Samayeli1 1:11 - LAWA A BOO SONBORE 2011

¹¹ Á n lɛ kɔ, á pɛ: «Dɛnaa Lawa Pàãyiidɛnaa, masɛ nə n bɛ̀rɛlɔ lɛa. Bɛ̀ ń lɛ kɔ, ń masɛ a nɔmaa kɛ dɔ̃ ma la, ń nə n yiri kɔ masɛ li, bɛ̀ n yiri bɔ ka ma-n wa, yǎa n nɛgiĩ kɔ ma la, masɛ n die bɛa nɛgiĩ kɛ lɛ koe Dɛnaa Lawa la duduu yǎa a n boe a wasa nɛ. Kùn ba re n diɛ a mii-n wa.»

LAWA A BOO SONBORE

¹¹ Á n lɛ kɔ, á pɛ: «Dɛnaa Lawa Pàãyiidɛnaa, masɛ nə n bɛ̀rɛlɔ lɛa. Bɛ̀ ń lɛ kɔ, ń masɛ a nɔmaa kɛ dɔ̃ ma la, ń nə n yiri kɔ masɛ li, bɛ̀ n yiri bɔ ka ma-n wa, yǎa n nɛgiĩ kɔ ma la, masɛ n die bɛa nɛgiĩ kɛ lɛ koe Dɛnaa Lawa la duduu yǎa a n boe a wasa nɛ. Kùn ba re n diɛ a mii-n wa.»

Samayeli1 1:11 Iomraidhean Croise

Siin Giala 28:20

Bɛ kio, Zakɔba nə́ n lɛ koa Lawa li á pɛ: «Bɛ̀ Lawa tá kun ka masɛ nɛ, ma bɛ́ zii tɔ mɛn we, bɛ̀ á ma tamaa bɛ gɔ́ɔ̃ nɛ, bɛ̀ á màn-bii kɔ ma la ka wɔ ǹ mɔnaa nɛ,

Siin Giala 29:32

Leyaa nɔ̀ si, á nɛgiĩ yɛ, a ná a tɔ kɔ Urubɛn (bɛ giala mà "Ga min a sii Walan"). A giala, a na á pɛ: «Dɛnaa ga maa nɔmaa ganaa, ma zuũ lɛ á die ma narɛ kanna.»

Siin Giala 30:22

Lawa nə́ n yiri koa Raseli dɔ li, a ná a nyankɔ lɛ si, á gɛrɛsiɛ kɔ la.

Siin Giala 8:1

Lawa nə́ n yiri koa Nowee li. Don mànan laanka piɛ mànan mɛnɛn dɔn nə goã kun ni goo lɛ nɛ, á n yiri koa ǹ dɔn li. Bɛ lɛ nɛ, á piɛ̃ bɔ, mu lɛ ná a giala kɔ á gisĩ.

Samayeli2 16:12

Kɔntan, Dɛnaa Lawa á re giɛ maa nɔmaa kɛ ganaa, a wusoo a yii-nyɛɛ kɔ ma la, Simeyii a lɛn babaraa bíi kɛ lɛ bǎã nɛ.»

Loen 25:18

Ga maa fuu laanka maa nɔmaa kɛ ganaa, n maa sii baraan tumaa toa ma nɛ.

Bɔ bɛ̀rɛbaa nɛ 4:31

Zaman lɛ golee ǹ li. Ǹ ná a giala ma, mà Dɛnaa na á Izirayeli nɛnyaanan lɛn nɔmaa ǹ gɔn lɛ yɛ, mà a na á daa, á n die ǹ sii sii la. Ǹ nə́ kaa tán, ǹ nə́ Lawa guguru kɔ.

Suusun 31:2

N too kɔ maa nɛ, nsɛ mɛn bɛ́ má n yɛ má n da kanaa, nsɛ mɛn bɛ́ ma goã n yii diɛ n la.

Boo-laakalaali 5:4

Màn mɛn tá a ganaa, n lɛ-kɔ wɔ, ń nə́ n ba re a lɛ piɛ̃ wa, á soɛ n ganaa, n baran lɛ-kɔ wɔ wa.

Lawa a wúlu-bɔlen 27:2

Boo da ka Izirayeli minin lɛn nɛ, n pɛ ǹ nɛ: Bɛ̀ min mɛn nə́ n lɛ kɔ Dɛnaa Lawa la, mà asɛ á die min koe la, ǹ dɛnaa á boe la a wɔrɔ bɔ a bɛa min lɛ mìi si ni, a na a lɛ-kɔ lɛ a sii lɛ pã.

Minin nimi 21:2

Bɛ kio, Izirayeli minin lɛn nə́ n lɛ kɔ Dɛnaa Lawa la ǹ nə́ pɛ: «Bɛ̀ ń lɛ kɔ ń tɔrɔ kɛa minin wɔ wɔsɛn gɔn, wɔsɛn manə ǹ kiwin tumaa bɔ̀n biɛ lenlen.»

Minin nimi 6:11

Lawa a wúlu-bɔle lɛ n die goon biɛ sii baraa sawaa ǹ *wúlu màn lɛa, a goon kɛ baa wúlu màn tiɛ̃ lɛa. Din-kɔ Lawa la wole lɛ sã mɛn wɔ gere lɛ taman yii, Lawa a wúlu-bɔle lɛ bɛa sawaa ǹ sii zɛnaa. A din pinaa lɛ nɛ, din-kɔ Lawa la wole lɛ gɔ̀ bɔ a mìi ganaa.

Minin nimi 6:5

Din-kɔ biikoo lɛ tumaa gɔ́ɔ̃ nɛ, kùn ba re n diɛ a mìi-n wa, yǎa a din-kɔ Dɛnaa Lawa la biikoo lɛ lɛ piɛ̃. A doamaa nɛ a goã *yoreene Lawa a paǹ li, a mìi ka pã suuni.

Minin nimi 6:8

A din-kɔ biikoo lɛ tumaa gɔ́ɔ̃ nɛ, a n Lawa wɔ lɛa.

Sii yɔrɔ-bɔlen 11:30

Zɛftee nə́ n lɛ kɔ Dɛnaa Lawa la á pɛ: «Bɛ̀ ń Amɔn tɔrɔn kɛn wɔ ma gɔn sonbore,

Sii yɔrɔ-bɔlen 13:5

A giala, n tá re nɔ̀ sii, n nɛgiĩ yɛ. Kùn ba re n diɛ nɛ lɛ mìi-n wa, a giala, a toa ǹ dan gɔ́ɔ̃-n gɔrɔ, bɛa nɛginin kɛ lɛ n die goɛ̃ Lawa wɔ lɛa. A din lɛ n die a giala koe, a Izirayeli minin lɛn si Filisiti minin lɛn la.»

Samayeli1 1:10

A Anɛɛ toa a yɔrɔ-kɔsiɛ gole gɔ́ɔ̃ nɛ, á Dɛnaa Lawa nyankɔ ka yii mu gole ne.

Samayeli1 1:12

Anɛɛ Lawa nyankɔ á belebɔ nɛ Dɛnaa Lawa yɔrɔ-a. Bɛa biikoo li, Elii goã giɛ a lɛ ganaa.

Samayeli1 1:19

Ɛlkaanaa laanka a kion minin nə́ yoo baayɛlɛ yiisoone, ǹ nə́ Lawa guguru kɔ, bɛ kio, ǹ nə́ n bɔyaa ǹ nə́ woo ǹ piɛ Ramaa. Ɛlkaana giã kun ka a lɔ Anɛɛ nɛ. Dɛnaa Lawa nə́ n yiri koa Anɛɛ li.

Samayeli1 1:22

Sɛnɛ Anɛɛ wo kunun ǹ ni wa, a giala, a na á goã pii ǹ zuũ lɛ nɛ, mà a toa, bɛ̀ asɛ nɛ lɛ lɛ na nyɔ ganaa, asɛ tɔn wo ne, a kɔ Dɛnaa Lawa la, a goã walan duduu.

Samayeli1 1:27

Man má goã Lawa nyankoe nɛ kɛ lɛ taman yii. Ma màn mɛn nyankɔ Dɛnaa Lawa lon, á bɛ kɔ ma la.

Samayeli1 1:28

Ma dɔ n wusii bɛ siɛ koe Dɛnaa Lawa la. Maa yiikoonaabaa tumaa gɔ́ɔ̃ nɛ, a n die goɛ̃ Dɛnaa Lawa wɔ lɛa.» Bɛa bǎã kɛ lɛ nɛ, ǹ nə́ Dɛnaa Lawa guguru kɔ.

Samayeli1 2:20

Yiili na á goã barka diɛ Ɛlkaanaa laanka a lɔ ganaa bɛ̀ á n pii. «Nɛ mɛn nə́ n kɔ Dɛnaa Lawa la ke, Dɛnaa Lawa die a toa n nɛ kɔsɔn yɛ n lɔ lɛ ganaa bɛ lɛ dòo.» Bɛ kio, ǹ nə́ wusoo ǹ nə́ woo piɛ.