Samayeli2 1:2 - LAWA A BOO SONBORE 2011

² A lɛawaa sɔɔbaa ǹ wɔ pinaa, bɛ̀ giĩ goon nə́ ke boe Sayulu li, ziabaa ǹ bǎã nɛ die. A mɔnaan tumaa na á goã pɔpɔsiɛ nɛ, a mìi yii n tii lɛa. A bɛ́ á daa á dɔ Davida li, á na á kaa tán, á n mìi zuməə tán.

LAWA A BOO SONBORE

² A lɛawaa sɔɔbaa ǹ wɔ pinaa, bɛ̀ giĩ goon nə́ ke boe Sayulu li, ziabaa ǹ bǎã nɛ die. A mɔnaan tumaa na á goã pɔpɔsiɛ nɛ, a mìi yii n tii lɛa. A bɛ́ á daa á dɔ Davida li, á na á kaa tán, á n mìi zuməə tán.

Samayeli2 1:2 Iomraidhean Croise

Siin Giala 22:4

A lɛawaa sɔɔbaa ǹ wɔ pinaa, Abrahamu nə́ n yii saa lon, á bǎã lɛ yɛ sɔsɔɔ.

Siin Giala 37:29

Urubɛn bɛ́ á n bɔyaa, á daa nyankɔrɔ lɛ lɛ-a, a Zozɛfu yɛ a gɔ́ɔ̃-n doo wa. A foo busiimaa, a ná a din a mɔnaan kũ á ǹ toɛ̃.

Siin Giala 37:34

Zakɔba ná a din a wɔ ǹ mɔnaa kũ á toɛ̃, á gɛ̀ koa ǹ mànan wɔ a din ganaa, a ná a nɛgiĩ lɛ a gɛ̀ wuu pɛ, lɛawaa damata gɔ́ɔ̃ nɛ.

Siin Giala 43:28

Ǹ ná a lɛ si kɛnɛn: «N Bɛ̀rɛgiĩ, wɔ di lɛ á kaka. Á tɔn a tan.» Ǹ nə́ n kuməə, ǹ nə́ kaa tán a giulun.

Samayeli2 1:3

Davida tɔ́n nɔ̀n da la: «Ma n boe maa?» Giĩ lɛ ná a lɛ si: «Man má baa si Izirayeli minin ziabaa ǹ bǎã nɛ.»

Samayeli2 13:19

Tamaara ton goa á kaa a din mìi ni, á ná a mɔnaa sɛsia lɛ kũ á toɛ̃, á n gɔnɔn kaa a mìi ni, á woo bɛ̀ a tá n lɛ dii ka gɛ̀ na á gã la.

Samayeli2 14:4

Tekoan lɔ lɛ woo dɔ kii li. Á na á kaa tán a giulun a guguru kɔ ǹ sii lɛa. Á pɛ kii ni: «Kii ganaa, n dɔ ma lɛ.»

Samayeli2 15:32

Davida dɔ kele lɛ mìi ni, ǹ bɛ́ kiɛ tán Lawa yɔrɔ-a bǎã mɛn nɛ, bɛ̀ ǹ na a guguru kɔ. A bɛ́ doe walan, bɛ̀ Arkaan giĩ Usayii á ke die a li, a mɔnaa n tɔtoɛ̃nɛ, a mìi tumaa n tii lɛa.

Samayeli2 24:20

Arabunaa nə́ n yii saa á ga, á kii laanka a dí-nyalin yɛ die a li. Arabunaa soo á kaa tán kii giulun, á n mìi zuməə tán.

Samayeli2 4:10

Min mɛn da pɛ ma nɛ mà Sayulu gã, a dɔ na á goã n din biɛ boo taãn-pɛle lɛa. Sɛnɛ, má kũ má dɛ Siklagi kiwi, a boo taãn pɛ lɛ a saraa lɛa.

Ɛsit 4:16

«Zuifun mɛnɛn tumaa bɛ́ Suuzu kiwi, wo ǹ tumaa sɔkɔn, ǹ nə n lɛ sɔɔ masɛ a lɛa. Ǹ lɛawaa sɔɔ zɛnaa, ǹ nə́ ǹ ba màn bii wa, ǹ nə́ ǹ ba màn mii wa, penleen laanka tèlò ne. Masɛ dɔ á die bɛ miã lɛ-sɔɔ lɛ we kun ka maa nɛlɔ dí-nyalin ni. Bɛ kio, a laanɛ pàã lɛ kɔ-a wa, masɛ n die woe kii lɛ li, ta man die goɛ̃ a nɛ, man goɛ̃ a nɛ.»

Ɛsit 5:1

A lɛawaa sɔɔbaa ǹ wɔ pinaa, sii mɛn nə n zɛnaa, bɛ á ke: Ɛsitɛɛrɛ ná a kii lɔ mɔnaan wɔ, á woo golee kii a sumu gɔ́ɔ̃ nɛ, kii a kion yɔrɔ-a. Bɛ á zɛnɛɛ, bɛ̀ kii lɛ á giã-n tán a kii dankan nɛ, wɔ ǹ kiɛnlɛ kɛ yɔrɔ-a pepere.

Loen 66:3

Ka pɛ Lawa nɛ: N nya ǹ dín lɛn man kaãbaa diɛ parsiini. N pàã gole kɛ yɔrɔ-a, n zɔ́ɔn man wusii, ǹ nə n gùrù naa n nɛ.

Ezekieli 27:30

Maǹ nə n lɛ dii ka n din tɔ nɛ, maǹ nə n lɛ dii kɔsɛkɔsɛ. Maǹ tii goɛ kiɛ ǹ dinin mìi ni, maǹ nə n birikəĩ tán ton li.

Ozee 6:2

Kànaa ka lɛawaa paa, á re yiikoonaabaa koe wɔ la. A sɔɔbaa ǹ wɔ li, á re wɔ goɛ a wɔ kaa lon. Wɔ yii á die goɛ̃ koo a din yɔrɔ-a.

Zowɛli 2:13

Ka n gɔ́ɔ̃ binyəə, bɛ á soɛ ka lala diɛ nɛ.» Ka wusoo ka da Dɛnaa Lawa li, kaa Lawa lɛ. Bǐɛ̃ gigiã na a din li, a din nə makara doɛ̃ wole lɛa, a foo a yui fufuu wa. A minin narɛɛ á gole, á boe la a dɔlɔ toa min ni.

Matiə 12:40

Zonaasi bɛ́ á lɛawaa sɔɔ laanka tèlò sɔɔ zɛnaa zɔ̀ gole gɔ́ɔ̃-n lɔn, Min a Nɛgiĩ dɔ n die lɛawaa sɔɔ laanka tèlò sɔɔ zɛnɛɛ yala-n miɛ̃.

Matiə 16:21

A saa bɛa biikoo lɛ ganaa, Yezu ná a giala kɔ á nyaa a kialandɛnan manɛ ka a fubaa nɛ, á pɛ: «Masɛ doamaa nɛ ma wo Zeruzalɛmu, ma nɔmaa Zuifun sii yɔrɔ-bɔlen gɔn parsiini: ǹ goledɛnan nɛ, ǹ Lawa a wúlu-bɔlen goledɛnan nɛ ka ǹ landa sii-daraalin ni. Ǹ tá re ma dii, maa gɛ̀ lɛawaa sɔɔ, ma yii á die kiɛ.»

Zozoe 7:6

Bɛ gɔ́ɔ̃ nɛ, Zozoe ná a mɔnaan kũ á ǹ tɔtoɛ̃. Foo-ziziɛ̃ gɔn, a din laanka Izirayeli a min golen lɛn nə́ tii goa bɛ̀ ǹ kaa ǹ mìi ni. Ǹ nə́ na ǹ nə́ kaa tán ǹ yɔrɔ la Dɛnaa Lawa a goo lɛ yɔrɔ-a yǎa wasa woo mɛ.

Sii-nyaan 3:9

Min mɛnɛn bɛ́ n dinin biɛ Zuifun lɛa, ǹ nə́ ǹ ba a lɛa dɔn wa, maǹ soɛ boe, maǹ *Sɛtaan a lɛ-kaakun minin lɛa, ma á re ǹ kuĩ ka pàã nɛ, ǹ da kaa tán ka giulun. Ǹ tá re doɛ̃ ka bɛ nɛ, mà ma á ka narɛ.

Samayeli1 20:41

Nɛginin lɛ woo. Davida nə́ n doa á yoo tán kɔlɔ lɛ a gusin a lɛ̀gɔn la, á para á mɛnaa tán a lɛ la, á n musi lɛn doa tán gunyin sɔɔ. Bɛ kio, Davida laanka Zonaatan nə́ n sɔɔ kɔn nɛ, ǹ nə́ wuu pɛ, Davida sɛ wɔ goã á là da.

Samayeli1 25:23

Abigayili bɛ́ á Davida yɛ, á n nanaa, á gisĩ dundun lɛ la. Á bɔ, á mɛ a lɛ la tán Davida yɔrɔ-a, á n musin doa tán.

Samayeli1 4:12

Giĩ goon ne, Bɛnzamɛn tɔrɔ nɛ, á n toa zia bǎã lɛ nɛ ka baa nɛ á daa dɔ Siiloo a din pinaa. Foo ziziɛ̃ taman yii, a mɔnaan man nə́ goã tɔtoɛ̃ nɛ, a mìi yii n tii lɛa.

Samayeli1 4:16

Giĩ lɛ pɛ Elii ni: «Ma din ni boe zia bǎã lɛ nɛ. Man má n gòã da baa nɛ zia bǎã lɛ nɛ pelo dinin.» Elii nɔ̀n da la: «Maa nɛ ganaa, a na á n baa lɔn?»