Piɛrɛ2 1:5 - LAWA A BOO SONBORE 2011

⁵ Bɛ lɛ taman yii-n dinin ma á pii ka nɛ, máa ka n wen waa parsiini, ka tɔ wɔ ǹ gɔn sonbore naa kaa golee Lawa li lɛ ganaa, ka doɛ̃ naa tɔ wɔ ǹ gɔn sonbore kɛ dɔ ganaa.

LAWA A BOO SONBORE

⁵ Bɛ lɛ taman yii-n dinin ma á pii ka nɛ, máa ka n wen waa parsiini, ka tɔ wɔ ǹ gɔn sonbore naa kaa golee Lawa li lɛ ganaa, ka doɛ̃ naa tɔ wɔ ǹ gɔn sonbore kɛ dɔ ganaa.

Piɛrɛ2 1:5 Iomraidhean Croise

Loen 119:4

N din a minin doroo ǹ boon kɛn ń kɔ, man giɛ, mà ǹ bɛn tamaa sɔnbɔraanɛ.

Suusun 4:23

Bɛ tumaa a kiɛ̃ kio, boo n foo la a giala yiikoonaabaa a bɔ ǹ bǎã nɛ.

Izayii 55:2

Màn mɛn bɛ́ a min toe wa, a n siɛ lɔn ka á wɔrɔ ziziɛ̃ bɛ ganaa? Màn mɛn bɛ́ a min kiɛ̃ wa, a n siɛ lɔn ka á n dinin nɔmɛɛ bɛ taman yii? Ka n too kɔ ma lon taãnɛ. Ka bɛ nɛ, ka á re màn-bii sonbore yii ka bii, ka màn-bii kɔɔ̃n-kɔɔ̃n bii.

Zakarii 6:15

Min mɛnɛn wɔlɔ bɛ́ sɔsɔɔ, bɛn tá re die n doe Dɛnaa Lawa a kion lɛ a dɔlen lɛ. Ka bɛ-n kəni, ka á re doɛ̃ mà Dɛnaa Lawa Pàãyiidɛnaa na á masɛ Zakarii dia ka li Lawa a boo gii-dali lɛa. Bɛ n die yɔrɔ yii bɛ̀ kaa Dɛnaa Lawa ka Lawa bɔlɔ sii sonbore.

Luku 16:26

Ka bɛ dɔ-n doo, nyankɔrɔ gole tá ka laanka wɔsɛn bii. Bɛa yɔrɔ lɛ la, min mɛnɛn bɛ́ giɛ li ǹ bɔ wɔsɛn li ǹ wo ka li, bɛn baran boo la wa, min dɔ baran boo la a bɔ ka dɔn li a da wɔsɛn li wa.»

Luku 24:21

A na á goã wɔsɛn yiri ni, wɔ́ a din lɛ n die Izirayeli nɛnyaanan bɔ fuu-n wole lɛ biɛ. Sɛnɛ, bɛa siin lɛn zɛnaa a lɛawaa sɔɔbaa ǹ wɔ n ke pelo.

Zaã a sɛ́wɔ 6:27

Màn-bii mɛn bɛ́ ziziɛ̃, ka baran dí nya bɛa lɛa wa, sɛnɛ, màn-bii mɛn bɛ́ beleboe, a n nyin nyabaã koe, ka dí nya bɛa lɛa. Bɛa màn-bii kɛ lɛ, Min a Nɛgiĩ n koe, a giala, Díi Lawa din na á boo sii la ǹ pàã kɔ la.»

Korɛnti1 14:20

Ma dɔɔ̃nɔn lɛn, sii-doɛ̃ wɔ paǹ li, ka baran n dinin baa nɛnyaanan lɛa wa. Ka goã nɛnyaanan lɛa sii bɔnɛɛ wɔ paǹ li, sɛnɛ, sii-doɛ̃ wɔ paǹ li, ka toa ka goã min golen lɛa.

Efɛɛzi minin 5:17

Bɛ lɛ a lɛa, ka baran goã yiri baãnaan lɛa wa. Sɛnɛ, ka n doa, Dɛnaa bɛ́ giɛ li mà ka sii zɛnaa lɔn, ka bɛ giala ma.

Filipi minin 1:9

Ma bɛ́ Lawa nyan mɛn koe ka a lɛa, bɛ á ke: Ma na a nyankoe, máa a kaa kɔn-narɛɛ gole kɔ a wo nyɛɛn miɛ̃, a toa sii-doɛ̃ taãn mɛ li, ka sii giala ma sonbore ne,

Filipi minin 2:12

A bɛ́ miɛ̃, maa giaáran lɛn, ka bɛ́ ká ma lɛ si biikoo tumaa li, bɛ̀ ma bɛ́ kun ka nɛ, a n siĩni kanna dɔn, ka ma lɛ si a la bɛ nɛ, maa tanbaã kɛ gɔ́ɔ̃ nɛ. Ka dí nya, ka n bìn diɛ nyɛ́ɛbaa Lawa-n gɔ́ɔ̃ nɛ, kaa bǐɛ̃-kɔ a lɛa.

Filipi minin 4:8

Bɛ din tumaa kio kəni, ma dɔɔ̃nɔn lɛn, ka n yiri doa sii bǐɛ̃ ganaa, a n tɔ bɔ ǹ sii lɛa: ǹ mɛn bɛ́ taãn lɛa, guguru-kɔ ná a nɛ, a n pepere, *yoreen ne, a n kɔɔ̃nɛ, zín ná a nɛ.

Kolɔɔsi minin 1:9

Bɛ lɛ nɛ, a kũ boo kɛ lɛ a miɛ pinaa ganaa kaa wɔ gɔn la, wɔ ǹ Lawa nyankoe kaa lɛa biikoo tumaa li. Wɔ ǹ Lawa nyankoe wáa a sii-doɛ̃ kɔ ka la parsiini, a yiri kɔɔ̃n kɔ ka la, a din a Yiri Fu barka nɛ, a toa ka a din dùũ siin dɔ̃.

Kolɔɔsi minin 2:3

Minbuiin nɛ bɛ́ boe la, a sii mɛn tumaa dɔ̃ Lawa wɔ gɔn la, Krita din nə́ bɛ tumaa nyɛɛ.

Ebrəə 11:6

A da yaa, bɛ̀ golee Lawa li bie wa, min kɔ́n ba boe la, a kɔɔ̃n kɔ Lawa ganaa wa. Sonbore, bɛ̀ min mɛn tá n mɔrɛ Lawa ganaa, bɛ doamaa nɛ a dɔ̃, mà Lawa lɛ tan, mà a n toɛ a gamali wolen nə yɛ.

Ebrəə 12:15

Ka n yiri kɔ ka dinin li, min kɔ́n baran da ka bɔ Lawa a bǐɛ̃baa kɛ li wa, min kɔ́n baran n baa da kɔɔsɛ lɛa, a bɔ tán a yoo, a minin tumaa lɔlɔkɔn, a ǹ ziziɛ̃ wa.

Ebrəə 6:11

Sɛnɛ, wɔ bɛ́ giɛ màn mɛn li, bɛ ǹ ka kɛ nɛ, wáa ka gogoonmaa nə n doa, ka wo nyɛɛnɛ ka bɛa gù we yii kɛ lɛ nɛ, yǎa giala-nyɔmiɛ ganaa, màn mɛn bɛ́ toɛ, kaa foo-doa ǹ sii lɛ nə n zɛnaa.

Zozoe 7:3

Bɛ kio, ǹ nə́ n bɔyaa, ǹ nə́ daa Zozoe li ǹ nə́ pɛ nɛ: «Mìi ba la zaman lɛ tumaa din woo wa. Min duu paa hinlaa duu sɔɔ kɛ miã á boe Ayii minin lɛn la. Ka baran bɛa nɔmaa kɛ da zaman lɛ tumaa mìi-n walan wa. A giala, Ayii minin lɛn ba tɛ wa.»

Piɛrɛ1 3:7

Kasɛn dɔn, giĩn lɛn, a din yɔrɔ kɛ lɛ la, ka dɔn nə goã kun kaa lɔn nɛ, ka n doɛ̃ mà pàã ba ǹ lon ka kaa wɔ bɛ́ lɔn wa. Ka ǹ guguru kɔ, a giala, ǹ dɔn doamaa nɛ, ǹ Lawa a bǐɛ̃baa ǹ nyin nyabaã kɛ lɛ yɛ kun ka nɛ. Ka zɛnaa miɛ̃, màn mɛn bɛ́ toɛ, màn kɔ́n baran ka sàabaa Lawa-nyankɔ ganaa wa.

Piɛrɛ2 1:10

Bɛ lɛ nɛ, dɔɔ̃nɔn lɛn, Yezu Krita bɛ́ á ka bíi á ka yii gɔgɔɔ̃ ke, ka n doa ka n gù wen yii, ka kaa bíi-wɔ kɛ lɛ laanka kaa yii-gɔgɔɔ̃ kɛ lɛ tamaa. Bɛ̀ ka á bɛ zɛnɛɛ, ka a re mɛnɛɛ duduu wa.

Piɛrɛ2 1:11

Sonbore, wɔa Dɛnaa laanka wɔ Nyin-sili Yezu Krita a kiibaa ǹ bǎã kɛ a kiɛnlɛ á re n buĩ ka nɛ. Kiibaa ǹ bǎã mɛn bɛ́ a nyɛɛ duduu wa, ka á re we bɛ nɛ, a ka kũ doɛ̃ sɔnbɔraanɛ.

Piɛrɛ2 3:14

Bɛ lɛ nɛ, maa giaáran lɛn, ka bɛ́ n yii diɛ ke, ka n doa, màn mɛn bɛ́ toɛ, Dɛnaa lɛ da ka yaa ka bii n kɔɔ̃n kɔ ka a din ni, ka n *yoreen ne, zɛ̀rɛ ná a ba ka ganaa wa.

Piɛrɛ2 3:18

Sɛnɛ, wɔa Dɛnaa laanka wɔ Nyin-sili Yezu *Krita bɛ́ bǐɛ̃ mɛn zɛnɛɛ ka nɛ, ka toa ka wo nyɛɛn bɛ gɔ́ɔ̃ nɛ, ka wo nyɛɛnɛ a dinmaa doɛ̃ dɔ gɔ́ɔ̃ nɛ. Gugurubaa na a din wɔ lɛa kanna yǎa duduu. A n miɛ̃.