Piɛrɛ2 1:21 - LAWA A BOO SONBORE 2011

²¹ A giala, Lawa a boo gii kɛ lɛ kɔ́n bie boe minbuiin nɛ dùũ-n wa. Sɛnɛ, Yiri Fu na á minin nyɛɛnaan bɔ, ǹ nə́ Lawa wɔ gii lɛ da.

LAWA A BOO SONBORE

²¹ A giala, Lawa a boo gii kɛ lɛ kɔ́n bie boe minbuiin nɛ dùũ-n wa. Sɛnɛ, Yiri Fu na á minin nyɛɛnaan bɔ, ǹ nə́ Lawa wɔ gii lɛ da.

Piɛrɛ2 1:21 Iomraidhean Croise

Samayeli2 23:2

Dɛnaa Lawa yiri a boo n ke soe ma lɛ-n, a din a boo kɛ lɛ n ma lɛwɔn la.

Kiin1 13:1

Sɛnɛ, Dɛnaa Lawa boo da ka a boo gii-dali goon ne, á n toa Zudaa gána nɛ á woo Betɛli. A bɛ́ doe Betɛli, bɛ̀ Zeroboamu n da yon giĩ kɔɔ̃n tiɛ̃ *wúlu bɔ ǹ bǎã nɛ.

Kiin1 17:18

Lɔ lɛ pɛ Yilii ni: «Wàa dɔ n wɔ biin ni, Lawa a boo gii-dali? Ma nə ń daa ma li, n tá ma yiri gisĩ ka maa sãn nɛ, n maa nɛ dɛ ń kɔ ma la.»

Kiin1 17:24

Lɔ lɛ pɛ Yilii ni: «Sonbore, ma á doɛ̃ kanna, máa man Lawa a min lɛa, a giala n bɛ boo mɛn diɛ Lawa a boo gii lɛa, sonbore ne.»

Kiin2 4:22

Lɔ lɛ lɛ dia ǹ zuũ la á pɛ nɛ: «Bǐɛ̃ kɔ n dí-nyalin lɛn goon kɔ ma la, ka dundun daanan lɛn goon ne. Man baa sii woe Lawa a min lɛ li, ma á n bɔyɛɛ.»

Kiin2 4:7

Lɔ lɛ woo a boo da Lawa a min lɛ nɛ. Lawa a min lɛ tɔ́n pɛ: «Wo bɛa nyɔɔ lɛ sã, n na a giɔ̀mɔ lɛ saraa nɛ. Màn mɛn bɛ́ re goɛ̃ n gɔn, n die n la bɛ ganaa, n din laanka n nɛnyaanan nɛ.»

Kiin2 4:9

Lɔ lɛ pɛ ǹ zuũ ni: «Ma á doɛ̃, máa giĩ kɛ lɛ goɛ̃ bɛ̀ a da wɔ li, Lawa a min sonbore ne.

Kiin2 6:10

Bɛ̀ Lawa a min lɛ bǎã lɛ wɔlɔ nyaa miɛ̃, Izirayeli gána a kii lɛ dɔ n minin diɛ bɛa bǎã lɛ nɛ. Yiliizee na á goã gòon yiɛ kii lɛ-a, kii lɛ dɔ tɔn yiri bɔ a din li. Bɛ miã mɛn nə n zɛnaa, a goɛ̃ gunyin goon wa, a goɛ̃ paa dɔn dinin wa.

Kiin2 6:15

Lawa a min Yiliizee lɛ a dí-nyali yoo baayɛlɛ yiisoone á soo, bɛ̀ sɔraasin nə́ ke ka sùin ni, ka ziabaa ǹ wotoron ne, ǹ nə́ kiwi lɛ lɛnpɛnɛ. Á n toa Yiliizee ganaa: «Dɛnaagiĩ, eebe! Wɔsɛn man die wàa zɛnɛɛ?»

KZS1 23:14

Maǹ nə́ Lawa a min Muizu a nɛnyaanan nimi kun ka Levii tɔrɔn nɛ.

KZS2 8:14

A kɔnpɛ ka ǹ di Davida a gɔn waa ǹ boon ne, Salomɔn Lawa a wúlu-bɔlen kurun kɛn kaa ǹ dí lɛ la. Á *Levii tɔrɔn dɔn koa, maǹ loe lɔ ǹ Dɛnaa Lawa tɔ́ bɔ nɛ baraabaraa, ǹ nə́ n dɔ Lawa a wúlu-bɔlen kɛn lɛ ǹ dí nyɛɛ gɔ́ɔ̃ nɛ. Kiɛnlɛ-lɛduə̃lin kurun kɛn kiɛnlɛ gogoonmaa lɛduĩ, á bɛn dɔn kaa ǹ dí lɛ la. Lawa a min Davida na á bɛa dí-pɛn lɛn kɔ.

Zeremii 23:26

Bɛa Lawa a boo gii-dalin lɛn man soɛ boon diɛ, ǹ nə́ ǹ dinin taasiɛn pii. Bɛ n die beleboe yǎa biĩ kəni?

Ezekieli 1:3

Dɛnaa Lawa boo da ka masɛ Buuzi a nɛ Ezekieli ni, *Baabilonii minin gána nɛ, Kebaara tà lɛ-a. Dɛnaa Lawa a pàã gisĩ masɛ la walan.

Misee 1:1

Dɛnaa Lawa a boo n ka kɛ nɛ, á pɛ Moresɛtin Misee ne. Zudaa tɔrɔn kiin kɛn, Zoatamu ni, Ahaazi ni ka Ezekiasi ni, bɛn gogoonmaa a wasa nɛ, Misee sii-nyaa yɛ Samarii laanka Zeruzalɛmu wɔ paǹ li.

Misee 3:7

Sii-nyalin kɛn wɔ n ka sìi ni, sii yɛ wolen kɛn wɔ n ka sìi ni. Ǹ tá re pìi koe ǹ yɔrɔ lɛ, mà ǹsɛn manə ǹ sìi duri ni. A giala, Lawa a re ǹ lɛ sii doo wa.»

Minin nimi 16:28

Muizu tɔ́n pɛ: «Ka tá re doɛ̃ kɛ li kəni, mà Dɛnaa Lawa na a masɛ dia bɛa siin kɛn lɛn tumaa zɛnɛɛ, masɛ bie ǹ zɛnɛɛ ma din li wa.

Marki 12:36

A giala, Davida dinmaa na á pɛ ka Lawa a Yiri Fu barka-n kɛnɛn: Dɛnaa Lawa pɛ maa Dɛnaa nɛ: «Giã ma gusin, yǎa ma gɔ̀lɔ̀baa lɛ piɛ̃ koe n la, n zɔ́ɔn nə die kiɛ tán n gòãn giulun.»

Luku 1:70

A na á bɛ lɛ wɔ a boo gii-dalin sonboren lɛ-n, haalɛ lɛlɛ-lɛlɛ ǹ nə́ da,

Nya ǹ dín 1:16

– Ma dɔɔ̃nɔn lɛn, Lawa a boo saa lɛlɛ á màn mɛn da Zudaasi wɔ gɔn la, a na á n baa pàã lɛa bɛ lɛ pã. Zudaasi mɛn Yezu kũlin nyɛɛnaan bɔ, Yiri Fu na á wɔ Davida lɛ-n, á bɛ lɛ boo da.

Nya ǹ dín 28:25

Ǹ dininmaan boo bɛ́ a goã goon wa, ǹ ná a giala kɔ ǹ tá sasawɛɛ, Pooli tɔ́n boo kɛ da ǹ nɛ: – Yiri Fu boo mɛn wɔ Lawa a boo gii-dali Izayii lɛ-n, mà a pɛ ka digolon manɛ, taãn nɛ:

Nya ǹ dín 3:18

Sɛnɛ, Lawa din na á pɛ, mà asɛ lɛ kɔ ka Minin Nyin-sili mɛn nɛ, mà bɛ á re fuu yii. A boo gii-dalin tumaa saa lɛlɛ ǹ nə́ bɛ pɛ, mà Lawa na á toa ǹsɛn kɛn lɛn ná a lɛ pã ǹ sii zɛnaa.

Timəə dí-pɛn 33:1

Lawa a boo gii-dali Muizu barka mɛn da Izirayeli minin lɛn ganaa á tɔ́n gã, bɛ n ka kɛ nɛ.

Ebrəə 10:15

Yiri Fu dɔ tá bɛa sii kɛ lɛ a siére biɛ wɔ nɛ.

Ebrəə 3:7

Bɛ lɛ na á toa, ka Yiri Fu bɛ́ pii lɔn: «Pelo, bɛ̀ ka Lawa a lɛ-dia ma,

Ebrəə 9:8

Lawa a Yiri Fu n nyɛɛ bɛa yɔrɔ kɛ la, mà bɛ̀ bɛa Mɔnaa Kion bibinaa kɛ lɛ tan, mà Bǎã Sonbore Sonbore kɛ a zii na a tɔn nə n bũ min tumaa-n wa.

Zozoe 14:6

Bɛa biikoo li, Zudaa tɔrɔ minin kɔnɔn nə́ daa dɔ Zozoe li Gilgaali. Kenizi tɔrɔ Zefunee a nɛgiĩ Kalɛbu tɔ́n pɛ nɛ: Dɛnaa Lawa boo mɛn da a boo gii-dali Muizu ni masɛ laanka n din Zozoe wɔ paǹ li Kadɛsi-Barneya kiwi, táa n yiri tá a nɛ?

Piɛrɛ1 1:11

Krita Yiri mɛn goã Lawa a boo gii-dalin lɛn li, bɛ na á saa lɛlɛ á nyaa ǹ nɛ, mà Krita lɛ á re fuu yii, mà bɛa fuun lɛn kio, mà á re wusii a gugurubaa yɛ. Lawa a boo gii-dalin lɛn man nə́ goã giɛ li ǹ dɔ̃, Krita Yiri bɛ́ á boon mɛnɛn nyaa ǹ nɛ, mà bɛn man die n zɛnɛɛ wàa biikoo laanka wàa siin li.

Sii-nyaan 19:10

Má kaa tán lon a dia dí-a wole lɛ giulun, máa ma na a guguru koe. Sɛnɛ, á pɛ ma nɛ: «N nyan toa n bɛ zɛnaa wa! Lawa din sɔɔ̃ guguru kɔ. Masɛ dɔ n Lawa a dí-nyali lɛa ka n dɔ bɛ́ lɔn, ka n dɔɔ̃nɔn mɛnɛn bɛ́ Yezu boo taãn nyaa ǹ nɛ, a nə́ ǹ gɔn.» Yezu boo taãn mɛn nyaa, a din ni Yiri Fu nyaa Lawa a boo gii-dalin dɔn manɛ.