumaa mìilandɛnaabaa goã bɛ wɔ lɛa haalɛ lɛlɛ-lɛlɛ, ka kanna nɛ, yǎa duduu. A n miɛ̃.