Piɛrɛ2 1:12 - LAWA A BOO SONBORE 2011

¹² Bɛ lɛ a lɛa-n ma á giɛ li biikoo tumaa li, ma ka yiri gisĩ kɛ nɛ, a laanɛ ka á doɛ̃ gɔrɔ, ka n tɔ dɔ din we sɔnbɔraanɛ ke sonbore la, ka sonbore mɛn si ke lɛn.

LAWA A BOO SONBORE

¹² Bɛ lɛ a lɛa-n ma á giɛ li biikoo tumaa li, ma ka yiri gisĩ kɛ nɛ, a laanɛ ka á doɛ̃ gɔrɔ, ka n tɔ dɔ din we sɔnbɔraanɛ ke sonbore la, ka sonbore mɛn si ke lɛn.

Piɛrɛ2 1:12 Iomraidhean Croise

Nya ǹ dín 16:5

Màn na á goã miɛ Lawa a sɔmɔ minin lɛn golee Lawa li li woe nyɛɛnɛ, bɛ̀ min kɔsɔn dɔn tá miɛ ǹ dinin li baraabaraa.

Filipi minin 3:1

Kanna kəni, ma dɔɔ̃nɔn lɛn, ka n nyɛnyaa Dɛnaa wɔ gɔ́ɔ̃ nɛ. Bɛ̀ ma boo da ka nɛ, má n wusii timii la, a kaka ma ganaa wa, á soɛ kasɛn dɔn wɔ paǹ li.

Kolɔɔsi minin 1:5

Ka foo bɛ́ doa-n màn mɛn ganaa lon, ka n ka bɛa foo-doa lɛ yɛ ka Boo Tii Kɔɔ̃n barka nɛ, ǹ mɛn bɛ́ sonbore boo lɛa. Ka n ka saa lɛlɛ ka bɛ lɛ ma.

Kolɔɔsi minin 2:7

Ka toa ka goã golee-n taãn-taãn a din li, ka kaa sii tumaa zɛnaa, ka doa a din ganaa. Ka toa ka wo nyɛɛnɛ, ka golee a din li taãn-taãnɛ, a kɔnpɛ daraa kɛ nɛ ǹ nə́ kɔ ka la. Ka toa ka bǐɛ̃ dɔ̃ Lawa nɛ parsiini.

Timote1 4:6

N doa n dɔɔ̃nɔn lɛn daraa bɛ tumaa ganaa. Bɛ̀ n zɛnaa miɛ̃, n tá re Yezu *Krita a dí-nyali sonbore biɛ. N bɛ́ n kɔ goleemali boon laanka daraa sonbore mɛn lɛ ka n parsii ni, n din telenboen too ka bɛn lɛn nɛ.

Timote2 1:6

Bɛ lɛ na á toa, ma tá n yiri diɛ a nɛ: Lawa na a bǐɛ̃baa ǹ màn mɛn kɔ n la, bɛ̀ ma bɛ́ má n gɔn da n la, toa n nə n yiri koa bɛ li, n dí nya-n parsiini.

Ebrəə 10:32

Ka n yiri gisĩ kaa giala-kɔ nɛ. Bɛa biikoon li, kaa Lawa a wɔlɔ fúlu yɛ lɛ kio, ka fuu gigiã yɛ, ka sii si ka ganaa.

Ebrəə 13:9

Ka baran toa ǹ ka yiri sã ka daraa tɔrɔ diin ni wa. A giala, a n siĩni min foo tã kɔ Lawa a bǐɛ̃baa barka nɛ. A baran tã kɔ màn-biin bɔkɔnlɛ gɔn wa. A giala, min mɛnɛn nə n saa bɛn li, ǹ là kɔ́n yɛ a-n wa.

Piɛrɛ1 5:10

Sɛnɛ, ka bɛ́ fuu yii biikoo boɛɛn kɛ gɔ́ɔ̃-n ke, bɛ kio, bǐɛ̃ tumaa zɛnaali Lawa mɛn bɛ́ á ka bíi, mà ka kaa wɔ gii yɛ a din a gugurubaa nyabaã wole kɛ nɛ, kaa kaa-kun Krita-n lɛ barka nɛ, bɛa Lawa lɛ dinmaa n die ka gòãn doɛ doo, a ka foo taã, a pàã kɔ ka la, a ka kaa gòãn koa ǹ bǎã sonbore ne.

Piɛrɛ1 5:12

Boo nɛ paa ke má n die diɛ ka la, Silaasi na á n dɔ ma lɛ, á ǹ kiɛ̃, Silaasi mɛn bɛ́, man kuĩ ma dɔɔ̃n Lawa-nyankɔle bɔlɔgoondɛnaa lɛa. Man sɛ́wɔ kɛ diɛ ma á ka foo taɛ̃. Man maa siérebaa ǹ boo kɛ pii ka nɛ, máa Lawa a bǐɛ̃baa kɛ n sonbore lɛa, máa ka goã bɛ lɛ gɔ́ɔ̃ nɛ.

Piɛrɛ2 1:13

Sɛnɛ, má yɛ máa á pepere, a ma toa maa tá kanaa kɛ gɔ́ɔ̃ nɛ, ma boo da ka nɛ, ma ka yiri gisĩ bɛa siin kɛn lɛn nɛ, màn mɛn bɛ́ toɛ, ka n yii dɔraa.

Piɛrɛ2 1:15

Sɛnɛ, ma á re n doɛ sɔnbɔraanɛ, màn mɛn bɛ́ toɛ, maa woo kio, ka boo la sii din tumaa gɔ́ɔ̃ nɛ, ka daraan kɛn tamaa ka yiri ni.

Piɛrɛ2 3:1

Maa giaáran lɛn, maa sɛ́wɔ lɛ a paabaa ǹ wɔ n ka kɛ nɛ, ma á kiɛ̃ diɛ ka la. Bɛa sɛ́wɔ màn paa lɛ din tumaa gɔ́ɔ̃ nɛ, man má ga li, máa man dɔ ka lɛ, ma ka yiri gisĩ daraan kɛn nɛ ká yɛ, màn mɛn bɛ́ toɛ, ka taasiɛ peperen wɔ.

Piɛrɛ2 3:17

Haya, maa giaáran lɛn, dan bɛ́ á n da ka nɛ! Ka ka dinin kũ doɛ̃, piã dí-pɛn nɛ wolen mɛnɛn bɛ́ papaã nɛ, ka baran toa ǹ ka yiri sã ǹ ka papaã wa. Gòãn doa ǹ bǎã sonbore mɛn bɛ́ ka lon, ka nyan toa min ka nyanaa a ka bɔ bɛ la wa.

Zaã1 2:21

Ma bie sɛ́wɔ kɛ diɛ ka la, mà ka n ka a sonbore lɛ doɛ̃ wa. Ma á doɛ̃ máa ka á sonbore lɛ doɛ̃, ka á doɛ̃ dɔn, mà soɛ kɔ́n ba boe la, a bɔ sonbore lɛ-n wa.

Zaã2 1:2

Sonbore mɛn bɛ́ wɔ nɛ, a n die goɛ̃ wɔ li yǎa duduu, man ka narɛ bɛ lɛ a lɛa.

Zude 1:17

Maa giaáran lɛn, wɔa Dɛnaa Yezu Krita a kialandɛnan lɛn nə wɔ daraa boon mɛnɛn ganaa lɛlɛ ke, ka n yiri gisĩ bɛn nɛ.

Zude 1:3

Maa giaára sonboren lɛn, kirisibaa mɛn bɛ́ wɔ tumaa wɔ lɛa kun, man má goã giɛ li parsiini, ma sɛ́wɔ kiɛ̃ ma dia ka la bɛ wɔ gɔn la. Sɛnɛ, má yɛ máa a na á pàã baa ma ganaa sisia, ma sɛ́wɔ lɛ kiɛ̃, màn mɛn bɛ́ toɛ, ma ka foo taã ka n doa, ka yɔ bɔ golee Lawa li gɔ́ɔ̃ nɛ, golee Lawa li mɛn bɛ́ Lawa din kɔ wɔ la gunyin goon dinsɔɔ̃, kɔsɔ ná a ba kio wa, wɔsɛn mɛnɛn tumaa bɛ́ a din wɔn lɛa.

Zude 1:5

A laan ka á bɛ doɛ̃ taãn-taãn gɔrɔ, man giɛ li, ma ka yiri gisĩ a nɛ, máa Dɛnaa bɛ́ a ná a din a minin kɛn si, á ǹ bɔ Ezipti minin pàã giulun ǹ mɛn waáraa, ǹ mɛnɛn nə n piã bɛ kio, ǹ nə́ ǹ golee li wa, Lawa toa bɛn nə́ gã.