Samayeli2 13:3 - LAWA A BOO SONBORE 2011

³ Amnɔn a giaára goon goã a tɔ n Zonaadaabu. Davida n gologiĩ Simeya a nɛgiĩ ni. Zonaadaabu na á goã min lɛa, a yiri n wooro parsiini.

LAWA A BOO SONBORE

³ Amnɔn a giaára goon goã a tɔ n Zonaadaabu. Davida n gologiĩ Simeya a nɛgiĩ ni. Zonaadaabu na á goã min lɛa, a yiri n wooro parsiini.

Samayeli2 13:3 Iomraidhean Croise

Siin Giala 3:1

Dɛnaa Lawa don mànan mɛnɛn tumaa zɛnaa, miɛ̃ yiri goã wooro, á la ǹ tumaa nɛ. Á nɔ̀n da lɔ la kɛnɛn: «Lawa pɛ ka nɛ sonbore, mà ka baran dù gɔrɔ lɛ a da nɛ kɔ́n bii wa?»

Siin Giala 38:1

Bɛa waáraa lɛ nɛ, Zudaa yoo á n bɔ ǹ dinɛn lɛn li, á woo giĩ goon li Adulaamu kiwi, a tɔ n Iraa.

Siin Giala 38:20

Bɛ kio, Zudaa ná a giaára Adulaamun giĩ lɛ dia, mà a wo lɛ koa ǹ mànan lɛn si lɔ lɛ la, a da ǹ nɛ. A bɛ́ a yɛ wa,

Samayeli2 13:2

Tamaara sii na á Amnɔn kũ, yǎa á busu baa a ganaa. A giala, bɛa biikoo li, bɛ̀ Tamaara tɔn giĩ dɔ̃ wa. Bɛ lɛ nɛ, Amnɔn yɛ dɔn mà á kaka, asɛ boo la a sii kɔn zɛnaa nɛ.

Samayeli2 13:32

Davida ǹ golo Simeya a nɛgiĩ Zonaadaabu tɔ́n boo saa á pɛ: «Dɛnaagiĩ ganaa, n nyan taasɛ, mà maǹ nə́ n nɛgiĩ tɔntɔraan lɛn tumaa dɛ wa. Haayii, Amnɔn dinsɔɔ̃ na á gã. A kɔnpɛ ka Abusalɔn din a da ǹ boo ne, ǹ miãnɛn lɛ a ziziɛ̃ biikoo li, a na á goã, mà yǎa asɛ sii kɛ lɛ zɛnɛɛ.

Samayeli2 13:4

Bɛ́ tɔ́n nɔ̀n da Amnɔn la: «Wàa na á baa, n din kii a nɛ n pɛrɛ kɛnɛn, lɛawaa woo lɛawaa li? N ba a mìi pii masɛ-n wa?» Amnɔn tɔ́n pɛ nɛ: «Ma dɔɔ̃ngiĩ Abusalɔn ǹ miãnɛn Tamaara sii n ma ganaa. Ma yii na á bɔ li.»

Samayeli2 14:2

Á tɔ́n minin dia woe giɛ Tekoa kiwi a lɔ sii-dɔ̃li kɛ li. Lɔ lɛ bɛ́ á daa, á pɛ nɛ: «Bǐɛ̃ kɔ, n nə n din baa ká gɛ̀ na á gã n la, n gɛ̀ koa ǹ mɔnaan wɔ. N baran nyɔɔ giĩ kɔɔ̃n lɔ n din ganaa wa. N din baa ka lɔ mɛn nə́ ke min a gɛ̀ wuu pii haalɛ bibi.

Samayeli2 21:21

Bɛa giĩ lɛ yoo á da Izirayeli minin lɛn ganaa. Davida ǹ gologiĩ Simeya a nɛgiĩ Zonaatan bɛ dɛ.

KZS1 2:13

Zesee a nɛgiĩ n sɔbaa á yɛ. Ǹ koa kɔn la lɔn ǹ nə́ yɛ bɛ á ke: Eliabu na a gɔn binaa lɛa. Bɛ kio n ka Abinaadaabu ni, Sama nɛ,

KZS1 27:32

Davida ǹ dikoɛ Yonatan nə min yiridɛnaa lɛa, sɛ́wɔ-kiɛ̃-li ni. A n kii a yirikɔmala wole lɛa. Yeyiieli n Akimonii min lɛa, kii a nɛnyaanan doroo na a din gɔn.

Ɛsit 5:10

Sɛnɛ Haman kirə́ə a foo la á woo piɛ. Bɛ kio, á minin dia woe giɛ a giaáran li, ka a lɔ Zerɛsi ni.

Ɛsit 5:14

Haman a lɔ Zerɛsi lɛ laanka a giaáran lɛn tumaa pɛ nɛ: «Ǹ die ǹ gɔn yɔrɔ bɔ ǹ da bii-a, a wo lon nə goã mɛtərə fuəwensooro. Biɛ̃ baayɛlɛ, n pɛ kii lɛ nɛ, mà ǹ die ǹ Mardoose bɔlɔ yu bɛa gɔn lɛ ganaa lon. Bɛ kio, n wo zɔ́n màn bii ǹ bǎã lɛ nɛ kun ka kii lɛ nɛ, n foo n kɔɔ̃nɛ.» Sii lɛ kɔɔ̃n kɔ Haman ganaa, á tɔ́n nə ǹ kaa gɔn lɛ a yɔrɔ bɔ ganaa.

Ɛsit 6:13

Sii mɛn nə Haman yɛ, a ná a tumaa laakalaa a lɔ Zerɛsi laanka a din a giaáran manɛ. Min mɛnɛn bɛ́ yiri koe la, bɛn laanka a lɔ pɛ-n kɛnɛn: «Ǹ nə n puusə kɔ Mardoose mɛn lɛ yɔrɔ-a a din a Zuifu tɔrɔ baa kɛ taman yii ni. Bɛ lɛ taman yii, n tá re goɛ̃ màn kooro lɛa yǎa duduu a yɔrɔ-a. Ma n die goɛ̃ n toe tán a giulun kɛnɛn miɛ̃, bɛa sàabiɛ wa.»

Suusun 19:6

Min dadaran laakalaalin man gigiã. Min tumaa n bǐɛ̃-baali a giaára lɛa.

Zeremii 4:22

Dɛnaa Lawa pɛ: Maa zaman lɛ a sii doɛ̃ wa, a ba ma doɛ̃ wa. Maǹ nɛnyaanan lɛa, ǹ ba n taasɛ wa, ǹ ba sii kɔn giala miɛ wa. Ǹ tá kɔn doɛ̃ ka sii baraa zɛnaa nɛ, sɛnɛ, ǹ ba kɔn doɛ̃ ka bǐɛ̃-n wa.

Korɛnti1 3:19

A giala, kanaa kɛ a sii-doɛ̃ n gàãnaabaa lɛa Lawa yii li. Taãn nɛ, ka a n pɛ Lawa a sɛ́wɔ-n lɔn, «Sii-dɔ̃lin sii-zɛnaan bɛ́ kan mɛn koe, Lawa n die ǹ kuĩ ka bɛa kan lɛ-n gɔrɔ.»

Zaaki 3:15

Bɛa sii-doɛ̃ kɛ tɔrɔ bie boe lon a Lawa li wa: kanaa minbuiinin dinin sii-doɛ̃ n ka bɛ nɛ, *Sɛtaan nə́ koe ǹ la.

Sii yɔrɔ-bɔlen 14:20

Ǹ ná a lɔ lɛ kɔ a tá-kun wole goon la, ǹ mɛn lɛ bɛ́ á ná a siére baa kɔn-wɔ lɛ gɔ́ɔ̃ nɛ.

Samayeli1 16:11

Bɛ kio, Samayeli pɛ Zesee-n kɛnɛn: «N nɛgiĩn lɛn tumaa n ke ya?» Zesee ná a lɛ si: «Nɛgiĩn lɛn kiɛɛrɛdɛnaa tá tɔn kio, a na á woo tɔɔn lɛduə̃.» Samayeli pɛ Zesee ne: «Ǹ dia ǹ wo ga li. Bɛ̀ a bie a daa wa, wɔ a re màn bii a kio wa.»

Samayeli1 16:9

Zesee daa ka Saamaa nɛ Samayeli yɔrɔ-a, sɛnɛ Samayeli pɛ: «Kɛ dɔ bie wa, Dɛnaa Lawa bɔ wa.»