Sofonii 1:11 - LAWA A BOO SONBORE 2011

¹¹ Ka n lɛ dɛ, kasɛn mɛnɛn bɛ́ kiwi lɛa tán-a a lɛ̀gɔn la, a giala, pii-kɔle tumaa n die giɛ̃. Min mɛnɛn bɛ́ ǹ wɔrɔ zoɛ̃ bɛn man die giɛ̃.

LAWA A BOO SONBORE

¹¹ Ka n lɛ dɛ, kasɛn mɛnɛn bɛ́ kiwi lɛa tán-a a lɛ̀gɔn la, a giala, pii-kɔle tumaa n die giɛ̃. Min mɛnɛn bɛ́ ǹ wɔrɔ zoɛ̃ bɛn man die giɛ̃.

Sofonii 1:11 Iomraidhean Croise

Zɔbu 27:16

Ta a na á wɔrɔ sɔkɔn á mɔnaa ka nyɔɔsɔ̃ bɛ́ lɔn, ta a na á mɔnaa kaa kun gigiã lɔn,

Zɔbu 27:17

a mɔnaa lɛ á kaa kun, min pepere n die we. Wɔrɔ ke, zɛ̀rɛbaãnaa wɔ nɛ.

Zeremii 25:34

Kasɛn kɛn maa zaman-lɛduə̃lin lɛa, ka n lɛ dɛ, ka n duduwə. Ka n birikəə̃ tán, kasɛn mɛnɛn bɛ́ maa tɔɔn lɛduĩ. Hiĩ ka dɔn gɛ̀ wɔ na á dɔ. Ka n die mɛnɛɛ, ka yɔyɔrɛ ka tasa giɔ̀mɔ kaka bɛ́ lɔn.

Zeremii 4:8

Ka gɛ̀ koa ǹ mɔnaan wɔ, ka wuu pɛ, ka gini. Haayii! Dɛnaa Lawa a foo-yoo baraa lɛ nə n bɔ wɔ kio wa.

Ezekieli 21:12

Bɛ̀ ǹ nə́ nɔ̀n da n la mà wàa na á baa n tá gini, a pɛ ǹ nɛ, mà n boo mɛn ma, mà bɛ lɛ a lɛa nɛ. Min tumaa foo á re biɛ niɛ̃, min tumaa pàã á re nyɛɛ, min tumaa gɔ́ɔ̃ á re n lɔlɛkɔn, min tumaa gù á re giɛ̃. Á ke, bɛa sii lɛ á die, á dɔ á nya dinin. Ma din Dɛnaa Lawa a da ǹ boo ne.

Ozee 9:6

Á ke, ǹ gána lɛ bɛ́ á ziziɛ̃, ǹ dinin nə́ baa si. Maǹ die woe n lɛ soekɔn Ezipti, Ǹ bĩ ǹ bǎã á re goɛ̃ Mɛmifisi. Ǹ gɔn màn giɔ̀mɔ kakan kɛn wɔrɔ lɛa koronkoron tá re bɛn sii a n kɔ lɛ. Nyan babaraan tá re ǹ kionən kɛn sii, ǹ nə n kɔ ǹ lɛ.

Zowɛli 1:13

Lawa a wúlu-bɔlen lɛn, ka gɛ̀ koa ǹ mɔnaan wɔ, ka wuu pɛ. Kasɛn mɛnɛn bɛ́ *wúlu bɔ ǹ bǎã kɛa dí nyɛɛ, ka n lɛ dɛ. Kasɛn mɛnɛn bɛ́ dí nyɛɛ maa Lawa nɛ, ka n yɔrɔ kɔsɛ, ka lɛ̀ waa nɛ. A giala, minin ba die ka belee laanka duvɛ̃ nɛ Lawa gɔ ǹ wɔ lɛa, Lawa a kion doo wa.

Zowɛli 1:5

Yɔ-mili babaraan lɛn, ka yoo ka n lɛ da wuu ni. Duvɛ̃-milin lɛn, ka tumaa nə n lɛ dɛ koe! A giala, ǹ nə́ duvɛ̃ dii kɛ nafɔ̃ ǹ nə́ bɔ ka lɛ-a.

Sofonii 2:5

Kasɛn mɛnɛn bɛ́ boe tà lɛ-a gánan nɛ, Kerɛti minin lɛa bɔ̀n nə kaa wɔ lɛa. Kiri mɛn bɛ́ Dɛnaa Lawa n die we ka ganaa, bɛ á ke: «Kanaan, Filisiti minin gána, man die n bɔ̀n biɛ, ma n minin si n la lenlen.

Zakarii 14:21

Donkolonon mɛnɛn bɛ́ Zeruzalɛmu ka Zudaa gána nɛ, bɛn tumaa n die goɛ̃ Dɛnaa Lawa Pàãyiidɛnaa wɔ lɛa. Min mɛnɛn bɛ́ re die wúlu boe, bɛn tá re ǹ siĩ kɔrɛɛ ǹ nɛ. Bɛa pinaa lɛ nɛ, pii-kɔle goon din ba re yii Dɛnaa Lawa Pàãyiidɛnaa a kion wa.

Zaã a sɛ́wɔ 2:16

Á tɔ́n pɛ zɛrɛkantoan-sãlin lɛn nɛ: «Ka kɛ tumaa goa ka bɔ kànaa, ka nyan toa ka masɛ Di a kion kɛ baa pii kɔ ǹ kion lɛa wa!»

Zaaki 5:1

Ka pàãman lɛn, bɔ̀n gigiã mɛn bɛ́ re ka yii, ka dɔ ka dinin ganaa ka wuu pɛ kɔsɛkɔsɛ!