Piɛrɛ2 1:13 - LAWA A BOO SONBORE 2011

¹³ Sɛnɛ, má yɛ máa á pepere, a ma toa maa tá kanaa kɛ gɔ́ɔ̃ nɛ, ma boo da ka nɛ, ma ka yiri gisĩ bɛa siin kɛn lɛn nɛ, màn mɛn bɛ́ toɛ, ka n yii dɔraa.

LAWA A BOO SONBORE

¹³ Sɛnɛ, má yɛ máa á pepere, a ma toa maa tá kanaa kɛ gɔ́ɔ̃ nɛ, ma boo da ka nɛ, ma ka yiri gisĩ bɛa siin kɛn lɛn nɛ, màn mɛn bɛ́ toɛ, ka n yii dɔraa.

Piɛrɛ2 1:13 Iomraidhean Croise

Izayii 38:12

Maa yiikoonaabaa nə́ n si ma la, a wɔlɔ lui ma ganaa ká tɔɔ-lɛduə̃lin zìã bɛ́ lɔn. Ká kɔ̀rɔ-tãli bɛ́ doe a mɔnaa wusu munii lɛ dan ganaa lɔn, má dɔ maa nyin sasabaa lɛ dan ganaa, a gɛ̀sɛn nə́ nana. Kànaa ka boɛɛn, Dɛnaa Lawa, bɛ̀ ń nya kɔn ka ma nɛ.

Azee 1:14

Lawa tɔn wɔ Zudaan gánaadɛnaa Zorobabeli Salatieli a nɛ ka Zozoe Lawa a kion wúlu-bɔlen goledɛnaa Zozadaaki a nɛgiĩ yiri ni ka zaman gialakun kɛ nɛ, mà ǹ da ǹ gòãn doa Dɛnaa Lawa Pàãyiidɛnaa, ǹ Lawa a kion lɛ a dí kɛ ganaa.

Korɛnti2 5:8

Má pã ka foo tãbaa nɛ, bɛ̀ man soe man bɔ gɔ̀nɔn kɛ nɛ, ma wo giã Dɛnaa li, bɛ n kɔɔ̃n ma ganaa.

Filipi minin 1:7

A n siĩni ma taasiɛ wɔ miɛ̃ ka tumaa wɔ paǹ li, a giala, ka sii á kɔɔ̃n ma ganaa. Lawa bǐɛ̃ zɛnaa ma nɛ á dí mɛn kɔ ma la, ka tumaa nə́ n gii wɔ a nɛ. Ma bɛ́ kòso-n, ká n dɔ ma lɛ. Ma bɛ́ re golee ma yɔ mɛn bɔ Boo Tii Kɔɔ̃n kɛ a lɛa, ka nə n gii we bɛ dɔ nɛ.

Filipi minin 3:10

Ma bɛ́ giɛ màn mɛn li, man máa ma Krita dɔ̃. Man giɛ li ma a yii kaa a bɔ geren li ǹ pàã kɛ yɛ, ma gii goã a fuun kɛn nɛ, man baa ka a din bɛ́ lɔn a gɛ̀ gɔ́ɔ̃ nɛ;

Timote2 1:6

Bɛ lɛ na á toa, ma tá n yiri diɛ a nɛ: Lawa na a bǐɛ̃baa ǹ màn mɛn kɔ n la, bɛ̀ ma bɛ́ má n gɔn da n la, toa n nə n yiri koa bɛ li, n dí nya-n parsiini.

Ebrəə 13:3

Ka n yiri kɔ ka kòso nɛn nɛ, ka n pɛ mà ka dɔn man kòso-n kunun ǹ ni. Ka n yiri kɔ nɔmaa-wɔlen kɛn dɔn nɛ, a giala, ka tá ǹ sii giala miɛ.

Piɛrɛ2 1:12

Bɛ lɛ a lɛa-n ma á giɛ li biikoo tumaa li, ma ka yiri gisĩ kɛ nɛ, a laanɛ ka á doɛ̃ gɔrɔ, ka n tɔ dɔ din we sɔnbɔraanɛ ke sonbore la, ka sonbore mɛn si ke lɛn.

Piɛrɛ2 1:14

Masɛ á doɛ̃ máa maa kanaa toa biikoo diri, ka wɔa Dɛnaa Yezu Krita din bɛ́ á nyaa ma-n lɔn.

Piɛrɛ2 3:1

Maa giaáran lɛn, maa sɛ́wɔ lɛ a paabaa ǹ wɔ n ka kɛ nɛ, ma á kiɛ̃ diɛ ka la. Bɛa sɛ́wɔ màn paa lɛ din tumaa gɔ́ɔ̃ nɛ, man má ga li, máa man dɔ ka lɛ, ma ka yiri gisĩ daraan kɛn nɛ ká yɛ, màn mɛn bɛ́ toɛ, ka taasiɛ peperen wɔ.