Ozee 1:7 - LAWA A BOO SONBORE 2011

⁷ Sɛnɛ, Zudaa minin kɛn, ma á re makara boe bɛn ganaa. Ma din Dɛnaa Lawa nə ǹ Lawa lɛa, ma din nə die ǹ kirisibiɛ. Sɛnɛ, ma bie re ǹ kirisibiɛ ka sa-n wa, gɔya sa bie wa, zia bie wa, sùin bie wa, sùi da-baalin bie wa.»

LAWA A BOO SONBORE

⁷ Sɛnɛ, Zudaa minin kɛn, ma á re makara boe bɛn ganaa. Ma din Dɛnaa Lawa nə ǹ Lawa lɛa, ma din nə die ǹ kirisibiɛ. Sɛnɛ, ma bie re ǹ kirisibiɛ ka sa-n wa, gɔya sa bie wa, zia bie wa, sùin bie wa, sùi da-baalin bie wa.»

Ozee 1:7 Iomraidhean Croise

Kiin2 19:29

Kɛ n die sii a kɔnboe biɛ n gɔn Ezekiasi: Màn nàn mɛn nə n si á kaa, man die bɛ bii miɛ̃la. Lɛ̀-boe, kaãsaã gɔ́ɔ̃ màn nɛ, ǹ tá re bii. Sɛnɛ, a lɛ̀ sɔɔbaa ǹ wɔ, ka màn da ka kuru, ka *rezɛ̃ dan zumu ka ǹ nɛ bii.

Kiin2 19:34

Man die kiwi kɛ tamɛɛ, ma a kanbaa ma din laanka maa dí-nyali Davida taman yii.

Kiin2 19:35

Bɛa tèlò lɛ nɛ, Dɛnaa Lawa a lon a dia dí-a wole woo giĩ duu paabiɛ ka pɔkiwisiwensooro (185 000) dɛ, Asiirii minin bǎã nɛ. Baayɛlɛ, minin bɛ́ ǹ nə́ yoo, a yii minbuiin nɛ gere tán, ǹ nə́ gã!

Kiin2 6:18

Siirii minin lɛn nə́ daa Yiliizee gialaa, yǎa Yiliizee Lawa nyankɔ á pɛ: «Bǐɛ̃ kɔ n tɔrɔn kɛn yii tã!» Dɛnaa Lawa nə́ ǹ yii tã á kɔnpɛ ka Yiliizee a boo ne.

Loen 33:16

Zia-baalin mɔnaabaa bie toɛ kii gɔ̀lɔ̀baa yɛ wa. Kakabaa bie toɛ zia-baali kirisibaa wa.

Loen 44:7

Haayii, masɛ bie n foo doɛ maa sa ganaa wa, maa gɔya sa bie re ma kirisibiɛ wa.

Bɔ bɛ̀rɛbaa nɛ 14:13

Muizu pɛ zaman lɛ nɛ: «Ka baran nyɛ́ɛ baa wa. Ka golee kiĩni ka ga Dɛnaa a minin kirisibaa ǹ sii kɛ ganaa a n die zɛnɛɛ ka-n pelo. Sonbore, ka yii bɛ́ Ezipti minin mɛnɛn ganaa pelo ke, ka yii ba re ǹ yii doo duduu wa.

Bɔ bɛ̀rɛbaa nɛ 14:30

Dɛnaa din na á Izirayeli nɛnyaanan kirisibaa Ezipti minin ganaa bɛa pinaa kɛ lɛ nɛ. Izirayeli nɛnyaanan yii Ezipti minin geren yɛ tà lɛ lɛ-a.

Izayii 12:2

Á ke, Dɛnaa Lawa n ma kirisibaali lɛa. Ma foo n doa nɛ a din ganaa, nyɛ́ɛ ba ma ganaa doo wa. Dɛnaa Lawa n ma pàã laanka maa loe lɛa, ma kirisibaali ni.»

Izayii 30:18

A da yaa, Dɛnaa Lawa á re yui, a na a bǐɛ̃ nyaa ka nɛ, á re a foo basiɛ̃baa nyɛɛ ka nɛ. Sonbore, Dɛnaa Lawa n Lawa pepere lɛa. Min mɛnɛn foo bɛ́ doa nɛ a ganaa, bɛn foo á re kɔɔ̃n koe.

Izayii 49:6

Á pɛ ma nɛ: N bie re maa dí-nyali dinsɔɔ̃ biɛ, n Zakɔba tɔrɔn goa n nə ǹ kaa lon, Izirayeli min mɛnɛn yii goa koo, n da ka bɛn nɛ wa. Man die n biɛ tɔrɔn tɛ fúlu lɛa, màn mɛn bɛ́ toɛ maa kirisibaa dɔ kanaa lɛ dan ganaa.

Izayii 7:14

Bɛ lɛ nɛ, Dɛnaa din nə die sii a kɔnboe koe ka la: Á ke, nɛnɛn tá re nɔ̀ sii, a nɛgiĩ yɛ. Á re a tɔ koe Emanuwɛli, bɛ giala mà "Lawa tá kun ka wɔ nɛ".

Zeremii 25:5

Maǹ nə́ pɛ ka nɛ: «Didie doamaa nɛ a na a giã ǹ gɔn baraa laanka a sii baraan kaa. Ka bɛ nɛ, ka á re boe la ka giã gána kɛ nɛ má kɔ ka laanka ka digolon la, duduu, yǎa duduu.

Zeremii 25:6

Ka nyan kɔ dìn lɛ ka ǹ guguru kɔ, ka n musin doa tán-a ǹ yɔrɔ-a wa. Ka nyan ma foo yoo ka dì nyín zɛnaa-n wa. Bɛa yɔrɔ lɛ la, ma a re baraa kɔn zɛnɛɛ ka-n wa.

Zeremii 33:26

Bɛa yɔrɔ lɛ la ma á boe la ma Zakɔba a sumu kɛ toa walan ka maa dí-nyali Davida wɔ kɛ nɛ? Ma á boe la man piã máa maa kiãn boe ǹ bii, ǹ mɛnɛn lɛn bɛ́ re Abrahamu laanka Izaaki ka Zakɔba a nɛnyaanan nyɛɛnaan boe wa? Haayii! Ǹ makara n boe ma ganaa, man die ǹ lɛlɛ ǹ giã ǹ gɔn koe ǹ la.»

Ozee 1:8

Gomɛɛrɛ bɛ́ á Lo-Urukama lɛ na nyɔ ganaa, á wusoo á nɔ̀ si, á nɛgiĩ yɛ doo.

Zakarii 4:6

Á ma lɛ si á pɛ: Kɛ n Dɛnaa Lawa a boo lɛa Zorobabeli wɔ paǹ li. «Dí ke n gɔn, n din a foo tãbaa hinlaa n pàã kɛ bie die toɛ n boo la n nya wa, sɛnɛ, ma din yiri kɛ nɛ, Dɛnaa Lawa Pàãyiidɛnaa n pii miɛ̃.»

Samayeli1 17:47

Zaman kɛ lɛ tumaa á re doɛ̃, mà Dɛnaa Lawa bie min sii diɛ ka gɔya nɛ, hinlaa ka sɛmiɛ̃-n wa. Zia a gɔ̀lɔ̀baa n Dɛnaa Lawa wɔ lɛa, a tá re ǹ we wɔ gɔn.»